041.0351.070501
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
7 մայիսի 2001 թվականի N 351
ՀԱՅԱՍՏԱՆ-ՀՈՒՆԱՍՏԱՆ-ԻՐԱՆ ԵՌԱԿՈՂՄ ՀԱՄԱԳՈՐԾԱԿՑՈՒԹՅԱՆ ՇՐՋԱՆԱԿՆԵՐՈՒՄ ԿԱՅԱՆԱԼԻՔ ԶԲՈՍԱՇՐՋԻԿՈՒԹՅԱՆ ԿՈՄԻՏԵԻ ԵՐՐՈՐԴ ՆԻՍՏՆ ԱՆՑԿԱՑՆԵԼՈՒ ՄԱՍԻՆ
2001 թվականի մայիսի 2-3-ը Երևանում Հայաստան-Հունաստան-Իրան եռակողմ համագործակցության շրջանակներում զբոսաշրջիկության կոմիտեի երրորդ նիստն անցկացնելու կապակցությամբ`
1. Հայաստանի Հանրապետության արդյունաբերության և առևտրի նախարարությանը`
ա) պատվիրակության անդամներին (10 մարդ) տեղավորել «Հրազդան» հյուրանոցում և ապահովել նրանց սնունդը.
բ) ապահովել կոմիտեի նիստի նախապատրաստումն ու անցկացումը «Հրազդան» հյուրանոցի խորհրդակցությունների սրահում.
գ) պատվիրակության անդամների սպասարկման համար տրամադրել անհրաժեշտ թվով ավտոմեքենաներ:
2. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությանը` ապահովել պատվիրակության անդամների դիմավորումն ու ճանապարհումը (անվճար) պաշտոնական պատվիրակությունների սրահում:
3. Հայաստանի Հանրապետության արտաքին գործերի նախարարությանը` աջակցել զբոսաշրջիկության կոմիտեի աշխատանքներին:
4. Հայաստանի Հանրապետության ֆինանսների և էկոնոմիկայի նախարարությանը` նիստի անցկացման և հյուրերի` Հայաստանում գտնվելու ընթացքում կեցության, սննդի, փոխադրամիջոցների, պաշտոնական ճաշերի և հուշանվերների ձեռքբերման հետ կապված ծախսերը` 2645,5 հազ. դրամի սահմաններում, կատարել Հայաստանի Հանրապետության 2001 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` համաձայն Հայաստանի Հանրապետության արդյունաբերության և առևտրի նախարարության ներկայացրած հաշվետվությունների: