040.0369.300401
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«30» ապրիլի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 ապրիլի 2001 թվականի N 369
«ՊԱՇՏՊԱՆԱԿԱՆ ՄԱՐԶԱՏԵԽՆԻԿԱԿԱՆ ԸՆԿԵՐՈՒԹՅՈՒՆ» ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆԸ ՇԵՆՔ ՀԱՆՁՆԵԼՈՒ ՄԱՍԻՆ
Հաշվի առնելով «Պաշտպանական մարզատեխնիկական ընկերություն» հասարակական կազմակերպության խնդրանքը և Երևանի քաղաքապետի միջնորդությունը, ինչպես նաև ընկերության կողմից «Հաղթանակ» զբոսայգու հարակից տարածքում գտնվող շենքն ու հարակից տարածքները Հայաստանի Հանրապետության ազգային անվտանգության նախարարությանը հանձնելու հանգամանքը` Հայաստանի Հանրապետության կառավարությունը որոշում է.
1. Հայաստանի Հանրապետության գիտությունների ազգային ակադեմիայի արտադրատեխնիկական գլխավոր վարչության շինվերանորոգման բազայի` Երևանի Ռուբինյանց փողոցի N 29ա հասցեում գտնվող կիսակառույց երկհարկանի շենքն անհատույց` սեփականության իրավունքով հանձնել «Պաշտպանական մարզատեխնիկական ընկերություն» հասարակական կազմակերպությանը:
2. Հայաստանի Հանրապետության գիտությունների ազգային ակադեմիային` մեկամսյա ժամկետում «Պաշտպանական մարզատեխնիկական ընկերություն» հասարակական կազմակերպության հետ համատեղ ապահովել նշված շենքի սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը:
3. Երևանի քաղաքապետին` մեկամսյա ժամկետում սահմանված կարգով ապահովել սույն որոշման 1-ին կետում նշված շենքի սպասարկման համար անհրաժեշտ հողամասի անհատույց օգտագործման իրավունքով հատկացման փաստաթղթերի ձևակերպումը:
4. Սույն որոշումն ուժի մեջ է մտնում 2001 թվականի ապրիլի 30-ից: