040.0394.070501
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«7» մայիսի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
7 մայիսի 2001 թվականի N 394
ՄԻՋԱԶԳԱՅԻՆ ԸՆԿԵՐԱԿՑՈՒԹՅԱՆ ՄԻՋՈՑՆԵՐՈՎ ՖԻՆԱՆՍԱՎՈՐՎՈՂ ՏՐԱՆՍՊՈՐՏԻ ԾՐԱԳՐԻ ՇՐՋԱՆԱԿՆԵՐՈՒՄ ԱՎՏՈՃԱՆԱՊԱՐՀՆԵՐԻ ՎԵՐԱԿԱՆԳՆՄԱՆ ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ԿԱՏԱՐՄԱՆ ՀԱՄԱՐ ԱՆՑԿԱՑՎԱԾ ՄՐՑՈՒՅԹՆԵՐԻ ԱՐԴՅՈՒՆՔՆԵՐԸ ՀԱՍՏԱՏԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հաստատել Միջազգային ընկերակցության միջոցներով ֆինանսավորվող տրանսպորտի ծրագրի շրջանակներում ավտոճանապարհների վերականգնման շինարարական աշխատանքների կատարման համար 2000 թվականի օգոստոսի 18-ին անցկացված ու Հայաստանի Հանրապետության տրանսպորտի և կապի նախարարության վարկային և դրամաշնորհային ծրագրերի կառավարման խորհրդի կողմից 2001 թվականի ապրիլի 2-ին հաստատված մրցույթների արդյունքները:
2. Նշված մրցույթների ցանկից շնորհել`
ա) Մ2 Երևան-Գորիս-Մեղրի-Իրանի սահման ա/ճ կմ 371 + 300 - կմ 382 + 930 CM-2/2000 (բաղադրիչ 3-1) պայմանագիրը «Մեղրու ՃՇՁ» բաց բաժնետիրական ընկերությանը` 570893531 դրամ.
բ) Մ7 Սպիտակ-Գյումրի-Թուրքիայի սահման ա/ճ կմ 31 + 883 - կմ 31 + 213 CM-7/2000 (բաղադրիչ 2) պայմանագիրը «Թալինի ԱՏՃ» պետական փակ բաժնետիրական ընկերությանը` 556204264 դրամ:
3. Սույն որոշումն ուժի մեջ է մտնում 2001 թվականի մայիսի 7-ից: