Սեղմել Esc փակելու համար:
1992 ԹՎԱԿԱՆԻ ՓԵՏՐՎԱՐԻ 14-Ի ԱՆԿԱԽ ՊԵՏՈ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

1992 ԹՎԱԿԱՆԻ ՓԵՏՐՎԱՐԻ 14-Ի ԱՆԿԱԽ ՊԵՏՈՒԹՅՈՒՆՆԵՐԻ ՀԱՄԱԳՈՐԾԱԿՑՈՒԹՅԱՆ ՄԱՍՆԱԿԻՑ ՊԵՏՈՒ ...

 

 

020.0280.020201

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐԱԿԱՆ ԴԱՏԱՐԱՆԻ ՈՐՈՇՈՒՄԸ

2 փետրվարի 2001 թվականի N ՍԴՈ-280

 

1992 ԹՎԱԿԱՆԻ ՓԵՏՐՎԱՐԻ 14-Ի ԱՆԿԱԽ ՊԵՏՈՒԹՅՈՒՆՆԵՐԻ ՀԱՄԱԳՈՐԾԱԿՑՈՒԹՅԱՆ ՄԱՍՆԱԿԻՑ ՊԵՏՈՒԹՅՈՒՆՆԵՐԻ ՄԻՋԵՎ ԶԻՆԾԱՌԱՅՈՂՆԵՐԻ, ԶԻՆՎՈՐԱԿԱՆ ԾԱՌԱՅՈՒԹՅՈՒՆԻՑ ԱԶԱՏՎԱԾ ԱՆՁԱՆՑ ԵՎ ՆՐԱՆՑ ԸՆՏԱՆԻՔՆԵՐԻ ԱՆԴԱՄՆԵՐԻ ՍՈՑԻԱԼԱԿԱՆ ՈՒ ԻՐԱՎԱԿԱՆ ԵՐԱՇԽԻՔՆԵՐԻ ՄԱՍԻՆ ՀԱՄԱՁԱՅՆԱԳՐԻՆ ԿԻՑ` 2000 ԹՎԱԿԱՆԻ ՀՈՒՆՎԱՐԻ 25-ԻՆ ՄՈՍԿՎԱՅՈՒՄ ՍՏՈՐԱԳՐՎԱԾ ԱՐՁԱՆԱԳՐՈՒԹՅՈՒՆՈՒՄ ԱՄՐԱԳՐՎԱԾ ՊԱՐՏԱՎՈՐՈՒԹՅՈՒՆՆԵՐԻ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐՈՒԹՅԱՆԸ ՀԱՄԱՊԱՏԱՍԽԱՆՈՒԹՅԱՆ ՀԱՐՑԸ ՈՐՈՇԵԼՈՒ ՎԵՐԱԲԵՐՅԱԼ ԳՈՐԾՈՎ

 

Հայաստանի Հանրապետության սահմանադրական դատարանը, նախագահությամբ` սահմանադրական դատարանի նախագահ Գ. Հարությունյանի, կազմով` սահմանադրական դատարանի նախագահի տեղակալ Վ. Հովհաննիսյանի, սահմանադրական դատարանի անդամներ Ֆ. Թոխյանի, Հ. Նազարյանի, Ռ. Պապայանի, Վ. Սահակյանի, Մ. Սևյանի,

մասնակցությամբ` Հայաստանի Հանրապետության Նախագահի պաշտոնական ներկայացուցիչ` Հայաստանի Հանրապետության պաշտպանության նախարար Ս. Սարգսյանի,

համաձայն Հայաստանի Հանրապետության Սահմանադրության 100 հոդվածի 2-րդ կետի, 101 հոդվածի 1-ին կետի, «Սահմանադրական դատարանի մասին» Հայաստանի Հանրապետության օրենքի 5 հոդվածի 2-րդ կետի, 25 հոդվածի 1-ին կետի, 21 և 56 հոդվածների,

դռնբաց նիստում քննեց «1992 թվականի փետրվարի 14-ի Անկախ պետությունների համագործակցության մասնակից պետությունների միջև զինծառայողների, զինվորական ծառայությունից ազատված անձանց և նրանց ընտանիքների անդամների սոցիալական ու իրավական երաշխիքների մասին համաձայնագրին կից` 2000 թվականի հունվարի 25-ին Մոսկվայում ստորագրված արձանագրությունում ամրագրված պարտավորությունների` Հայաստանի Հանրապետության Սահմանադրությանը համապատասխանության հարցը որոշելու վերաբերյալ» գործը:

Գործի քննության առիթը Հայաստանի Հանրապետության Նախագահի դիմումն է սահմանադրական դատարան:

Լսելով սույն գործով զեկուցող` Հայաստանի Հանրապետության սահմանադրական դատարանի անդամ Մ. Սևյանի հաղորդումը, Հայաստանի Հանրապետության Նախագահի ներկայացուցիչ Ս. Սարգսյանի բացատրությունները, հետազոտելով արձանագրությունը և գործում առկա մյուս փաստաթղթերը, Հայաստանի Հանրապետության սահմանադրական դատարանը ՊԱՐԶԵՑ.

