041.0106.090201
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
9 փետրվարի 2001 թվականի N 106
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2000 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ԿԱՏԱՐՄԱՆ ՏԱՐԵԿԱՆ ՀԱՇՎԵՏՎՈՒԹՅՈՒՆԸ ԿԱԶՄԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 25-րդ հոդվածի 1-ին կետին համապատասխան Հայաստանի Հանրապետության 2000 թվականի պետական բյուջեի կատարման տարեկան հաշվետվության կազմումն ապահովելու նպատակով`
1. Հայաստանի Հանրապետության նախարարություններին, գերատեսչություններին, մարզպետներին և Երևանի քաղաքապետին` իրենց և իրենց ենթակա բյուջետային հիմնարկների կողմից «Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքով ֆինանսավորվող ծրագրերի վերաբերյալ Հայաստանի Հանրապետության ֆինանսների և էկոնոմիկայի նախարարություն ներկայացնել`
ա) ֆինանսական հաշվետվություն` Հայաստանի Հանրապետության ֆինանսների և էկոնոմիկայի նախարարության կողմից սահմանված ժամկետներում և հաշվետվական ձևերին համապատասխան.
բ) մինչև 2001 թվականի մարտի 1-ը` հետևյալ տեղեկությունները`
Հայաստանի Հանրապետության պետական բյուջեից ֆինանսավորվող ծրագրի բովանդակային նկարագիրը, խնդիրները և նպատակները,
Հայաստանի Հանրապետության 2000 թվականի պետական բյուջեից հատկացված գումարների հաշվին փաստացի իրականացված ծրագրերի ծրագրային ցուցանիշների կատարման արդյունքների վերլուծությունը և շեղումների հիմնավորումները,
Հայաստանի Հանրապետության 2000 թվականի պետական բյուջեի ծախսերի` տնտեսագիտական դասակարգմամբ նախատեսված հոդվածների միջև վերաբաշխումների հիմնավորումը,
Հայաստանի Հանրապետության 2000 թվականի պետական բյուջեի ծախսերի` գործառական դասակարգմամբ նախատեսված խմբերին, ենթախմբերին և ծրագրերին վերաբերող այլ տեղեկություններ:
2. Առաջարկել Հայաստանի Հանրապետության օրենսդիր և դատական իշխանության մարմիններին ապահովել 2000 թվականի բյուջետային տարվա ընթացքում իրենց կողմից իրականացված ծրագրերի վերաբերյալ սույն որոշման 1-ին կետում նշված տեղեկությունների տրամադրումը Հայաստանի Հանրապետության ֆինանսների և էկոնոմիկայի նախարարությանը: