ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ԱՐՁԱՆԱԳՐԱՅԻՆ ՈՐՈՇՈՒՄ
6 մարտի 2001 թվականի թիվ 9
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՂ ԲԱՆԿԵՐԻՆ ՏՐԱՄԱԴՐՎՈՂ ԼՈՄԲԱՐԴԱՅԻՆ ՎԱՐԿԵՐԻ ՎԵՐԱՀՍԿՈՂՈՒԹՅԱՆ ՄԱՍԻՆ
Ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի դրույթներով` Հայաստանի Հանրապետության կենտրոնական բանկի խորհուրդը որոշում է.
1. Սահմանել, որ Հայաստանի Հանրապետության կենտրոնական բանկում պահուստավորման երկու հաշվետու ժամանակահատվածում երեք անգամ միևնույն բանկին Հայաստանի Հանրապետության կենտրոնական բանկի կողմից լոմբարդային վարկ տրամադրելու դեպքում Հայաստանի Հանրապետության կենտրոնական բանկի բանկային վերահսկողության դեպարտամենտը տվյալ բանկի ֆինանսական վիճակի վերաբերյալ տեղեկանք է ներկայացնում Հայաստանի Հանրապետության կենտրոնական բանկի խորհրդին:
2. Սույն որոշումն ուժի մեջ է մտնում ընդունման պահից: