051.0205.160301
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀ
ՀՐԱՄԱՆ
16 մարտի 2001 թվականի N 205
ՀՀ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ՍԱՀՄԱՆՎՈՂ ԲԱՆԿԱՅԻՆ ՏՈԿՈՍԻ ՀԱՇՎԱՐԿԱՅԻՆ ԴՐՈՒՅՔԻ ՎԵՐԱԲԵՐՅԱԼ
Հիմք ընդունելով ՀՀ կենտրոնական բանկի խորհրդի աշխատակարգը, հաշվի առնելով «Հայներարտբանկ»-ի կողմից 19.02.2001թ. ստացված գրությունը, Հայաստանի Հանրապետության տարածքում գործող բանկերին Հայաստանի Հանրապետության կենտրոնական բանկի կողմից սահմանվող բանկային տոկոսի հաշվարկային դրույքի վերաբերյալ տեղեկատվությունը անմիջապես հաղորդելու նպատակով,
հրամայում եմ`
1. ՀՀ կենտրոնական բանկի նախագահի, նախագահի տեղակալի և խորհրդի աշխատակազմի արձանագրային բաժնին`
1.1. ՀՀ կենտրոնական բանկի խորհրդի բանկային տոկոսի հաշվարկային դրույքը սահմանելու մասին որոշումը ՀՀ կենտրոնական բանկի նախագահին և խորհրդի անդամներին ստորագրման ներկայացնել որոշման ընդունման պահից անմիջապես հետո.
1.2. ՀՀ կենտրոնական բանկի խորհրդի բանկային տոկոսի հաշվարկային դրույքը սահմանելու մասին որոշումը սույն հրամանի 1.2. կետով սահմանված կարգով ստորագրումից հետո անմիջապես CBA-net ցանցով առաքել ՀՀ տարածքում գործող բոլոր բանկերին:
2. Սույն հրամանի կատարման հսկողությունը դնել ՀՀ կենտրոնական բանկի նախագահի, նախագահի տեղակալի և խորհրդի աշխատակազմի վրա:
3. Սույն հրամանն ուժի մեջ է մտնում ստորագրման պահից: