ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 դեկտեմբերի 2023 թվականի N 2315-Ն
ՀԱՄԱՏԵՂ ԱՐՏԱԴՐՈՒԹՅԱՆ ԿԱՐԳԱՎԻՃԱԿ ՏՐԱՄԱԴՐԵԼՈՒ ԵՎ ԴՐԱ ԳՈՐԾՈՂՈՒԹՅՈՒՆԸ ԴԱԴԱՐԵՑՆԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Կինեմատոգրաֆիայի մասին» Հայաստանի Հանրապետության օրենքի 7-րդ հոդվածի 1-ին մասի 4-րդ կետը` Հայաստանի Հանրապետության կառավարությունը որոշում է.
1. Հաստատել համատեղ արտադրության կարգավիճակ տրամադրելու և դրա գործողությունը դադարեցնելու կարգը` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակման օրվանից 2 ամիս հետո:
Հայաստանի Հանրապետության
վարչապետ Ն. Փաշինյան
2023 թ. դեկտեմբերի 28
Երևան
Հավելված
ՀՀ կառավարության
2023 թվականի դեկտեմբերի 28-ի
N 2315-Ն որոշման
ԿԱՐԳ
ՀԱՄԱՏԵՂ ԱՐՏԱԴՐՈՒԹՅԱՆ ԿԱՐԳԱՎԻՃԱԿ ՏՐԱՄԱԴՐԵԼՈՒ ԵՎ ԴՐԱ ԳՈՐԾՈՂՈՒԹՅՈՒՆԸ ԴԱԴԱՐԵՑՆԵԼՈՒ
1. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով սահմանվում են համատեղ արտադրության կարգավիճակ տրամադրելու և դրա գործողությունը դադարեցնելու ընթացակարգերը:
2. Կինեմատոգրաֆիայի ոլորտում միջազգային համագործակցությունն իրականացվում է միջազգային պայմանագրերի, այդ թվում` «Կինեմատոգրաֆիական համատեղ արտադրության մասին» Եվրոպայի խորհրդի կոնվենցիայի դրույթների, ինչպես նաև «Կինեմատոգրաֆիայի մասին» օրենքի 25-րդ և 26-րդ հոդվածներով սահմանված կարգավորումների համաձայն:
2. ՀԱՄԱՏԵՂ ԱՐՏԱԴՐՈՒԹՅԱՆ ԿԱՐԳԱՎԻՃԱԿԻ ՏՐԱՄԱԴՐՈՒՄԸ ԵՎ ԴՐԱ ԳՈՐԾՈՂՈՒԹՅԱՆ ԴԱԴԱՐԵՑՈՒՄԸ
3. Համատեղ արտադրության կարգավիճակը տրամադրում և այն դադարեցնում է մշակութային հիմնադրամը (այսուհետ` ազգային մարմին):
4. Համատեղ արտադրության նախնական կարգավիճակ ստանալու համար, ֆիլմի նկարահանումն իրականացնելուց առնվազն 1 ամիս առաջ ֆիլմարտադրողն ազգային մարմին է ներկայացնում համապատասխան հայտ (Ձև N 1)` ներառյալ անհրաժեշտ փաստաթղթերի փաթեթը, համաձայն «Կինեմատոգրաֆիայի մասին» օրենքի 19-րդ հոդվածի 1-ին մասի 1-7-րդ կետերի պահանջների:
5. Համատեղ արտադրության վերջնական կարգավիճակ ստանալու համար ֆիլմի արտադրության ավարտից հետո` 2 ամսվա ընթացքում, ֆիլմարտադրողն ազգային մարմին է ներկայացնում համապատասխան հայտ (Ձև N 1)` ներառյալ անհրաժեշտ փաստաթղթերի փաթեթը, համաձայն «Կինեմատոգրաֆիայի մասին» օրենքի 19-րդ հոդվածի 2-րդ մասի 1-7-րդ կետերի պահանջների, ինչպես նաև ավարտուն ֆիլմը (պաշտպանիչ շերտով` թվային կրիչով):
6. Օտարալեզու փաստաթղթերի հետ ներկայացվում է նաև դրանց հայերեն` որակավորված թարգմանչի կողմից կատարված թարգմանությունը:
7. Ֆիլմարտադրողի ներկայացրած փաստաթղթային փաթեթն ուսումնասիրելուց հետո, ոչ ուշ, քան 10 աշխատանքային օրվա ընթացքում, ազգային մարմինը ֆիլմարտադրողին տրամադրում է համատեղ արտադրության նախնական և (կամ) վերջնական կարգավիճակը հաստատող հավաստագիր (Ձև N 2):
8. Համատեղ արտադրության նախնական և (կամ) վերջնական կարգավիճակի տրամադրման հայտում թերությունների հայտնաբերման դեպքում ազգային մարմինը 3 աշխատանքային օրվա ընթացքում ծանուցում է (Ձև N 3) ուղարկում հայտատուին` 10 աշխատանքային օրվա ընթացքում թերությունները շտկելու և (կամ) բացակայող փաստաթղթերը ներկայացնելու պահանջով:
9. Համատեղ արտադրության նախնական և (կամ) վերջնական կարգավիճակի տրամադրման հայտը մերժվում է «Կինեմատոգրաֆիայի մասին» օրենքի 19-րդ հոդվածի 3-րդ մասի 1-3-րդ կետերով սահմանված պահանջների խախտման դեպքում` հայտը ստանալու օրվանից հետո, ոչ ուշ, քան 10 աշխատանքային օրվա ընթացքում (Ձև N 4):
10. Մերժված հայտերը` լրամշակված փաստաթղթային փաթեթով, կրկին կարող են ներկայացվել ազգային մարմին մերժման օրվանից ոչ ուշ, քան 20 աշխատանքային օրվա ընթացքում:
11. Միևնույն հայտը ազգային մարմին կարող է ներկայացվել առավելագույնը 2 անգամ:
12. Համատեղ արտադրության կարգավիճակը դադարեցվում է «Կինեմատոգրաֆիայի մասին» օրենքի 19-րդ հոդվածի 4-րդ մասի 1-2-րդ կետերով սահմանված դեպքերում, որի վերաբերյալ ազգային մարմինը 5 աշխատանքային օրվա ընթացքում ծանուցում է հայտատուին (Ձև N 5):
Ձև N 1
«Համատեղ արտադրության կարգավիճակ տրամադրելու
և դրա գործողությունը դադարեցնելու կարգը
հաստատելու մասին»
ՀՀ կառավարության «_» «__» 2023 թ. N -- որոշման
ՀԱՅՏԱԴԻՄՈՒՄ ՀԱՄԱՏԵՂ ԱՐՏԱԴՐՈՒԹՅԱՆ ԿԱՐԳԱՎԻՃԱԿ ՍՏԱՆԱԼՈՒ ՀԱՄԱՐ
«Ազգային մարմին»
հիմնադրամի տնօրենին
«________» ընկերությունը սկսում է «________» խաղարկային (վավերագրական, անիմացիոն) լիամետրաժ (կարճամետրաժ) ֆիլմի համատեղ արտադրությունը «________» (երկիր) և «________» (երկիր) ընկերությունների հետ.
«________» ֆիլմը______________________________________________________
հակիրճ բովանդակություն
__________________________________________________________________________
Նախագծում կողմերի ֆինանսական մասնակցությունը բաշխված է հետևյալ կերպ.
Ընկերություն Հայաստան _____%
Ընկերություն երկիր _____%
Ընկերություն երկիր _____%
Խնդրում ենք դիտարկել նշված ֆիլմին համատեղ արտադրության _______________ կարգավիճակ տրամադրելու հնարավորությունը` համաձայն
նախնական, վերջնական___________________________________________________
նշել ՀՀ համապատասխան միջազգային իրավական
__________________________________________________________________________
ակտի (երի) անվանումը _______________________________________ պահանջվող փաստաթղթերը կցվում են:
Իրավական ակտի(երի) անվանումը
«_______» տնօրեն` _________________ _______________ «_» «____» 202 թ.
ստորագրություն ԿՏ ԱԱՀ
Ձև N 2
«Համատեղ արտադրության կարգավիճակ տրամադրելու
և դրա գործողությունը դադարեցնելու կարգը
հաստատելու մասին»
ՀՀ կառավարության «_» «__» 2023 թ. N -- որոշման
ՀԱՄԱՏԵՂ ԱՐՏԱԴՐՈՒԹՅԱՆ ԿԱՐԳԱՎԻՃԱԿ ՏՐԱՄԱԴՐԵԼՈՒ ՀԱՎԱՍՏԱԳԻՐ
Տնտեսավարող սուբյեկտ
__________________________________________________________________________
Անվանումը և իրավաբանական հասցեն
Ֆիլմարտադրող
__________________________________________________________________________
Ֆիլմարտադրողի ԱԱՀ, քաղաքացիություն
Ֆիլմի անվանումը և տեսակը ____________________________________________
Հեղինակներ
__________________________________________________________________________
Ռեժիսոր, սցենարի հեղինակ, կոմպոզիտոր
«Ազգային մարմին» հիմնադրամը, համաձայն _______________________________
նշել ՀՀ համապատասխան միջազգային իրավական ակտի (երի) անվանումը
Համատեղ արտադրության կարգավիճակ է տրամադրում Հայաստանի, (երկիր, երկիր)
երկրների համատեղ արտադրության «_____________» ֆիլմին (ռեժ.`)
Ֆիլմի հաստատված բյուջեն կազմում է ____________ ՀՀ դրամ (նշել բյուջեի թիվը նաև արտարժույթով $, ևրո), հետևյալ համամասնությամբ.
.________________________________________________________________.
|Տնտեսավարող սուբյեկտի |Երկրները | Մասնաբաժինը |
|անվանումը | | |
|______________________|_____________|___________________________|
| |Հայաստան |% և գումար (ՀՀ դրամ, $, |
| | |ևրո) |
|______________________|_____________|___________________________|
|______________________|_____________|___________________________|
.________________________________________________________________.
