ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇՐՋԱԿԱ ՄԻՋԱՎԱՅՐԻ ՆԱԽԱՐԱՐ
ՀՐԱՄԱՆ
28 մարտի 2024 թվականի N 96-Ն
ԳՅՈՒՂԱՏՆՏԵՍԱԿԱՆ ԵՎ ԱՐԴՅՈՒՆԱԳՈՐԾԱԿԱՆ ՆՊԱՏԱԿՆԵՐՈՎ ԿԵՆԴԱՆԱԿԱՆ ԱՇԽԱՐՀԻ ՕԲՅԵԿՏՆԵՐԻ ՕԳՏԱԳՈՐԾՄԱՆ ՊԱՅՄԱՆԱԳՐԻ ԵՎ ՀԱՅՏԻ ՕՐԻՆԱԿԵԼԻ ՁԵՎԵՐԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Կենդանական աշխարհի մասին» օրենքի 6-րդ հոդվածի 1-ին մասի «թ2» կետով և «Նորմատիվ իրավական ակտերի մասին» օրենքի 37-րդ հոդվածով.
ՀՐԱՄԱՅՈՒՄ ԵՄ
1. Հաստատել.
1) գյուղատնտեսական և արդյունագործական նպատակներով կենդանական աշխարհի օբյեկտների օգտագործման հայտի օրինակելի ձևը` համաձայն N 1 հավելվածի,
2) գյուղատնտեսական և արդյունագործական նպատակներով կենդանական աշխարհի օբյեկտների օգտագործման պայմանագրի օրինակելի ձևը` համաձայն N 2 հավելվածի:
i
2. Ուժը կորցրած ճանաչել Հայաստանի Հանրապետության բնապահպանության նախարարի 2003 թվականի մարտի 18-ի «Հայաստանի Հանրապետության կառավարության 2002 թվականի օգոստոսի 22-ի N 1380-Ն «Հայաստանի Հանրապետությունում գյուղատնտեսական և արդյունագործական նպատակներով կենդանական աշխարհի օբյեկտների օգտագործման լիցենզիաներ տալու և պայմանագրեր կնքելու կարգը հաստատելու մասին» որոշման կիրարկման մասին» N 84-Ն հրամանը:
28 մարտի 2024 թ.
ք. Երևան Հ. ՍԻՄԻԴՅԱՆ
Հավելված N 1
Շրջակա միջավայրի նախարարի
2024 թվականի մարտի 28-ի
N 96-Ն հրամանի
Օրինակելի ձև
ՀԱՅՏ
ԳՅՈՒՂԱՏՆՏԵՍԱԿԱՆ ԵՎ ԱՐԴՅՈՒՆԱԳՈՐԾԱԿԱՆ ՆՊԱՏԱԿՆԵՐՈՎ ԿԵՆԴԱՆԱԿԱՆ ԱՇԽԱՐՀԻ ՕԲՅԵԿՏՆԵՐԻ ՕԳՏԱԳՈՐԾՄԱՆ
_________________________________________________________________________
իրավաբանական անձի (անվանումը, պետական գրանցման համարը, գտնվելու վայրը) կամ ֆիզիկական անձի (անունը, ազգանունը, փաստացի բնակության վայրը, անհատ
ձեռնարկատեր հանդիսացող ֆիզիկական անձի դեպքում` նաև անհատ
ձեռնարկատիրոջ պետական հաշվառման համարը) տվյալները
_________________________________________________________________________
_________________________________________________________________________
գտնվելու վայրը (մարզը, համայնքը)
_________________________________________________________________________
օգտագործման նպատակը
_________________________________________________________________________
օգտագործման ժամանակահատվածը
.________________________________________________________________.
|N |Կենդանական աշխարհի օբյեկտների տեսակը |Չափաքանակը |
| | |(հատ, կգ) |
|__|______________________________________________|______________|
|__|______________________________________________|______________|
|__|______________________________________________|______________|
|__|______________________________________________|______________|
.________________________________________________________________.
Հայտին կից ներկայացվում է`
1) գյուղատնտեսական նպատակով կենդանական աշխարհի օբյեկտների օգտագործման համար` Կառավարության 2023 թվականի հուլիսի 27-ի N 1276-Ն որոշման հավելվածի 8-րդ կետի 2-րդ ենթակետով պահանջվող տեղեկատվությունը,
2) արդյունագործական նպատակով կենդանական աշխարհի օբյեկտների օգտագործման համար` Կառավարության 2023 թվականի հուլիսի 27-ի N 1276-Ն որոշման հավելվածի 9-րդ կետով պահանջվող տեղեկատվությունը:
_________________________________________________________________________
_________________________________________________________________________
Հայտատու` __________________________________________________
(անուն ազգանուն, ստորագրություն)
«----» ---------- 202 թ.
Հավելված N 2
Շրջակա միջավայրի նախարարի
2024 թվականի մարտի 28-ի
N 96-Ն հրամանի
Օրինակելի ձև
ՊԱՅՄԱՆԱԳԻՐ ԳՅՈՒՂԱՏՆՏԵՍԱԿԱՆ ԵՎ ԱՐԴՅՈՒՆԱԳՈՐԾԱԿԱՆ ՆՊԱՏԱԿՆԵՐՈՎ ԿԵՆԴԱՆԱԿԱՆ ԱՇԽԱՐՀԻ ՕԲՅԵԿՏՆԵՐԻ ՕԳՏԱԳՈՐԾՄԱՆ
ք. Երևան
«___»___________2024թ.
Շրջակա միջավայրի նախարարությունը (այսուհետ` «Լիազորված մարմին»), հանդես գալով Կառավարության անունից, ի դեմս`____________________________________մի
(անուն, ազգանուն, պաշտոն) կողմից և
_________________________________________________________________________
իրավաբանական անձի (անվանումը, պետական գրանցման համարը, գտնվելու վայրը) կամ ֆիզիկական անձի (անունը, ազգանունը, փաստացի բնակության վայրը, անհատ
ձեռնարկատեր հանդիսացող ֆիզիկական անձի դեպքում` նաև անհատ
ձեռնարկատիրոջ պետական հաշվառման համարը) տվյալները
_________________________________________________________________________
_________________________________________________________________________
________________________________________________________________________
(այսուհետ` «Կենդանական աշխարհի օբյեկտներ օգտագործող») ի դեմս`
_________________________________________________________________________
(անուն, ազգանուն)
մյուս կողմից կնքեցին (այսուհետ միասին` Կողմեր) սույն պայմանագիրը (այսուհետ` պայմանագիր) հետևյալի մասին:
1. ՊԱՅՄԱՆՆԵՐԻ ԱՌԱՐԿԱՆ
1.1. Սույն պայմանագրով լիազորված մարմինը կենդանական աշխարհի օբյեկտներ օգտագործողին իրավունք է վերապահում` ________________________________________________________________ նպատակով,
_______________________________________________________________ տարածքում,
(օգտագործման ենթակա տարածքի տեղադիրքը)
_________________________________________________________________________
____________________________________________________________ որսամիջոցով,
(տեսակը, նկարագիրը, քանակը)
_________________________________________________________________________
_________________________________________________ ձկնորսով (ձկնորսներով),
(անձնագրի տվյալները) _________________________________________________________ լողամիջոցներով,
կատարել _________________________________________________________ որս
(կենդանական աշխարհի օբյեկտի տեսակը և քանակը)
____________ թ-ից մինչև _________ թ. ընկած ժամանակահատվածում:
2. ՀԱՏՈՒԿ ՊԱՅՄԱՆՆԵՐ
2.1. Գյուղատնտեսական նպատակով կենդանական աշխարհի օբյեկտների օգտագործման համար իրավաբանական և ֆիզիկական անձինք (այսուհետ` հայտատու) լիազորված մարմին են ներկայացնում հետևյալ փաստաթղթերը և տեղեկությունները`
2.1.1. կենդանական աշխարհն ուսումնասիրող սուբյեկտների կողմից տրամադրված ցուցումներ` հայցվող տեսակի վայրի բնությունից վերցնելու, տեղափոխելու, պահելու (այդ թվում` պահման վանդակների կամ ազատավանդակների չափերի ու առանձնահատկությունների, սննդակարգի, անհրաժեշտ սարքավորումների առկայության, տարածքի սանիտարահիգիենիկ պայմանների) վերաբերյալ,
2.1.2. պարտադիր անասնաբուժական զննումների և անհրաժեշտ անասնաբուժական միջոցառումների ժամանակացույցը` հաստատված անասնաբույժի կողմից,
2.1.3. սելեկցիոն գործընթացն իրականացնելուց առաջ նախնական անասնաբուժական զննություն կատարելու և կարանտինն ապահովելու մասին պարտավորությունը (զոոնոզ հիվանդությունների տարածումից խուսափելու նպատակով):
2.2 Սույն պայմանագրի 2.1 ենթակետով պահանջվող տեղեկատվությունը կնքվող պայմանագրի անբաժանելի մաս է և համարվում է պարտադիր կատարման ենթակա պահանջ:
3. ԿՈՂՄԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ
3.1. Լիազորված մարմինն իրավունք ունի`
3.1.1. կենդանական աշխարհի օբյեկտներ օգտագործողից պահանջել օգտագործել սույն պայմանագրով սահմանված քանակի և տեսակի կենդանական աշխարհի օբյեկտներ,
3.1.2. դադարեցնել կենդանական աշխարհի օբյեկտների օգտագործումը` կենդանական աշխարհի օբյեկտներ օգտագործողի կողմից թույլ տրված խախտումները վերացնելու նպատակով,
3.1.3. պահանջել վաղաժամկետ լուծելու պայմանագիրը` դրա մասին ոչ ուշ քան 10 օր առաջ գրավոր տեղեկացնելով մյուս կողմին,
3. 2. Լիազորված մարմինը պարտավոր է`
3.2.1. կենդանական աշխարհի օբյեկտներ օգտագործողին տրամադրել կենդանական աշխարհի օբյեկտների պահպանության և օգտագործման վերաբերյալ տեղեկատվություն և խորհրդատվություն:
3.3. Կենդանական աշխարհի օբյեկտներ օգտագործողն իրավունք ունի`
3.3.1. իր հայեցողությամբ տնօրինել սույն պայմանագրում նշված կենդանական աշխարհի օբյեկտները` պայմանագրի պայմաններին և նպատակին համապատասխան,
3.3.2. Հայաստանի Հանրապետության օրենքներով և իրավական այլ ակտերով սահմանված կարգով իրացնել կենդանական աշխարհի օբյեկտների օգտագործումից ստացված արտադրանքը և տնօրինել եկամուտները,
3.3.3. լիազորված մարմնի հետ համաձայնեցնելուց հետո իրականացնել կենդանական աշխարհի օբյեկտների բարելավման միջոցառումներ,
3.3.4. պահանջել վաղաժամկետ լուծելու պայմանագիրը` դրա մասին ոչ ուշ քան 10 օր առաջ գրավոր տեղեկացնելով մյուս կողմին:
3.4. Կենդանական աշխարհի օբյեկտներ օգտագործողը պարտավոր է`
3.4.1. գործել Հայաստանի Հանրապետության օրենքներով և իրավական այլ ակտերով սահմանված կարգով,
3.4.2. կենդանական աշխարհի օբյեկտներն օգտագործել բացառապես սույն պայմանագրի պայմաններին և նպատակին համապատասխան,
3.4.3. պահպանել պայմանագրում նշված տարածքի կենդանական աշխարհի օբյեկտների տեսակային բազմազանությունը և չխախտել բնական միջավայրի ամբողջականությունը,
3.4.4. ապահովել կենդանական աշխարհի օբյեկտների շարունակական օգտագործումն ու վերարտադրությունը,
3.4.5. կենդանական աշխարհի օբյեկտներից օգտվելու հետևանքով խախտված էկոհամակարգը վերականգնել սահմանված ժամկետում,
3.4.6. ձկան և խեցգետնի արդյունագործական որս իրականացնելու դեպքում.
ա) չօգտագործել օրենսդրությամբ արգելված լողամիջոցներ և որսամիջոցներ,
բ) վարել գրանցամատյան, որտեղ կատարվում են գրանցումներ որսատարածքի, որսի ենթակա և որսված ձկան և խեցգետնի քանակի, տեսակի, ինչպես նաև պայմանագրով և ձկնորսության կանոններով նախատեսված այլ պայմանների ու պահանջների կատարման վերաբերյալ,
3.4.7. Հայաստանի Հանրապետության օրենսդրությամբ սահմանված չափերով և կարգով հատուցել բնությանը պատճառած վնասները,
3.4.8. զերծ պահել մթնոլորտային օդը, հողը, անտառները, ջրերը և շրջակա միջավայրի մյուս օբյեկտները, ինչպես նաև շինությունները և այլ կառույցները, բնության, պատմության և մշակութային հուշարձանները կենդանական աշխարհի օբյեկտների օգտագործման հետ կապված աշխատանքների վնասակար ազդեցությունից,
3.4.9. սույն պայմանագրի գործողությունն ավարտվելուց հետո մեկամսյա ժամկետում լիազորված մարմնին ներկայացնել հաշվետվություն` կենդանական աշխարհի օբյեկտների որսված քանակության և տեսակների վերաբերյալ:
4. ՊԱՅՄԱՆԱԳՐՈՎ ԿԱՏԱՐՎՈՂ ՎՃԱՐՆԵՐԸ ԵՎ ՀԱՇՎԱՐԿՆԵՐԸ
4.1. Կենդանական աշխարհի օբյեկտներ օգտագործողը Հայաստանի Հանրապետության օրենքներով և իրավական այլ ակտերով սահմանված կարգով վճարում է _______________ դրամ բնօգտագործման վճար:
5. ՎԵՃԵՐԻ ԼՈՒԾՄԱՆ ԿԱՐԳԸ
5.1. Պայմանագրի կապակցությամբ ծագած վեճերը լուծվում են բանակցությունների միջոցով, համաձայնություն ձեռք չբերելու դեպքում ծագած վեճերը լուծվում են դատական կարգով:
6. ԱՆՀԱՂԹԱՀԱՐԵԼԻ ՈՒԺԻ ԱԶԴԵՑՈՒԹՅՈՒՆԸ (ՖՈՐՍ-ՄԱԺՈՐ)
6.1. Սույն պայմանագրով պարտավորություններն ամբողջությամբ կամ մասնակիորեն չկատարելու համար կողմերն ազատվում են պատասխանատվությունից, եթե դա եղել է անհաղթահարելի ուժի ազդեցության արդյունք, որը ծագել է սույն պայմանագիրը կնքելուց հետո, և որը կողմերը չէին կարող կանխատեսել կամ կանխարգելել: Այդպիսի իրավիճակներ են երկրաշարժը, ջրհեղեղը, պատերազմը, ռազմական և արտակարգ դրություն հայտարարելը, քաղաքական հուզումները, գործադուլները, որոնք անհնարին են դարձնում սույն պայմանագրով պարտավորությունների կատարումը: Եթե անհաղթահարելի ուժի ազդեցությունը շարունակվում է 3 (երեք) ամսից ավելի, ապա կողմերից յուրաքանչյուրն իրավունք ունի լուծել պայմանագիրը` այդ մասին նախապես տեղյակ պահելով մյուս կողմին:
7. ՊԱՅՄԱՆԱԳՐԻ ԴԱԴԱՐԵՑՄԱՆ ԵՎ ՎԱՂԱԺԱՄԿԵՏ ԼՈՒԾՄԱՆ ՀԻՄՔԵՐԸ
7.1. Պայմանագիրը դադարում է կամ պայմանագրով սահմանված ժամկետը լրանալու կամ պայմանագրով սահմանված չափաքանակները սպառվելու դեպքում:
7.2. Լիազորված մարմնի կողմից սույն պայմանագիրը կարող է միակողմանի և վաղաժամկետ լուծվել, եթե կենդանական աշխարհի օբյեկտներ օգտագործողը`
7.2.1. կենդանական աշխարհի օբյեկտներն օգտագործել է օրենքի, իրավական այլ ակտերի կամ սույն պայմանագրի պայմանների կամ կենդանական աշխարհի օբյեկտների տրամադրման նպատակի խախտումներով,
7.2.2. լրիվ կամ մասնակիորեն հրաժարվում է իր պայմանագրային պարտավորությունների կատարումից,
7.2.3. կենդանական աշխարհի օբյեկտների տվյալ տարածքը վերցվում է պետական կամ հասարակական կարիքների համար,
7.2.4. ստեղծվել է ակնհայտ սպառնալիք կենդանական աշխարհի օբյեկտների բնական վերարտադրության, աշխատողների և/կամ բնակչության անվտանգության (առողջության) համար:
7.3. Նշված հիմքերով սույն պայմանագիրը վաղաժամկետ լուծելու դեպքում լիազորված մարմինը որևէ գույքային պատասխանատվություն չի կրում:
8. ՊԱՅՄԱՆԱԳՐԻ ՓՈՓՈԽՈՒՄԸ
8.1. Պայմանագրի դրույթների փոփոխումը կատարվում է կողմերի գրավոր համաձայնությամբ: Կատարվելիք փոփոխությունները կողմերը քննարկում են մեկամսյա ժամկետում: Դրանք ձևակերպվում են լրացուցիչ համաձայնագրով, որը հանդիսանում է պայմանագրի անբաժանելի մասը:
9. ԱՅԼ ԴՐՈՒՅԹՆԵՐ
9.1. Սույն պայմանագիրը կազմված է երեք օրինակից, որոնք ունեն հավասարազոր իրավաբանական ուժ: Կողմերից յուրաքանչյուրին տրվում է մեկ օրինակ:
10. ՊԱՅՄԱՆԱԳՐԻ ԺԱՄԿԵՏԸ
Պայմանագրի ժամկետը սահմանվում է «___» ___________ թ-ից մինչև «___» ___________ թ.:
11. ԿՈՂՄԵՐԻ ՀԱՍՑԵՆԵՐԸ, ԲԱՆԿԱՅԻՆ ՎԱՎԵՐԱՊԱՅՄԱՆՆԵՐԸ ԵՎ ՍՏՈՐԱԳՐՈՒԹՅՈՒՆՆԵՐԸ
Կենդանական աշխարհի օբյեկտներ օգտագործող Լիազորված մարմին
____________________________ ____________________________
____________________________ ____________________________
(բանկային վավերապայմանները) (բանկային վավերապայմանները)
______________________ ______________________
(ստորագրություն) (ստորագրություն)
Կ.Տ Կ.Տ
Պաշտոնական հրապարակման օրը` 2 ապրիլի 2024 թվական: