Սեղմել Esc փակելու համար:
«ԱՐԴՅՈՒՆԱԲԵՐԱԿԱՆ ՎԹԱՐՆԵՐԻ ԱՆԴՐՍԱՀՄԱՆԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ԱՐԴՅՈՒՆԱԲԵՐԱԿԱՆ ՎԹԱՐՆԵՐԻ ԱՆԴՐՍԱՀՄԱՆԱՅԻՆ ՆԵՐԳՈՐԾՈՒԹՅԱՆ ՄԱՍԻՆ» ԿՈՆՎԵՆՑԻԱՅՈՎ ՆԱԽԱՏ ...

 

 

040.0261.310301

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«31» մարտի 2001 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

31 մարտի 2001 թվականի N 261

 

«ԱՐԴՅՈՒՆԱԲԵՐԱԿԱՆ ՎԹԱՐՆԵՐԻ ԱՆԴՐՍԱՀՄԱՆԱՅԻՆ ՆԵՐԳՈՐԾՈՒԹՅԱՆ ՄԱՍԻՆ» ԿՈՆՎԵՆՑԻԱՅՈՎ ՆԱԽԱՏԵՍՎԱԾ ԻՐԱՎԱՍՈՒ ՄԱՐՄԻՆՆԵՐ ՆՇԱՆԱԿԵԼՈՒ ԵՎ ԿԱՊԻ ԿԵՏ ՍՏԵՂԾԵԼՈՒ ՄԱՍԻՆ

 

1992 թվականի մարտի 17-ին Հելսինկիում «Արդյունաբերական վթարների անդրսահմանային ներգործության մասին» կոնվենցիայով (այսուհետև` կոնվենցիա) Հայաստանի Հանրապետության ստանձնած պարտավորությունների կատարումն ապահովելու նպատակով Հայաստանի Հանրապետության կառավարությունը որոշում է.

1. Կոնվենցիայի 17-րդ հոդվածի 1-ին կետի համաձայն Հայաստանի Հանրապետության իրավասու մարմիններ նշանակել`

ա) Հայաստանի Հանրապետության շրջակա միջավայրի նախարարությանը` արդյունաբերական վթարների ներգործությունից շրջակա միջավայրի պահպանության հարցերով.

բ) Հայաստանի Հանրապետության արտակարգ իրավիճակների նախարարությանը` արդյունաբերական վթարների ռիսկի նվազեցման, այդպիսի վթարների դեպքում դրանց հետևանքների կանխման և վերացման հարցերով:

(1-ին կետը փոփ. 10.10.2019 թիվ 1442-Ն որոշում)

2. Կոնվենցիայի 17-րդ հոդվածի 2-րդ կետի համաձայն` կոնվենցիայի 10-րդ և 12-րդ հոդվածներով նախատեսված դեպքերում արդյունաբերական վթարների և դրանց հետևանքների վերացման նպատակով փոխադարձ օգնության մասին ազդարարման համար Հայաստանի Հանրապետության արտակարգ իրավիճակների նախարարությունում ստեղծել կապի կետ:

3. Սահմանել, որ կոնվենցիայով Հայաստանի Հանրապետության ստանձնած պարտավորությունների կատարման ընթացքում իրավասու մարմինները`

ա) գործում են Հայաստանի Հանրապետության օրենսդրությամբ իրենց վերապահված իրավասության սահմաններում.

բ) անհրաժեշտության դեպքում իրականացնում են փոխհամաձայնեցված համատեղ գործողություններ:

4. Սահմանել, որ կոնվենցիայի քարտուղարության հետ տեղեկատվության փոխանակումն իրականացնում է Հայաստանի Հանրապետության շրջակա միջավայրի նախարարությունը` իրազեկելով Հայաստանի Հանրապետության արտակարգ իրավիճակների նախարարությանը և Հայաստանի Հանրապետության իրավասու մյուս նախարարություններին ու գերատեսչություններին:

(4-րդ կետը փոփ. 10.10.2019 թիվ 1442-Ն որոշում)

5. Սահմանել, որ Հայաստանի Հանրապետության այն նախարարությունները և գերատեսչությունները, որոնց իրավասության մեջ է մտնում կոնվենցիայով Հայաստանի Հանրապետության ստանձնած առանձին պարտավորությունների կատարումը, այդ սահմաններում իրենց գործառույթներն իրականացնում են իրավասու մարմինների կողմից համակարգման միջոցով` Հայաստանի Հանրապետության օրենսդրությամբ այդ մարմիններից յուրաքանչյուրի վրա դրված լիազորություններին համապատասխան:

Իրավասու մարմինների պահանջով` Հայաստանի Հանրապետության նախարարություններն ու գերատեսչությունները սահմանված կարգով նրանց տրամադրում են անհրաժեշտ տվյալներ, տեղեկություններ և նյութեր` կոնվենցիայով Հայաստանի Հանրապետության ստանձնած պարտավորությունների կատարման վերաբերյալ:

6. Իրավասու մարմիններին` կոնվենցիայով Հայաստանի Հանրապետության ստանձնած պարտավորությունների կատարման ապահովման համար, Հայաստանի Հանրապետության կառավարության որոշում ընդունելու անհրաժեշտության դեպքում, սահմանված կարգով ներկայացնել համապատասխան առաջարկություններ:

7. Սույն որոշումն ուժի մեջ է մտնում ստորագրման պահից:

(որոշումը փոփ. 06.08.2020 թիվ 1295-Ն որոշում)

 

 

pin
ՀՀ կառավարություն
31.03.2001
N 261
Որոշում