| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտը ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
15 նոյեմբերի 2024 թվականի N 1024-Լ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2018 ԹՎԱԿԱՆԻ ՀՈՒՆԻՍԻ 11-Ի N 743-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Կառավարչական իրավահարաբերությունների կարգավորման մասին» օրենքի 9-րդ հոդվածի 1-ին մասի 1-ին և 2-րդ կետերով, 3-րդ մասով, 21-րդ հոդվածի 1-ին և 2-րդ մասերով, ինչպես նաև «Նորմատիվ իրավական ակտերի մասին» օրենքի 33-րդ և 34-րդ հոդվածներով`
1. Հայաստանի Հանրապետության ֆինանսների նախարարության (այսուհետ` նախարարություն) կառուցվածքում կատարել հետևյալ փոփոխությունը`
1) նախարարության կառուցվածքում ստեղծել նախարարության հիմնական մասնագիտական կառուցվածքային ստորաբաժանում հանդիսացող` ծրագրերի գնահատման և ներքին աուդիտի քաղաքականության վարչություն:
2. Այդ կապակցությամբ Հայաստանի Հանրապետության վարչապետի 2018 թվականի հունիսի 11-ի «Հայաստանի Հանրապետության ֆինանսների նախարարության կանոնադրությունը հաստատելու մասին» N 743-Լ որոշման մեջ կատարել հետևյալ փոփոխությունը և լրացումները`
i
1) հավելվածի 10-րդ կետը լրացնել հետևյալ բովանդակությամբ նոր` 13.1-րդ ենթակետով`
«13.1) բյուջետային ծրագրի գնահատումը.».
i
2) հավելվածի 11-րդ կետի 3-րդ ենթակետը լրացնել հետևյալ բովանդակությամբ նոր` «ժբ» պարբերությամբ`
«ժբ. բյուջետային ծրագրերի և միջոցառումների արդյունավետությունն ու արդյունքայնությունը բացահայտելու նպատակով այդ ծրագրերի և միջոցառումների համակարգված, օբյեկտիվ և բազմակողմանի վերլուծության ապահովումը.».
3) հավելվածի 32-րդ կետում`
i
ա. 26-րդ ենթակետում «:» կետադրական նշանը փոխարինել «.» կետադրական նշանով,
բ. լրացնել հետևյալ բովանդակությամբ նոր` 27-րդ ենթակետով`
«27) Ծրագրերի գնահատման և ներքին աուդիտի քաղաքականության վարչություն:»:
3. Սույն որոշումն ուժի մեջ է մտնում հրապարակմանը հաջորդող օրվանից:
Հայաստանի Հանրապետության
վարչապետ Ն. Փաշինյան
2024 թ. նոյեմբերի
Երևան