Սեղմել Esc փակելու համար:
ՀՀ-ՈՒՄ ՉԳՐԱՆՑՎԱԾ ԱՊՐԱՆՔԱՅԻՆ ՆՇԱՆՆԵՐՈՎ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ-ՈՒՄ ՉԳՐԱՆՑՎԱԾ ԱՊՐԱՆՔԱՅԻՆ ՆՇԱՆՆԵՐՈՎ ԱԼԿՈՀՈԼԱՅԻՆ ԽՄԻՉՔՆԵՐԻ ԹՈՂԱՐԿՈՒՄԸ, ՎԱՃԱՌՔԸ ...

 

 

041.0167.010301

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

1 մարտի 2001 թվականի N 167

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՉԳՐԱՆՑՎԱԾ ԱՊՐԱՆՔԱՅԻՆ ՆՇԱՆՆԵՐՈՎ ԱԼԿՈՀՈԼԱՅԻՆ ԽՄԻՉՔՆԵՐԻ ԹՈՂԱՐԿՈՒՄԸ, ՎԱՃԱՌՔԸ ԵՎ ԱՐՏԱՀԱՆՈՒՄԸ ԿԱՆԽԱՐԳԵԼՈՂ ՄԻ ՇԱՐՔ ՄԻՋՈՑԱՌՈՒՄՆԵՐԻ ՄԱՍԻՆ

 

Ելնելով «Ապրանքային և սպասարկման նշանների, ապրանքների ծագման տեղանունների մասին» Հայաստանի Հանրապետության օրենքի 22-րդ հոդվածի 6-րդ կետի պահանջներից և չգրանցված ապրանքային նշաններով Հայաստանի Հանրապետությունում արտադրվող ալկոհոլային խմիչքների թողարկումը, վաճառքը և արտահանումը կանխելու նպատակով`

1. Հայաստանի Հանրապետության կառավարությանն առընթեր արտոնագրային վարչությանը`

ա) 10-օրյա ժամկետում Հայաստանի Հանրապետության պետական եկամուտների նախարարությանը, Հայաստանի Հանրապետության գյուղատնտեսության նախարարությանը և Հայաստանի Հանրապետության կառավարությանն առընթեր ստանդարտացման, չափագիտության և սերտիֆիկացման վարչությանը տրամադրել ալկոհոլային խմիչքների համար Հայաստանի Հանրապետությունում գրանցված ապրանքային նշանների մասին տեղեկություններ, իսկ այնուհետև` Հայաստանի Հանրապետության կառավարությանն առընթեր արտոնագրային վարչության «Արդյունաբերական սեփականություն» պաշտոնական տեղեկագրի հետագա համարները, որոնք պարունակում են տեղեկություններ նոր գրանցված, գրանցումը չեղյալ հայտարարված ապրանքային նշանների մասին.

բ) մեկամսյա ժամկետում` սահմանված կարգով Հայաստանի Հանրապետության կառավարության քննարկմանը ներկայացնել առաջարկություններ «Ապրանքային և սպասարկման նշանների, ապրանքների ծագման տեղանունների մասին» Հայաստանի Հանրապետության օրենքի 22-րդ հոդվածի 6-րդ կետի պահանջների խախտման համար վարչական պատասխանատվություն սահմանելու վերաբերյալ:

i

2. Հայաստանի Հանրապետության պետական եկամուտների նախարարությանը` 15-օրյա ժամկետում սահմանված կարգով Հայաստանի Հանրապետության կառավարության հաստատմանը ներկայացնել Հայաստանի Հանրապետության կառավարության 2000 թվականի դեկտեմբերի 31-ի «Հայաստանի Հանրապետության մաքսային սահմանով ըստ մաքսային ռեժիմների առանձին ապրանքների տեղափոխումն արգելելու մասին» N 902 որոշման մեջ լրացում կատարելու մասին Հայաստանի Հանրապետության կառավարության որոշման նախագիծ, որով կարգելվի Հայաստանի Հանրապետությունում գրանցված ապրանքային նշաններով չմակնշված ալկոհոլային խմիչքների արտահանումը:

3. Հայաստանի Հանրապետության կառավարությանն առընթեր ստանդարտացման, չափագիտության և սերտիֆիկացման վարչությանը` ալկոհոլային խմիչքների տեխնիկական պայմանների գրանցման և Հայաստանի Հանրապետությունում արտադրված ալկոհոլային խմիչքների սերտիֆիկացման ժամանակ հիմք ընդունել Հայաստանի Հանրապետության կառավարությանն առընթեր արտոնագրային վարչության կողմից տրված պաշտոնական տեղեկությունները:

 

 

pin
ՀՀ Վարչապետ
01.03.2001
N 167
Որոշում