Սեղմել Esc փակելու համար:
ՀԱՅԱՍՏԱՆՅԱՅՑ ԱՌԱՔԵԼԱԿԱՆ ԵԿԵՂԵՑՈՒՆ ՇԵՆ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀԱՅԱՍՏԱՆՅԱՅՑ ԱՌԱՔԵԼԱԿԱՆ ԵԿԵՂԵՑՈՒՆ ՇԵՆՔԵՐ ՀԱՆՁՆԵԼՈՒ ՄԱՍԻՆ

 

 

040.0330.190401

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«19» ապրիլի 2001 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

19 ապրիլի 2001 թվականի N 330

 

ՀԱՅԱՍՏԱՆՅԱՅՑ ԱՌԱՔԵԼԱԿԱՆ ԵԿԵՂԵՑՈՒՆ ՇԵՆՔԵՐ ՀԱՆՁՆԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Հայաստանի Հանրապետության առողջապահության նախարարության տնօրինության` Վաղարշապատի հակահամաճարակային կենտրոնի շենքն անհատույց` սեփականության իրավունքով հանձնել Հայաստանյայց առաքելական եկեղեցուն:

2. Հայաստանի Հանրապետության Արմավիրի մարզպետարանի տնօրինության` Վաղարշապատի Գևորգյան հոգևոր ճեմարանի նախկին կացարանային շենքը (ներկայիս գիշերօթիկ դպրոցը) և Սինոդի շենքը (Արարատյան փող., N 6) անհատույց` սեփականության իրավունքով հանձնել Հայաստանյայց առաքելական եկեղեցուն:

3. Հայաստանի Հանրապետության առողջապահության նախարարությանը և Հայաստանի Հանրապետության Արմավիրի մարզպետին` երկամսյա ժամկետում ապահովել Հայաստանի Հանրապետության անունից Հայաստանյայց առաքելական եկեղեցու հետ սույն որոշման 1-ին և 2-րդ կետերում նշված շենքերի հանձնման մասին պայմանագրերի կնքումը և գույքային իրավունքների պետական գրանցումը:

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին` նշված շենքերի գույքային իրավունքների պետական գրանցումն իրականացնել անվճար:

4. Հայաստանի Հանրապետության Արմավիրի մարզպետին` մեկամսյա ժամկետում`

ա) Հայաստանի Հանրապետության առողջապահության նախարարության և Վաղարշապատի քաղաքային համայնքի ղեկավարի հետ համատեղ լուծել Վաղարշապատի հակահամաճարակային կենտրոնին և գիշերօթիկ դպրոցին համապատասխան տարածք հատկացնելու հարցը.

բ) Վաղարշապատի քաղաքային համայնքի ղեկավարի հետ համատեղ ապահովել անհրաժեշտ հողատարածքների ճշտման և մշտական օգտագործման իրավունքով տրամադրման աշխատանքների կատարումը:

5. Երևանի քաղաքապետին` եռամսյա ժամկետում Հայաստանյայց առաքելական եկեղեցու Արարատյան թեմի հետ համատեղ սահմանված կարգով ապահովել Երևանի թաղային համայնքներում եկեղեցիների կառուցման համար անհրաժեշտ հողամասերի հատկացումը:

6. Սույն որոշումն ուժի մեջ է մտնում 2001 թվականի ապրիլի 19-ից:

 

 

pin
ՀՀ կառավարություն
19.04.2001
N 330
Որոշում