040.0027.170101
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«17» հունվարի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
17 հունվարի 2001 թվականի N 27
«ՀԱՅՈՍԿԻ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆՆ ԱՐԴՅՈՒՆԱԲԵՐԱԿԱՆ ՊԱՅԹՈՒՑԻԿ ՆՅՈՒԹԵՐ ԵՎ ՊԱՅԹԵՑՄԱՆ ՄԻՋՈՑՆԵՐ ՆԵՐՄՈՒԾԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Թույլատրել «Հայոսկի» փակ բաժնետիրական ընկերությանն արտադրական կարիքների համար Հայաստանի Հանրապետություն ներմուծել հետևյալ արդյունաբերական պայթուցիկ նյութերն ու պայթեցման միջոցները`
ամոնիտ (6 ԺՎ)` 150 (հարյուր հիսուն) հազ. կգ
պիրոտեխնիկական ռելե (ՌՊ-92-0)` 20 (քսան) հազ. հատ
դետոնացիոն քուղ (ԴՇԷ-12)` 600 (վեց հարյուր) հազ. գծ. մ
կրակատար քուղ (ՕՇԱ)` 10 (տասը) հազ. գծ.մ
կապսուլ-դետոնատոր (ԿԴ-8)` 5 (հինգ) հազ. հատ
Էմուլսիոն պայթուցիկ նյութեր` 150 (հարյուր հիսուն) հազ. կգ
ոչ էլեկտրական դետոնատոր (լրակազմ)` 100 (հարյուր) հազ. հատ:
2. Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության ազգային անվտանգության նախարարությանը, Հայաստանի Հանրապետության ներքին գործերի նախարարությանը, Հայաստանի Հանրապետության բնապահպանության նախարարությանը, Հայաստանի Հանրապետության առողջապահության նախարարությանը, «Հայլեռտեխհսկողություն» վարչությանը` սահմանված կարգով ապահովել արդյունաբերական պայթուցիկ նյութերի և պայթեցման միջոցների ստացումը, փոխադրումը, պահեստավորումը և պահպանության անվտանգության պայմանների նկատմամբ վերահսկողությունը:
3. Սույն որոշումն ուժի մեջ է մտնում 2001 թվականի հունվարի 17-ից: