ՀՀ ՎԱՐՉԱՊԵՏԻՆ ԱՌԸՆԹԵՐ ԳԻՏՈՒԹՅԱՆ ԵՎ ԱՌԱՋԱՏԱՐ ՏԵԽՆՈԼՈԳԻԱՆԵՐԻ ԽՈՐՀՐԴԻ ԿԱՆՈՆԱԴՐՈՒԹՅՈ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

5 մարտի 1996 թ. թիվ 107

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻՆ ԱՌԸՆԹԵՐ ԳԻՏՈՒԹՅԱՆ ԵՎ ԱՌԱՋԱՏԱՐ ՏԵԽՆՈԼՈԳԻԱՆԵՐԻ ԽՈՐՀՐԴԻ ԿԱՆՈՆԱԴՐՈՒԹՅՈՒՆՆ ՈՒ ԿԱԶՄԸ ՀԱՍՏԱՏԵԼՈՒ ՄԱՍԻՆ

Հաստատել Հայաստանի Հանրապետության վարչապետին առընթեր գիտության և առաջատար տեխնոլոգիաների խորհրդի կանոնադրությունն ու կազմը (կցվում են):

Հաստատված է

ՀՀ վարչապետի 1996 թվականի

մարտի 5-ի թիվ 107 որոշմամբ

Կ Ա Ն Ո Ն Ա Դ Ր ՈՒ Թ Յ ՈՒ Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻՆ ԱՌԸՆԹԵՐ ԳԻՏՈՒԹՅԱՆ ԵՎ ԱՌԱՋԱՏԱՐ ՏԵԽՆՈԼՈԳԻԱՆԵՐԻ ԽՈՐՀՐԴԻ

I. Ընդհանուր դրույթներ

1. Հայաստանի Հանրապետության վարչապետին առընթեր գիտության և առաջատար տեխնոլոգիաների խորհուրդը (այսուհետև` խորհուրդ) գիտավերլուծական, խորհրդատվական մարմին է, որը ստեղծվել է Հայաստանի Հանրապետության կառավարության 1995 թվականի դեկտեմբերի 28-ի «Հայաստանի Հանրապետության գիտությունների ազգային ակադեմիայի, ինչպես նաև հանրապետությունում գիտական գործունեության բարելավման մի շարք միջոցառումների մասին» թիվ 120 որոշմամբ:

2. Խորհրդի գործունեությունն իրականացվում է Հայաստանի Հանրապետության գործող օրենսդրությանը և սույն կանոնադրությանը համապատասխան:

II. Խորհրդի խնդիրներն ու իրավունքները

3. Խորհրդի խնդիրներն են`

ա) Հայաստանի Հանրապետությունում գիտության և առաջատար տեխնոլոգիաների բնագավառում պետական քաղաքականության մշակումը.

բ) գիտական և գիտատեխնիկական հետազոտությունների ու մշակումների պետական ծրագրերի քննարկումը, դրանց ֆինանսավորման ծավալների և ձևերի մասին առաջարկությունների մշակումը:

4. Իր առջև դրված խնդիրներին համապատասխան խորհուրդը`

ա) գիտական և գիտատեխնիկական հետազոտությունների ու մշակումների նախագծերի գիտական փորձաքննության արդյունքների հիման վրա որոշում է պետական բյուջեից սահմանված կարգով դրանց ֆինանսավորման հարցը.

բ) հաստատում է մասնագիտական փորձագիտական խորհուրդների ցանկը, կազմը և աշխատակարգը, վերահսկում դրանց աշխատանքը.

գ) հաստատում է գիտական և գիտատեխնիկական հետազոտությունների ու մշակումների նախագծերի և դրանց իրագործման մասին հաշվետվությունների գնահատման չափանիշները.

դ) առանձին դեպքերում համապատասխան կազմակերպություններից պահանջում է լրացուցիչ նյութեր մասնագիտական փորձագիտական խորհուրդների կողմից քննարկված գիտական և գիտատեխնիկական հետազոտությունների ու մշակումների նախագծերի վերաբերյալ, ներգրավում դրանց փորձաքննության համար մասնագիտկական փորձագիտական խորհուրդներում չընդգրկված համապատասխան մասնագետներին.

ե) քննարկում է հանրապետությունում գիտության և առաջատար տեխնոլոգիաների բնագավառում իրականացվող հետազոտությունների վիճակի ու գիտական ներուժի արդյունավետ օգտագործման մասին վերլուծությունները և համապատասխան առաջարկություններ ներկայացնում Հայաստանի Հանրապետության կառավարություն.

զ) Հայաստանի Հանրապետության վարչապետի հանձնարարությամբ քննարկում է գիտության և առաջատար տեխնոլոգիաների վերաբերյալ Հայաստանի Հանրապետության կառավարություն ներկայացված համապատասխան փաստաթղթերը, այդ թվում` առաջարկություններ գիտական հիմնարկների ստեղծման, վերակազմավորման, լուծարման և ենթակայության փոփոխման վերաբերյալ:

III. Խորհրդի կազմն ու աշխատանքի կազմակերպումը

5. Խորհրդի նախագահը Հայաստանի Հանրապետության վարչապետն է, որը հաստատում է խորհրդի կազմը:

Խորհրդի կազմի մեջ է մտնում խորհրդի քարտուղարը:

6. Խորհրդի կազմի մեջ ընդգրկվում են հանրապետության գիտության և տեխնիկայի առաջատար մասնագետներ:

Խորհրդի կազմի մեջ ի պաշտոնե մտնում են Հայաստանի Հանրապետության և գիտության նախարարը, Հայաստանի Հանրապետության էկոնոմիկայի նախարարը, Հայաստանի Հանրապետության գիտությունների ազգային ակադեմիայի պրեզիդենտը, Մ. Մաշտոցի անվան հին ձեռագրերի ինստիտուտի` «Մատենադարանի» տնօրենը, Երևանի պետական համալսարանի ռեկտորը, Հայաստանի պետական ճարտարագիտական համալսարանի պրեզիդենտը, գիտության և ՌԱՀ-ի գծով Հայաստանի Հանրապետության վարչապետի խորհրդականները:

7. Խորհրդի նիստերը գումարվում են ըստ անհրաժեշտության, բայց ոչ պակաս, քան երկու ամիսը մեկ անգամ:

Խորհրդի նիստերն իրավազոր են, եթե դրանց մասնակցում են խորհրդի անդամների 2/3-ը:

Խորհրդի որոշումներն ընդունվում են բաց քվեարկությամբ` նիստին ներկա անդամների ձայների պարզ մեծամասնությամբ:

Խորհրդի նիստերի արձանագրություններն ստորագրում է տվյալ նիստի նախագահողը:

8. խորհրդի նիստերին կարող են հրավիրվել պետական կառավարման մարմինների, գիտական և բարձրագույն ուսումնական հաստատությունների, պետական և ոչ պետական ձեռնարկությունների, հիմնարկների ու կազմակերպությունների ղեկավարներ, լրատվական միջոցների ներկայացուցիչներ:

9. Խորհրդի նիստերի միջև ընկած ժամանակահատվածում խորհրդի ընթացիկ գործունեությունը համակարգում են խորհրդի նախագահի տեղակալը և խորհրդի քարտուղարը:

10. Խորհրդի անդամը պարտավոր է`

ա) մասնակցել խորհրդի նիստերին և քվեարկություններին.

բ) իր մասնագիտության շրջանակներում քննարկվող հարցերի վերաբերյալ տալ բանավոր կամ գրավոր եզրակացություն:

IY. Խորհրդի գործունեության դադարումը

11. Խորհրդի գործունեությունը դադարեցվում է Հայաստանի Հանրապետության գործող օրենսդրությամբ սահմանված կարգով:

Հաստատված է

ՀՀ վարչապետի 1996 թվականի

մարտի 5-ի թիվ 107 որոշմամբ

Կ Ա Զ Մ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻՆ ԱՌԸՆԹԵՐ ԳԻՏՈՒԹՅԱՆ ԵՎ ԱՌԱՋԱՏԱՐ ՏԵԽՆՈԼՈԳԻԱՆԵՐԻ ԽՈՐՀՐԴԻ

   Հ. Բագրատյան       - ՀՀ վարչապետ (նախագահ)

   Վ. Ավանեսյան       - ՀՀ էկոնոմիկայի նախարար

   Ա. Ավետիսյան       - քիմիական գիտությունների դոկտոր

   Վ. Ավետիսյան       - ՀՀ վարչապետի խորհրդական

   Ա. Արևշատյան       - Մ. Մաշտոցի անվան հին ձեռագրերի ինստիտուտի`

                        «Մատենադարանի» տնօրեն

   Վ. Բարխուդարյան    - ՀՀ ԳԱԱ ակադեմիկոս

   Վ. Գնունի          - ՀՀ կրթության և  գիտության նախարար

   է. Գևորգյան        - կենսաբանական գիտությունների դոկտոր

   Հ. Գուլքանյան      - ֆիզմաթ. գիտությունների թեկնածու

   Գ. Դեմիրճյան       - ՀՀ արդյունաբերության նախարարության

                        գիտատեխնիկական խորհրդի նախագահ

   Ն. Դոբրովոլսկի     - ֆիզմաթ. գիտությունների թեկնածու

   Ա. Խաչունց         - բժշկական գիտությունների թեկնածու

Ս. Համբարձումյան   - ՀՀ ԳԱԱ ակադեմիկոս

Վ. Հարությունյան  - ֆիզմաթ. գիտությունների դոկտոր

   Ա. Ղազարյան        - ֆիզմաթ. գիտությունների թեկնածու

   Վ. Ղազարյան        - արվեստագիտության դոկտոր

   Ռ. Մարտիրոսյան     - Երևանի  պետական համալսարանի ռեկտոր

   Ռ. Մկրտչյան        - ֆիզմաթ. գիտությունների դոկտոր

   Բ. Նահապետյան      - ֆիզմաթ. գիտությունների դոկտոր

   Ռ. Պապայան         - ՀՀ Ազգային ժողովի գիտության, կրթության,

                        մշակույթի և երիտասարդության հարցերի

                        մշտական հանձնաժողովի նախագահ

   Գ. Պողոսյան        - փիլիսոփայական գիտությունների թեկնածու

   Գ. Ջահուկյան       - ՀՀ ԳԱԱ ակադեմիկոս

   Ռ. Ջրբաշյան        - երկրաբանական գիտությունների դոկտոր

   Յու. Սարգսյան      - Հայաստանի պետական ճարտարագիտական

                        համալսարանի պրեզիդենտ

   Ֆ. Սարգսյան        - ՀՀ ԳԱԱ պրեզիդենտ

   Յու. Սաֆարյան      - ճարտարապետական գիտությունների դոկտոր

   Դ. Սեդրակյան       - ՀՀ ԳԱԱ ակադեմիկոս

   Գ. Սնապյան         - գյուղատնտեսական գիտությունների դոկտոր

   Ռ. Ստամբոլցյան     - ՀՀ ԳԱԱ թղթակից անդամ

   Ա. Վարդանյան       - տեխնիկական գիտությունների դոկտոր

   Կ. Հայրապետյան     - ՀՀ կառավարության քարտուղարության

                        սոցիալական քաղաքականության վարչության

                        պետի տեղակալ (քարտուղար)