 

1. Սույն արձանագրությունն ստորագրվել է 2000 թվականի հունվարի 25-ին Մոսկվայում` Կողմերի զինծառայողների, զինվորական ծառայությունից ազատված անձանց և նրանց ընտանիքների անդամների սոցիալական ու իրավական պաշտպանության ապահովման հարցերում համաձայնեցված գործողությունների իրականացման նպատակով:

2. Արձանագրությունը լրացնում է 1992 թվականի փետրվարի 14-ի Անկախ պետությունների համագործակցության մասնակից պետությունների միջև զինծառայողների, զինվորական ծառայությունից ազատված անձանց և նրանց ընտանիքների անդամների սոցիալական ու իրավական երաշխիքների մասին համաձայնագիրը` ավելի ընդլայնելով զինծառայողների, զինվորական ծառայությունից ազատված անձանց և նրանց ընտանիքների անդամների սոցիալական ու իրավական պաշտպանվածության երաշխիքները, նպաստներ և փոխհատուցումներ տրամադրելու շրջանակները, ինչպես նաև ԱՊՀ մասնակից պետությունների սահմանները հատելիս նրանց մաքսային և որոշ հարկային արտոնություններ է տրամադրում:

3. Արձանագրությամբ նախատեսվում է, որ նախկին ԽՍՀՄ զինված ուժերում, այլ զորքերում, զինվորական կազմավորումներում և մարմիններում զինվորական ծառայությունն անցած և ԱՊՀ պետությունների զինված ուժեր, այլ զորքեր, զինվորական կազմավորումներ և մարմիններ զինվորական ծառայության տեղափոխված (ընդունված) քաղաքացիների վրա, ԱՊՀ մի պետությունից մյուսը մշտական բնակության վայր նրանց տեղափոխման դեպքում, տարածվում են մշտական բնակության վայր ընտրված պետության օրենսդրությամբ և այլ նորմատիվ իրավական ակտերով զինծառայողների համար սահմանված իրավունքներն ու արտոնությունները, երաշխիքներն ու փոխհատուցումները:

4. Արձանագրությամբ նախատեսվում են Կողմերի տարածքներում զինծառայողների, զինվորական ծառայությունից ազատված անձանց և նրանց ընտանիքների անդամների` կրթություն ստանալու և մանկական նախադպրոցական հաստատություններից օգտվելու հնարավորությունները, սահմանվում` երկաթուղային, ջրային, օդային ու ավտոմոբիլային տրանսպորտից անվճար օգտվելու հիմքերն ու կարգը, և զբաղեցրած բնակարանները փոխանակելու իրավունքը:

5. Արձանագրությամբ նախատեսվում է, որ զինծառայողների կամ վարժական հավաքների կանչված քաղաքացիների` զինվորական ծառայության պարտականությունների կատարման ժամանակ զոհվելու (մահվան), կամ ստացած հաշմության հետևանքով զինվորական ծառայությունից (վարժական հավաքից) ազատվելու օրվանից մեկ տարվա ընթացքում մահանալու, կամ առաջացած հիվանդության դեպքում, նրանց ընտանիքների անդամներին վճարվում են նպաստներ, փոխհատուցումներ և ապահովագրական գումարներ, այն նորմերով և կարգով, որոնք նախատեսված են ԱՊՀ այն պետության քաղաքացիություն ունեցող ընտանիքների անդամների համար, որի զինված ուժերում, այլ զորքերում, զինվորական կազմավորումներում և մարմիններում զինվորական ծառայություն (վարժական հավաք) են անցել զինծառայողները (քաղաքացիները):

6. Արձանագրությունում նախատեսված են նաև դրա ուժի մեջ մտնելու վերաբերյալ դրույթներ:

Արձանագրությունը կնքված է մեկ բնօրինակով` ռուսերենով:

7. Սույն արձանագրությամբ սահմանված դրույթները համահունչ են` 1948 թ. Մարդու իրավունքների համընդհանուր հռչակագրում, 1950 թ. Մարդու իրավունքների ու հիմնարար ազատությունների պաշտպանության մասին կոնվենցիայում և 1966 թ. Տնտեսական, սոցիալական և մշակութային իրավունքների մասին պակտում ամրագրված սկզբունքներին և նորմերին:

Ելնելով գործի քննության արդյունքներից և ղեկավարվելով Հայաստանի Հանրապետության Սահմանադրության 100 հոդվածի 2 կետով, 102 հոդվածի առաջին և երրորդ մասերով, «Սահմանադրական դատարանի մասին» Հայաստանի Հանրապետության օրենքի 5 հոդվածի 2-րդ կետով, 67 և 68 հոդվածներով, Հայաստանի Հանրապետության սահմանադրական դատարանը ՈՐՈՇԵՑ.

 

i

1. 1992 թվականի փետրվարի 14-ի Անկախ պետությունների համագործակցության մասնակից պետությունների միջև զինծառայողների, զինվորական ծառայությունից ազատված անձանց և նրանց ընտանիքների անդամների սոցիալական ու իրավական երաշխիքների մասին համաձայնագրին կից` 2000 թվականի հունվարի 25-ին Մոսկվայում ստորագրված արձանագրությունում ամրագրված պարտավորությունները համապատասխանում են Հայաստանի Հանրապետության Սահմանադրությանը:

2. Հայաստանի Հանրապետության Սահմանադրության 102 հոդվածի երկրորդ մասի համաձայն սույն որոշումը վերջնական է, վերանայման ենթակա չէ, ուժի մեջ է մտնում հրապարակման պահից:

 

2 փետրվարի 2001 թ.

ՍԴՈ-280

 

 

pin
ՀՀ Սահմանադրական դատարան
02.02.2001
N ՍԴՈ-280
Որոշում