051.0221.210301
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀ
ՀՐԱՄԱՆ
21 մարտի 2001 թվականի N 221
«DIASOFT BALANCE» ՆԵՐՔԻՆ ՀԱՇՎԱՊԱՀՈՒԹՅԱՆ ՀԱՄԱԼԻՐ ԾՐԱԳՐԻ ՆԵՐԴՐՄԱՆ ԵՎ ԱՇԽԱՏԱԿԻՑՆԵՐԻ ՈՒՍՈՒՑՄԱՆ ԱՇԽԱՏԱՆՔՆԵՐԸ ԿԱՐԳԱՎՈՐՈՂ ԵՎ ՍՏՈՒԳՈՂ ՀԱՆՁՆԱԺՈՂՈՎ ՍՏԵՂԾԵԼՈՒ ՎԵՐԱԲԵՐՅԱԼ
Հաշվի առնելով, որ համաձայն ՀՀ կենտրոնական բանկի և Diasoft կազմակերպության միջև կնքված N 1611-Վ-Ի պայմանագրի, ՀՀ կենտրոնական բանկում իրականացվում են «Diasoft Balance» ներքին հաշվապահության համալիր ծրագրի ներդրման և աշխատակիցների ուսուցման աշխատանքները,
հրամայում եմ.
1. Ստեղծել «Diasoft Balance» ներքին հաշվապահության համալիր ծրագրի ներդրման աշխատանքները կարգավորող և ստուգող հանձնաժողով հետևյալ կազմով`
Հանձնաժողովի նախագահ` Հ. Սուվարյան, ՀՀ ԿԲ խորհրդի անդամ
Հանձնաժողովի անդամներ`
Գ. Մաչանյան - ՀՀ ԿԲ Հաշվարկների և բանկային տեխնոլոգիաների զարգացման
դեպարտամենտի տնօրեն
Ա. Նորեկյան - Գլխավոր վերստուգիչ
Ա. Հակոբյան - ՀՀ ԿԲ Հաշվապահական հաշվառման վարչության պետ
Ա. Սարգսյան - Տեղեկատվության և տեխնիկական միջոցների պաշտպանության
վարչության պետ
Վ. Չիլինգարյան - Գործերի կառավարիչ
Ա. Ավետիսյան - Անձնակազմի կառավարման և արտաքին կապերի վարչության
պետ
2. Հանձնարարել հետևյալ ստորաբաժանումներին.
Հաշվարկների և բանկային տեխնոլոգիաների զարգացման դեպարտամենտ
Հաշվապահական Հաշվառման վարչություն
ՀՀ Կենտրոնական բանկի վերստուգիչ խումբ
Տեղեկատվության և տեխնիկական միջոցների պաշտպանության վարչություն
Անձնակազմի կառավարման և արտաքին կապերի վարչություն
Գործերի կառավարչություն
նշանակել պատասխանատու աշխատակիցներ` «Diasoft Balance» համալիր ծրագրի ներդրմանը և ուսուցմանը մասնակցելու նպատակով:
3. Ներդրումը կատարելուց հետո հանձնաժողովի կողմից ՀՀ կենտրոնական բանկի նախագահի հաստատմանը ներկայացնել ընդունման և հանձնման ակտ
4. Աշխատանքները ավարտելուց հետո ստեղծված հանձնաժողովը համարել լուծարված
5. Սույն հրամանը ուժի մեջ է մտնում ստորագրման պահից: