ՊԱՏՎԻՐԱԿՈՒԹՅՈՒՆ ՎՐԱՍՏԱՆ ԳՈՐԾՈՒՂԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

2 մարտի 2026 թվականի N 171-Ա

ՊԱՏՎԻՐԱԿՈՒԹՅՈՒՆ ՎՐԱՍՏԱՆ ԳՈՐԾՈՒՂԵԼՈՒ ՄԱՍԻՆ

Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի`

1. Հայաստանի Հանրապետության և Վրաստանի միջև տնտեսական համագործակցության միջկառավարական հանձնաժողովի փորձագիտական հանդիպմանը մասնակցելու նպատակով` 2026 թվականի մարտի 2-4-ը Վրաստան (Թբիլիսի) գործուղել պատվիրակություն` համաձայն հավելվածի:

2. Պատվիրակության անդամների` Վրաստան գործուղման գիշերավարձի, օրապահիկի ծախսերը, ինչպես նաև ապահովագրավճարը կատարել`

1) Վահան Կոստանյանինը, Սասուն Հովհաննիսյանինը` 2026 թվականի պետական բյուջեով Հայաստանի Հանրապետության արտաքին գործերի նախարարությանը հատկացված միջոցների հաշվին.

2) Լենա Նանուշյանինը` 2026 թվականի պետական բյուջեով Հայաստանի Հանրապետության առողջապահության նախարարությանը հատկացված միջոցների հաշվին.

3) Անուշիկ Ավետյանինը, Ժակ Հակոբյանինը` 2026 թվականի պետական բյուջեով Հայաստանի Հանրապետության էկոնոմիկայի նախարարությանը հատկացված միջոցների հաշվին.

4) Արմեն Սիմոնյանինը, Նարեկ Ապիտոնյանինը` 2026 թվականի պետական բյուջեով Հայաստանի Հանրապետության տարածքային կառավարման և ենթակառուցվածքների նախարարությանը հատկացված միջոցների հաշվին.

5) Ռաֆայել Գևորգյանինը (այդ թվում` Թբիլիսի-Երևան ավիատոմսի ծախսը)` 2026 թվականի պետական բյուջեով Հայաստանի Հանրապետության պետական եկամուտների կոմիտեին հատկացված միջոցների հաշվին.

6) Աննա Բեգլարյանինը` 2026 թվականի պետական բյուջեով Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայությանը հատկացված միջոցների հաշվին.

7) Սոնա Դարբինյանինը` 2026 թվականի պետական բյուջեով Հայաստանի Հանրապետության բարձր տեխնոլոգիական արդյունաբերության նախարարությանը հատկացված միջոցների հաշվին:

3. Պատվիրակության` Վրաստան գործուղման ճանապարհածախսը կատարել 2026 թվականի պետական բյուջեով Հայաստանի Հանրապետության էկոնոմիկայի նախարարությանը հատկացված միջոցների հաշվին:

4. Պատվիրակության անդամներին` գործուղումից վերադառնալուց հետո եռօրյա ժամկետում Վրաստան գործուղման արդյունքների մասին հաշվետվությունը ներկայացնել Հայաստանի Հանրապետության էկոնոմիկայի նախարարություն:

5. Հայաստանի Հանրապետության էկոնոմիկայի նախարարին` գործուղումից վերադառնալուց հետո հնգօրյա ժամկետում ներկայացնել Վրաստան գործուղման արդյունքների մասին հաշվետվությունը` համաձայն Հայաստանի Հանրապետության վարչապետի 2018 թվականի սեպտեմբերի 19-ի N 1230-Ն որոշմամբ սահմանված կարգի:

Հայաստանի Հանրապետության

վարչապետ                     Ն. Փաշինյան

2026 թ. մարտի 2

Երևան

Հավելված

ՀՀ վարչապետի

2026 թվականի մարտի 2-ի

N 171-Ա որոշման

ԿԱԶՄ

ՎՐԱՍՏԱՆ ՄԵԿՆՈՂ ՊԱՏՎԻՐԱԿՈՒԹՅԱՆ

    Վ. Կոստանյան       - ՀՀ արտաքին գործերի նախարարի տեղակալ

                         (02.03.2026 - 03.03.2026 թթ.)

    Լ. Նանուշյան       - ՀՀ առողջապահության նախարարի առաջին տեղակալ

    Ա. Ավետյան         - ՀՀ էկոնոմիկայի նախարարի տեղակալ

    Ա. Սիմոնյան        - ՀՀ տարածքային կառավարման և  ենթակառուցվածքների

                         նախարարի տեղակալ

    Ն. Ապիտոնյան       - ՀՀ տարածքային կառավարման և  ենթակառուցվածքների

                         նախարարի տեղակալ

    Ռ. Գևորգյան        - ՀՀ պետական եկամուտների կոմիտեի նախագահի տեղակալ

    Ա. Բեգլարյան       - ՀՀ աշխատանքի և  սոցիալական հարցերի նախարարության

                         միասնական սոցիալական ծառայության պետի տեղակալ

    Ժ. Հակոբյան        - ՀՀ էկոնոմիկայի նախարարության միջազգային

                         համագործակցության վարչության պետ (միջկառավարական

                         հանձնաժողովի հայկական կողմի քարտուղար)

    Ս. Դարբինյան       - ՀՀ բարձր տեխնոլոգիական արդյունաբերության

                         նախարարության միջազգային համագործակցության

                         վարչության պետ

    Ս. Հովհաննիսյան    - ՀՀ արտաքին գործերի նախարարության սահմանակից

                         երկրների վարչության երկկողմ հարաբերությունների

                         առաջին բաժնի պետի պարտականությունները կատարող