040.0258.310301
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«31» մարտի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 մարտի 2001 թվականի N 258
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2001 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ «ՆԱԽՈՐԴ ԲՅՈՒՋԵՏԱՅԻՆ ՏԱՐԻՆԵՐԻ ԱՐԴՅՈՒՆՔՆԵՐՈՎ ԱՌԱՋԱՑԱԾ ՊԱՐՏՔԵՐԻ ՄԱՐՈՒՄ» ԾՐԱԳՐՈՎ ՆԱԽԱՏԵՍՎԱԾ ԳՈՒՄԱՐՆԵՐԸ ԲԱՇԽԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. «Հայաստանի Հանրապետության 2001 թվականի պետական բյուջեի մասին» Հայաստանի Հանրապետության օրենքի 7-րդ հոդվածով հաստատված բյուջետային ծախսերի գործառական դասակարգման N 1 հավելվածի 14 խմբի 06 ենթախմբի «10. Նախորդ բյուջետային տարիների արդյունքներով առաջացած պարտքերի մարում» ծրագրով նախատեսված գումարներից 102670.9 հազ. դրամն ուղղել 2001 թվականի 2-րդ եռամսյակում թատրոնների և համերգային կազմակերպությունների գծով 2000 թվականին առաջացած պարտքերի մարմանը, այդ թվում`
ա) Հայաստանի Հանրապետության մշակույթի, երիտասարդության հարցերի և սպորտի նախարարությանը` 90294.3 հազ. դրամ, որից` Ալ. Սպենդիարյանի անվան օպերայի և բալետի պետական ակադեմիական թատրոնին` 13042.7 հազ. դրամ, Գ. Սունդուկյանի անվան ազգային ակադեմիական թատրոնին` 8661.1 հազ. դրամ, այլ թատրոններին և համերգային կազմակերպություններին` 68590.5 հազ. դրամ.
բ) Երևանի քաղաքապետարանին` 7324.2 հազ. դրամ.
գ) Հայաստանի Հանրապետության Սյունիքի մարզպետարանին` 2077.1 հազ. դրամ.
դ) Հայաստանի Հանրապետության Շիրակի մարզպետարանին` 2975.3 հազ. դրամ:
2. Սույն որոշումն ուժի մեջ է մտնում 2001 թվականի մարտի 31-ից: