040.0097.090201
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«9» փետրվարի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
9 փետրվարի 2001 թվականի N 97
i
«ՀԱՅԱՍՏԱՆԻ ԱԶԳԱՅԻՆ ՀԵՌՈՒՍՏԱՏԵՍՈՒԹՅՈՒՆ» ԵՎ «ՀԱՅԱՍՏԱՆԻ ԱԶԳԱՅԻՆ ՌԱԴԻՈ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԸ ԼՈՒԾԱՐԵԼՈՒ ՄԱՍԻՆ
Հայաստանի Հանրապետության քաղաքացիական օրենսգրքի 67-րդ և «Հեռուստատեսության և ռադիոյի մասին» Հայաստանի Հանրապետության օրենքի 59-րդ հոդվածներին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության օրենսդրությամբ սահմանված կարգով լուծարել «Հայաստանի ազգային հեռուստատեսություն» և «Հայաստանի ազգային ռադիո» պետական փակ բաժնետիրական ընկերությունները:
2. «Հայաստանի ազգային հեռուստատեսություն» և «Հայաստանի ազգային ռադիո» պետական փակ բաժնետիրական ընկերությունների լուծարումն իրականացնելու նպատակով ստեղծել լուծարման հանձնաժողով հետևյալ կազմով`
Է. Միլիտոնյան - ՀՀ կառավարությանն առընթեր տեղեկատվության և
գրահրատարակչության վարչության պետ (հանձնաժողովի
նախագահ)
Հ. Պետրոսյան - ՀՀ Նախագահի աշխատակազմի հասարակայնության և
տեղեկատվության միջոցների հետ կապերի վարչության պետ
(համաձայնությամբ)
Ա. Ղազարյան - ՀՀ Ազգային ժողովի հասարակայնության հետ կապերի
վարչության պետի պաշտոնակատար (համաձայնությամբ)
Մ. Հարությունյան - ՀՀ կառավարության աշխատակազմի մամուլի և
հասարակայնության հետ կապերի վարչության պետ
Ա. Ամիրյան - «Հայաստանի ազգային ռադիո» ՊՓԲԸ-ի գլխավոր տնօրեն
Ա. Արզումանյան - «Հայաստանի ազգային հեռուստատեսություն» ՊՓԲԸ-ի
գործադիր տնօրենի ժամանակավոր պաշտոնակատար
3. Լուծարման հանձնաժողովին` Հայաստանի Հանրապետության օրենսդրությամբ սահմանված կարգով միջոցներ ձեռնարկել աշխատանքից ազատման ենթակա կամ այլ աշխատանքի տեղափոխվող աշխատողների աշխատանքային իրավունքներն ու երաշխիքներն ապահովելու և լուծարման գործընթացն իրականացնելու համար:
4. Հայաստանի Հանրապետության օրենսդրությամբ սահմանված կարգով պարտատերերի պահանջները բավարարելուց հետո 10-օրյա ժամկետում «Հայաստանի ազգային հեռուստատեսություն» և «Հայաստանի ազգային ռադիո» պետական փակ բաժնետիրական ընկերությունների մնացած գույքը հանձնել «Հանրային հեռուստառադիոընկերություն» պետական հիմնարկի տնօրինությանը: