ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
5 ապրիլի 2024 թվականի N 103-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2013 ԹՎԱԿԱՆԻ ՍԵՊՏԵՄԲԵՐԻ 20-Ի N 53-Ն ՀՐԱՄԱՆՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ հոդվածը և 34-րդ հոդվածի 1-ին մասը.
ՀՐԱՄԱՅՈՒՄ ԵՄ
1. Առողջապահության նախարարի 2013 թվականի սեպտեմբերի 20-ի «Բնակչությանը պետության կողմից երաշխավորված անվճար և արտոնյալ պայմաններով բժշկական օգնության և սպասարկման շրջանակներում հատուկ և դժվարամատչելի ախտորոշիչ հետազոտությունների տրամադրման չափորոշիչը, հատուկ և դժվարամատչելի ախտորոշիչ հետազոտությունների ցանկը հաստատելու մասին» N 53-Ն հրամանում կատարել հետևյալ լրացումները.
i
1) հրամանի N 1 հավելվածի 3-րդ կետում լրացնել նոր` 4-րդ ենթակետ հետևյալ բովանդակությամբ`
«4) սույն հրամանի N 2 հավելվածով հաստատված հատուկ ու դժվարամատչելի ախտորոշիչ հետազոտությունների ցանկի 5-րդ բաժնի 65-րդ, 66-րդ և 67-րդ կետերով սահմանված հետազոտությունները` միայն ադրենոգենիտալ համախտանիշի նորածնային սքրինինգ ծրագրի շրջանակներում հայտնաբերված մակերիկամի կեղևի դիսֆունկցիա (ադրենոգենիտալ համախտանիշ) ախտորոշմամբ երեխաներին:»,
i
2) հրամանի N 2 հավելվածով հաստատված հատուկ ու դժվարամատչելի ախտորոշիչ հետազոտությունների ցանկի 62-րդ կետից հետո լրացնել նոր` 63-րդ և 64-րդ կետերով հետևյալ բովանդակությամբ`
«._____________________________________________________________________.
|63.|Դոպլեր հետազոտություն` մայր-պտուղ-ընկերք |Ըստ նեղ մասնագետի |
| |համակարգում |ցուցումի |
|___|______________________________________________|__________________|
|64.|Պտղի էխոսրտագրություն |Ըստ նեղ մասնագետի |
| | |ցուցումի |
._____________________________________________________________________.
«,
3) հրամանի N 2 հավելվածով հաստատված հատուկ ու դժվարամատչելի ախտորոշիչ հետազոտությունների ցանկի 64-րդ կետից հետո լրացնել նոր` 5-րդ բաժին հետևյալ բովանդակությամբ`
«._____________________________________________________________________.
|5. Ադրենոգենիտալ համախտանիշի նորածնային սքրինինգ ծրագրի շրջանակներում|
| իրականացվող լրացուցիչ հետազոտություններ |
|_____________________________________________________________________|
|65.|Պլազմայում ռենինի ակտիվության որոշում |Ըստ նեղ մասնագետի |
| | |ցուցումի |
|___|______________________________________________|__________________|
|66.|Ադրենոկորտիկոտրոպ հորմոնի որոշում (ԱԿՏՀ) արյան|Ըստ նեղ մասնագետի |
| |մեջ |ցուցումի |
|___|______________________________________________|__________________|
|67.|Մակերիկամների բնածին հիպերպլազիայի հետծննդյան |Ըստ նեղ մասնագետի |
| |գենետիկական ախտորոշում (գենային մուտացիաներ և |ցուցումի |
| |CNV փոփոխություններ) | |
._____________________________________________________________________.
«:
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
Ա. ԱՎԱՆԵՍՅԱՆ
Պաշտոնական հրապարակման օրը` 9 ապրիլի 2024 թվական: