ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
21 դեկտեմբերի 2000 թվականի N 56
15. ՉԻՆԱՍՏԱՆԻ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԿՑՈՒԹՅԱՄԲ ՔԼՈՐՈՊՐԵՆԱՅԻՆ ԿԱՈՒՉՈՒԿՆԵՐԻ ԱՐՏԱԴՐՈՒԹՅԱՆ ՁԵՌՆԱՐԿՈՒԹՅՈՒՆ ՍՏԵՂԾԵԼՈՒ ՄԱՍԻՆ
1. Հավանություն տալ Չինաստանի Ժողովրդական Հանրապետությունում Հայաստանի Հանրապետության մասնակցությամբ քլորոպրենային կաուչուկների արտադրության ձեռնարկություն ստեղծելու նպատակով Հայաստանի Հանրապետության արդյունաբերության և առևտրի նախարարության մասնագիտական հանձնախմբի կողմից Չինաստանի Շանսի նահանգի Դատոն քաղաքում 2000 թվականի օգոստոսի 23-ին ստորագրված արձանագրության դրույթներին:
2. Հայաստանի Հանրապետության արդյունաբերության և առևտրի նախարարությանը` նշված արձանագրությունից բխող խնդիրների իրականացման նպատակով իրականացնել համապատասխան միջոցառումներ և, անհրաժեշտության դեպքում, սահմանված կարգով Հայաստանի Հանրապետության կառավարություն ներկայացնել առաջարկություններ: