ԳԵՐՄԱՆԻԱՅԻ ԴԱՇՆԱՅԻՆ ՀԱՆՐԱՊԵՏՈՒԹՅՈՒՆ ՊԱՏՎԻՐԱԿՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

24 հոկտեմբերի 2025 թվականի N 967-Ա

ԳԵՐՄԱՆԻԱՅԻ ԴԱՇՆԱՅԻՆ ՀԱՆՐԱՊԵՏՈՒԹՅՈՒՆ ՊԱՏՎԻՐԱԿՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի`

1. Հայաստանի Հանրապետության և Գերմանիայի Դաշնային Հանրապետության միջև ֆինանսական և տեխնիկական համագործակցության միջկառավարական հանձնաժողովի նիստին մասնակցելու նպատակով` 2025 թվականի հոկտեմբերի 29-31-ը Գերմանիայի Դաշնային Հանրապետություն (Բեռլին) գործուղել պատվիրակություն` համաձայն հավելվածի:

2. Պատվիրակության` Գերմանիայի Դաշնային Հանրապետություն գործուղման ծախսերը կատարել`

1) Գևորգ Պապոյանինը, Անուշիկ Ավետյանինը և Ժակ Հակոբյանինը (ճանապարհածախսը և օրապահիկի ծախսերը)` Հայաստանի Հանրապետության 2025 թվականի պետական բյուջեով Հայաստանի Հանրապետության էկոնոմիկայի նախարարությանը հատկացված միջոցների հաշվին.

2) Արմեն Սիմոնյանինը (ճանապարհածախսը և օրապահիկի ծախսերը)` Հայաստանի Հանրապետության 2025 թվականի պետական բյուջեով Հայաստանի Հանրապետության տարածքային կառավարման և ենթակառուցվածքների նախարարությանը հատկացված միջոցների հաշվին.

3) Արաքսիա Սվաջյանինը (ճանապարհածախսը և օրապահիկի ծախսերը)` Հայաստանի Հանրապետության 2025 թվականի պետական բյուջեով Հայաստանի Հանրապետության կրթության, գիտության, մշակույթի և սպորտի նախարարությանը հատկացված միջոցների հաշվին.

4) Տաթևիկ Ստեփանյանինը (ճանապարհածախսը և օրապահիկի ծախսերը)` Հայաստանի Հանրապետության 2025 թվականի պետական բյուջեով Հայաստանի Հանրապետության աշխատանքի և սոցիալական հարցերի նախարարությանը հատկացված միջոցների հաշվին.

5) Գևորգ Մելիքսեթյանինը` Հայաստանի Հանրապետության 2025 թվականի պետական բյուջեով Հայաստանի Հանրապետության բարձր տեխնոլոգիական արդյունաբերության նախարարությանը հատկացված միջոցների հաշվին.

6) Արամ Մեյմարյանինը` Հայաստանի Հանրապետության 2025 թվականի պետական բյուջեով Հայաստանի Հանրապետության շրջակա միջավայրի նախարարությանը հատկացված միջոցների հաշվին.

7) Լիլյա Աֆրիկյանինը` Հայաստանի Հանրապետության 2025 թվականի պետական բյուջեով Հայաստանի Հանրապետության վարչապետի աշխատակազմի պահպանման ծախսերի համար նախատեսված միջոցների հաշվին.

8) Միլենա Հովհաննիսյանինը` Հայաստանի Հանրապետության 2025 թվականի պետական բյուջեով Հայաստանի Հանրապետության ֆինանսների նախարարությանը հատկացված միջոցների հաշվին.

9) Դավիթ Ասոյանինը` Հայաստանի Հանրապետության 2025 թվականի պետական բյուջեով Հայաստանի Հանրապետության արտաքին գործերի նախարարությանը հատկացված միջոցների հաշվին:

3. Ընդունել ի գիտություն, որ Գևորգ Պապոյանի, Արմեն Սիմոնյանի, Արաքսիա Սվաջյանի, Տաթևիկ Ստեփանյանի, Անուշիկ Ավետյանի և Ժակ Հակոբյանի` Գերմանիայի Դաշնային Հանրապետություն գործուղման գիշերավարձի ծախսերը կատարվելու են հրավիրող կողմի միջոցների հաշվին, իսկ Սաթենիկ Ղևոնդյանինը` «Գերմանահայկական հիմնադրամ» ծրագրի կառավարման գրասենյակ» հիմնարկի միջոցների հաշվին:

4. Հայաստանի Հանրապետության էկոնոմիկայի նախարարին` գործուղումից վերադառնալուց հետո հնգօրյա ժամկետում ներկայացնել Գերմանիայի Դաշնային Հանրապետություն գործուղման արդյունքների մասին հաշվետվությունը` համաձայն Հայաստանի Հանրապետության վարչապետի 2018 թվականի սեպտեմբերի 19-ի N 1230-Ն որոշմամբ սահմանված կարգի:

Հայաստանի Հանրապետության

    վարչապետ                     Ն. Փաշինյան

2025 թ. հոկտեմբերի 24

Երևան

Հավելված

ՀՀ վարչապետի

2025 թվականի հոկտեմբերի 24-ի

N 967-Ա որոշման

ԿԱԶՄ

ԳԵՐՄԱՆԻԱՅԻ ԴԱՇՆԱՅԻՆ ՀԱՆՐԱՊԵՏՈՒԹՅՈՒՆ ՄԵԿՆՈՂ ՊԱՏՎԻՐԱԿՈՒԹՅԱՆ

    Գ. Պապոյան         - ՀՀ էկոնոմիկայի նախարար (պատվիրակության ղեկավար)

                         (28.10.2025 թ.-01.11.2025 թ.)

    Ա. Ավետյան         - ՀՀ էկոնոմիկայի նախարարի տեղակալ

                         (29.10.2025 թ.-01.11.2025 թ.)

    Ա. Մեյմարյան       - ՀՀ շրջակա միջավայրի նախարարի տեղակալ

    Գ. Մելիքսեթյան     - ՀՀ բարձր տեխնոլոգիական արդյունաբերության նախարարի

                         տեղակալ

    Ա. Սիմոնյան        - ՀՀ տարածքային կառավարման և  ենթակառուցվածքների

                         նախարարի տեղակալ

    Ա. Սվաջյան         - ՀՀ կրթության, գիտության, մշակույթի և  սպորտի

                         նախարարի տեղակալ

    Տ. Ստեփանյան       - ՀՀ աշխատանքի և  սոցիալական հարցերի նախարարի

                         տեղակալ

    Լ. Աֆրիկյան        - ՀՀ վարչապետի աշխատակազմի մասնակցային և  բաց

                         կառավարման հարցերի վարչության պետ

    Ժ. Հակոբյան        - ՀՀ էկոնոմիկայի նախարարության միջազգային

                         համագործակցության վարչության պետ

                         (28.10.2025 թ.-31.10.2025 թ.)

    Մ. Հովհաննիսյան    - ՀՀ ֆինանսների նախարարության միջազգային

                         համագործակցության վարչության պետ

    Դ. Ասոյան          - ՀՀ արտաքին գործերի նախարարության Եվրոպայի

                         վարչության երկկողմ հարաբերությունների առաջին

                         բաժնի պետ

    Ս. Ղևոնդյան        - «Գերմանահայկական հիմնադրամ» ծրագրի կառավարման

                         գրասենյակ» հիմնարկի ծրագրերի կառավարման բաժնի պետ

                         (համաձայնությամբ)