«Ազգային մարմին» հիմնադրամի տնօրեն`__________ ________»_» «___» 202 թ.
Ստորագրություն ԿՏ ԱԱՀ
Ձև N 3
«Համատեղ արտադրության կարգավիճակ տրամադրելու
և դրա գործողությունը դադարեցնելու կարգը
հաստատելու մասին»
ՀՀ կառավարության «_» «__» 2023 թ. N -- որոշման
ԾԱՆՈՒՑՈՒՄ
Համատեղ արտադրության կարգավիճակ տրամադրելու համար հայտադիմումի
թերությունները շտկելու և (կամ) բացակայող փաստաթղթերը
ներկայացնելու վերաբերյալ
ՀԱՅՏԱՏՈՒԻ ԱՆՎԱՆՈՒՄ`
______________________________
ՀԱՅՏԱՏՈՒԻ ՀԱՍՑԵ`
______________________________
Տեղեկացնում ենք, որ ազգային մարմին ներկայացված «________» (ֆիլմի անվանումը) ֆիլմի համար համատեղ արտադրության կարգավիճակ տրամադրելու հայտում և (կամ) կից ներկայացված փաստաթղթերում առկա են հետևյալ թերությունները, և (կամ) բացակայում են հետևյալ փաստաթղթերը.
1. _____________________________ 2. _____________________________ 3. _____________________________
Համաձայն կարգի 8-րդ կետի` անհրաժեշտ է 10 աշխատանքային օրվա ընթացքում «*» շտկել առկա թերությունները և (կամ) համալրել բացակայող փաստաթղթերը և անձամբ կամ էլեկտրոնային եղանակով ներկայացնել ազգային մարմին:
«Ազգային մարմին» հիմնադրամի տնօրեն`____________ ________»_» «__» 202 թ.
Ստորագրություն ԿՏ ԱԱՀ
____________________
«*» Հայտատուն համարվում է ծանուցված` ՀՀ օրենսդրությամբ սահմանված կարգով:
Ձև N 4
«Համատեղ արտադրության կարգավիճակ տրամադրելու
և դրա գործողությունը դադարեցնելու կարգը
հաստատելու մասին»
ՀՀ կառավարության «_» «__» 2023 թ. N -- որոշման
ԾԱՆՈՒՑՈՒՄ
Համատեղ արտադրության կարգավիճակ տրամադրելու հայտը մերժելու
վերաբերյալ
ՀԱՅՏԱՏՈՒԻ ԱՆՎԱՆՈՒՄ`
_____________________________
ՀԱՅՏԱՏՈՒԻ ՀԱՍՑԵ`
_____________________________
Տեղեկացնում ենք, որ ազգային մարմին ներկայացված «________» ֆիլմի համար համատեղ արտադրության կարգավիճակ տրամադրելու հայտը համաձայն կարգի 9-րդ կետի մերժվում է` «Կինեմատոգրաֆիայի մասին» օրենքի 19-րդ հոդվածի 3-րդ մասի ______ կետի (երի) պահանջը(ները) խախտելու պատճառով:
«Ազգային մարմին» հիմնադրամի տնօրեն`__________ ________»_» «__» 202 թ.
Ստորագրություն ԿՏ ԱԱՀ
____________________
«*» Հայտատուն համարվում է ծանուցված` ՀՀ օրենսդրությամբ սահմանված կարգով:
Ձև N 5
«Համատեղ արտադրության կարգավիճակ տրամադրելու
և դրա գործողությունը դադարեցնելու կարգը
հաստատելու մասին»
ՀՀ կառավարության «_» «__» 2023 թ. N -- որոշման
ԾԱՆՈՒՑՈՒՄ
Համատեղ արտադրության կարգավիճակը դադարեցնելու վերաբերյալ
ՀԱՅՏԱՏՈՒԻ ԱՆՎԱՆՈՒՄ`
_____________________________
ՀԱՅՏԱՏՈՒԻ ՀԱՍՑԵ`
_____________________________
Հիմք ընդունելով «Կինեմատոգրաֆիայի մասին» օրենքի 19-րդ հոդվածի 4-րդ մասի _______ կետը (երը).
Ազգային մարմինը որոշում է դադարեցնել` «_____» ֆիլմին «_» «__» 202 թ. տրված համատեղ արտադրության կարգավիճակի տրամադրման գործընթացը:
Սույն ծանուցումը ստանալու օրվանից 10 աշխատանքային օրվա ընթացքում «*» «________» ֆիլմին «-» «------» 202 թ. տրված համատեղ արտադրության կարգավիճակի հավաստագրի բնօրինակը պետք է վերադարձվի ազգային մարմին` պատվիրված նամակով կամ ազգային մարմին անձամբ ներկայանալու միջոցով:
«Ազգային մարմին» հիմնադրամի տնօրեն` ___________ ________»_» «__» 202 թ.
Ստորագրություն ԿՏ ԱԱՀ
____________________
«*» Հայտատուն համարվում է ծանուցված` ՀՀ օրենսդրությամբ սահմանված կարգով:
Պաշտոնական հրապարակման օրը` 28 դեկտեմբերի 2023 թվական: