ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԲԱՐՁՐ ՏԵԽՆՈԼՈԳԻԱԿԱՆ ԱՐԴՅՈՒՆԱԲԵՐՈՒԹՅԱՆ ՆԱԽԱՐԱՐ ՀՐԱՄԱՆ
24 մայիս 2024 թվական N 09-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐ ՏԵԽՆՈԼՈԳԻԱԿԱՆ ԱՐԴՅՈՒՆԱԲԵՐՈՒԹՅԱՆ ՆԱԽԱՐԱՐԻ 2023 ԹՎԱԿԱՆԻ ՆՈՅԵՄԲԵՐԻ 24-Ի ԹԻՎ 12-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԻ ՆՄՈՒՇՆԵՐԸ ՀԱՍՏԱՏԵԼՈՒ ՈՒ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ
Ղեկավարվելով «Փոստային կապի մասին» օրենքի 3-րդ հոդվածի 1-ին մասի 45-րդ կետի և 10-րդ հոդվածի 2-րդ մասի «դ» կետի, ինչպես նաև «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով.
i
1. Հայաստանի Հանրապետության բարձր տեխնոլոգիական արդյունաբերության նախարարի 2023 թվականի նոյեմբերի 24-ի «2024 թվականի փոստային վճարման պետական նշանների թեմաները սահմանելու և փոստային վճարման պետական նշանների անվանագները, տպաքանակն ու գործողության մեջ դնելու ժամկետները հաստատելու մասին» N 12-Ն հրամանի հավելվածում կատարել հետևյալ փոփոխությունները.
1) 4-րդ կետի 1-ին ենթակետի` «Քանակը» սյունակի «1 նամականիշ» բառերը փոխարինել «1 նամականիշով գեղաթերթիկ» բառերով, «Գործողության մեջ դնելու ժամկետը» սյունակի «I եռամսյակ» բառերը փոխարինել «II եռամսյակ» բառերով և «Անվանագինը (դրամ)» սյունակի «400» թիվը փոխարինել «500» թվով:
2. Հաստատել փոստային վճարման պետական նշանների նմուշները`
1) Միջազգային. Եվրոպա 2024. «Ստորջրյա ֆաունա և ֆլորա» թեմային նվիրված «ՍՏՈՐՋՐՅԱ ՖԱՈՒՆԱ ԵՎ ՖԼՈՐԱ. ANDERWATER FAUNA & FLORA» 1 նամականիշով գեղաթերթիկի, համաձայն N 1 հավելվածի:
2) Մեծանուն հայեր. Երվանդ Քոչարի ծննդյան 125-ամյակ թեմային նվիրված «ԵՐՎԱՆԴ ՔՈՉԱՐ. ERVAND KOCHAR. 1899-1979. 125TH. ԱՄՅԱԿ. ANNIVERSARY. ՀԱՅ ՆԿԱՐԻՉ, ՔԱՆԴԱԿԱԳՈՐԾ. ARMENIAN PAINTER, SCULPTOR» 1 նամականիշով գեղաթերթիկի, համաձայն N 2 հավելվածի:
3. Գործողության մեջ դնել`
1) Միջազգային. Եվրոպա 2024. «Ստորջրյա ֆաունա և ֆլորա» թեմային նվիրված «ՍՏՈՐՋՐՅԱ ՖԱՈՒՆԱ ԵՎ ՖԼՈՐԱ. ANDERWATER FAUNA & FLORA» 1 նամականիշով գեղաթերթիկը, անվանագինը` 500 դրամ, տպաքանակը` 15 000 հատ:
2) Մեծանուն հայեր. Երվանդ Քոչարի ծննդյան 125-ամյակ թեմային նվիրված «ԵՐՎԱՆԴ ՔՈՉԱՐ. ERVAND KOCHAR. 1899-1979. 125TH. ԱՄՅԱԿ. ANNIVERSARY. ՀԱՅ ՆԿԱՐԻՉ, ՔԱՆԴԱԿԱԳՈՐԾ. ARMENIAN PAINTER, SCULPTOR» 1 նամականիշով գեղաթերթիկը, անվանագինը` 380 դրամ, տպաքանակը` 10 000 հատ:
Մ. ՀԱՅՐԱՊԵՏՅԱՆ
Հավելված 1
ՀՀ բարձր տեխնոլոգիական
արդյունաբերության նախարարի
2024 թվականի մայիսի 24-ի
թիվ 09-Ն հրամանի
![](..\DOCUMENTS\PICTURES\185019_nkar1.jpg)
Հավելված 2
ՀՀ բարձր տեխնոլոգիական
արդյունաբերության նախարարի
2024 թվականի մայիսի 24-ի
թիվ 09-Ն հրամանի
![](..\DOCUMENTS\PICTURES\185019_nkar2.jpg)
Պաշտոնական հրապարակման օրը` 31 մայիսի 2024 թվական: