040.0063.290101
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«29» հունվարի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
29 հունվարի 2001 թվականի N 63
ՊԱՏՎԱՐՆԵՐԻ ԱՆՎՏԱՆԳՈՒԹՅԱՆ ԾՐԱԳՐՈՎ ՆԱԽԱՏԵՍՎԱԾ ՄԻՋՈՑՆԵՐԸ ՎԵՐԱԲԱՇԽԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Ընդունել «Ոռոգման համակարգերի վերականգնում» ծրագրի կառավարման խորհրդի առաջարկությունը պատվարների անվտանգության ծրագրով նախատեսված միջոցների վերաբաշխման վերաբերյալ և չբաշխված գումարներից 990 հազ. SDR (1294000 ԱՄՆ-ի դոլար) հատկացնել «2000 թվականի երաշտի և սակավաջրության հետևանքների մեղմացման միջոցների շրջանակներում 2001 թվականի գարնանացանի համար Հայաստանի Հանրապետության մարզերում աշխատանքների կատարում» ծրագրի իրականացման և խորքային հորերի վերականգնման աշխատանքներին, որից 1144 հազ. ԱՄՆ-ի դոլար` նշված ծրագրի իրականացման և 150 հազ. ԱՄՆ-ի դոլար` խորքային հորերի վերականգնման ռետրոակտիվ ֆինանսավորման համար:
2. Սույն որոշումն ուժի մեջ է մտնում 2001 թվականի հունվարի 29-ից: