ՇԵՆՔ ՀԱՆՁՆԵԼՈՒ ՄԱՍԻՆ

040.0240.270301

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«27» մարտի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

27 մարտի 2001 թվականի N 240

ՇԵՆՔ ՀԱՆՁՆԵԼՈՒ ՄԱՍԻՆ

Հաշվի առնելով Շիրակի մարզի Ախուրյանի գյուղական համայնքի ավագանու որոշումը` Հայաստանի Հանրապետության կառավարությունը որոշում է.

1. Շիրակի մարզպետարանի տնօրինության` Ախուրյանի նախկին շրջանային խորհրդի գործադիր կոմիտեի շենքը` 2292 քառ. մետր ընդհանուր մակերեսով, անհատույց` սեփականության իրավունքով հանձնել Ախուրյանի գյուղական համայնքին` վերջինիս համաձայնությամբ նշված շենքից 510 քառ. մետր տարածքը Շիրակի մարզպետարանին անհատույց օգտագործման տրամադրելու պայմանով:

2. Շիրակի մարզպետին` մեկամսյա ժամկետում` սահմանված կարգով Ախուրյանի գյուղական համայնքի ղեկավարի հետ ապահովել նշված շենքի հանձնման-ընդունման աշխատանքների կատարումը, համապատասխան պայմանագրերի կնքումը և գույքային իրավունքների պետական գրանցումը:

3. Սույն որոշումն ուժի մեջ է մտնում 2001 թվականի մարտի 27-ից: