041.0147.210201
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
21 փետրվարի 2001 թվականի N 147
ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
Ի կատարումն Հայաստանի Հանրապետության կառավարության 2001 թվականի փետրվարի 9-ի «Ջրային տնտեսության կառավարման համակարգի բարեփոխումների մասին» N 92 որոշման, ինչպես նաև Հայաստանի Հանրապետության գյուղատնտեսության նախարարության և Հայաստանի Հանրապետության քաղաքաշինության նախարարության ենթակայությունից Հայաստանի Հանրապետության կառավարությանն առընթեր ջրային տնտեսության պետական կոմիտեի ենթակայությանը հանձնվելիք կազմակերպությունների, պետական հիմնարկների հանձնման-ընդունման աշխատանքները կանոնակարգելու նպատակով`
1. Ստեղծել հանձնաժողով հետևյալ կազմով`
Հ. Աբրահամյան - ՀՀ տարածքային կառավարման նախարար (հանձնաժողովի
նախագահ)
Գ. Մարտիրոսյան - ՀՀ կառավարությանն առընթեր ջրային տնտեսության
պետական կոմիտեի նախագահ (հանձնաժողովի նախագահի
տեղակալ)
Մ. Միքայելյան - ՀՀ ֆինանսների և էկոնոմիկայի նախարարի տեղակալ
Ա. Ալավերդյան - ՀՀ պետական եկամուտների նախարարի տեղակալ
Ա. Աբովյան - ՀՀ արդարադատության նախարարի տեղակալ
Ա. Անդրեասյան - ՀՀ քաղաքաշինության նախարարի տեղակալ
Ե. Ավետիսյան - ՀՀ գյուղատնտեսության նախարարի տեղակալ
Ա. Ներսիսյան - ՀՀ բնապահպանության նախարարի տեղակալ
Ա. Մովսիսյան - ՀՀ էներգետիկայի նախարարի տեղակալ
2. Հանձնաժողովին` աշխատանքներում ներգրավել Հայաստանի Հանրապետության նախարարությունների, մարզպետարանների, Երևանի քաղաքապետարանի ներկայացուցիչներին (ըստ անհրաժեշտության):
3. Սահմանել, որ հանձնաժողովի աշխատանքային գործունեության, նիստերի արձանագրությունների և այլ փաստաթղթաշրջանառության ապահովման պարտավորությունները դրվելու են Հայաստանի Հանրապետության կառավարությանն առընթեր ջրային տնտեսության պետական կոմիտեի վրա: