Սեղմել Esc փակելու համար:
«ՀԱՆՐԱՊԵՏՈՒԹՅՈՒՆ» ՓԱԿ ԲԱԺՆԵՏԻՐԱԿԱՆ ԸՆ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ՀԱՆՐԱՊԵՏՈՒԹՅՈՒՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆ ՍՏԵՂԾԵԼՈՒ ՄԱՍԻՆ

 

 

040.0100.090201

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«9» փետրվարի 2001 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

9 փետրվարի 2001 թվականի N 100

 

i

«ՀԱՆՐԱՊԵՏՈՒԹՅՈՒՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆ ՍՏԵՂԾԵԼՈՒ ՄԱՍԻՆ

 

Ղեկավարվելով «Բաժնետիրական ընկերությունների մասին» Հայաստանի Հանրապետության օրենքով, ինչպես նաև նկատի ունենալով այն հանգամանքը, որ «Հայաստանի Հանրապետության քաղաքացիական օրենսգիրքը գործողության մեջ դնելու մասին» Հայաստանի Հանրապետության օրենքի 6-րդ հոդվածի պահանջներին համապատասխան «Հայաստանի Հանրապետություն» օրաթերթը ենթակա է լուծարման` Հայաստանի Հանրապետության կառավարությունը որոշում է.

1. Ստեղծել «Հանրապետություն» փակ բաժնետիրական ընկերություն:

2. Սահմանել ընկերության կանոնադրական կապիտալը` 500.00 հազ. (հինգ հարյուր հազար) դրամ` որը համապատասխանում է 500 սովորական բաժնետոմսի` յուրաքանչյուրը 1000 դրամ անվանական արժեքով:

3. Հայաստանի Հանրապետության ֆինանսների և էկոնոմիկայի նախարարությանը` սույն որոշումն ուժի մեջ մտնելուց հետո 5-օրյա ժամկետում «Հանրապետություն» փակ բաժնետիրական ընկերության կողմից տեղաբաշխվող բաժնետոմսերի դիմաց վճարումն իրականացնել Հայաստանի Հանրապետության 2001 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

4. Հաստատել «Հանրապետություն» փակ բաժնետիրական ընկերության հիմնադրի լիազոր ներկայացուցիչների կազմը (կցվում է):

5. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` սույն որոշումն ուժի մեջ մտնելուց հետո մեկշաբաթյա ժամկետում հրավիրել «Հանրապետություն» փակ բաժնետիրական ընկերության ընդհանուր ժողով:

6. Հայաստանի Հանրապետության արդարադատության նախարարությանը` երկօրյա ժամկետում իրականացնել «Հանրապետություն» փակ բաժնետիրական ընկերության պետական գրանցումը:

7. Սահմանել, որ «Հայաստանի Հանրապետություն» օրաթերթի լուծարումից և պարտատերերի պահանջները բավարարելուց հետո մնացած գույքն անհատույց հանձնվում է «Հանրապետություն» փակ բաժնետիրական ընկերությանը:

8. Սույն որոշումն ուժի մեջ է մտնում 2001 թվականի փետրվարի 9-ից:

 

Հաստատված է

ՀՀ կառավարության 2001 թ.

փետրվարի 9-ի N 100 որոշմամբ

 

ԿԱԶՄ

 

«Հանրապետություն» փակ բաժնետիրական ընկերության

հիմնադրի լիազոր ներկայացուցիչների

 

ՀՀ Նախագահի աշխատակազմի հասարակայնության

և տեղեկատվության միջոցների հետ կապերի

    վարչության պետ (ի պաշտոնե)                        - 125 բաժնետոմս

 

ՀՀ Ազգային ժողովի աշխատակազմի հասարակայնության

    հետ կապերի վարչության պետ (ի պաշտոնե)             - 125 բաժնետոմս

 

ՀՀ կառավարության աշխատակազմի տեղեկատվության

    և  հասարակայնության հետ կապերի վարչության պետ     - 125 բաժնետոմս

(ի պաշտոնե)

 

ՀՀ կառավարությանն առընթեր տեղեկատվության և

    գրահրատարակչության վարչության պետ (ի պաշտոնե)     - 125 բաժնետոմս

 

 

pin
ՀՀ կառավարություն
09.02.2001
N 100
Որոշում