| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտն ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
13 օգոստոսի 2026 թվականի N 1195-Լ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2025 ԹՎԱԿԱՆԻ ԴԵԿՏԵՄԲԵՐԻ 25-Ի N 1959-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2025 թվականի դեկտեմբերի 25-ի «Ղարաբաղից տեղահանված առանձին խմբերի ընտանիքներին կացարանով ապահովման համար վարձակալության վարձավճարի մասնակի հատուցման սոցիալական աջակցության միջոցառումը և տրամադրման կարգը հաստատելու և Հայաստանի Հանրապետության կառավարության 2024 թվականի մայիսի 16-ի N 710-Լ և 2024 թվականի հունիսի 14-ի N 898-Լ որոշումներում լրացումներ կատարելու մասին» N 1959-Լ որոշման (այսուհետ` որոշում) մեջ կատարել հետևյալ փոփոխությունները և լրացումները`
i
1) որոշման N 1 հավելվածի 1-ին կետում «չեն ցանկացել» բառերը փոխարինել «հրաժարվել են» բառերով, իսկ «ծրագրից» բառից հետո լրացնել «օգտվելու իրավունքից» բառերով.
i
2) որոշման N 2 հավելվածի 3-րդ կետում «դիմումի մեջ նշելով» բառերը փոխարինել «ներկայացնելով» բառով.
3) որոշման N 2 հավելվածի 3-րդ կետի 5-րդ ենթակետում «:» կետադրական նշանը փոխարինել «.» կետադրական նշանով.
4) որոշման N 2 հավելվածի 3-րդ կետը լրացնել հետևյալ բովանդակությամբ 6-րդ ենթակետով`
«6) որոշմամբ հաստատված ծրագրից օգտվելու իրավունքից հրաժարվելու վերաբերյալ հայտարարություն` համաձայն ձևի, որը ստորագրվում և կցվում է դիմումին:».
i
5) որոշման N 2 հավելվածի 5-րդ կետի 8-րդ ենթակետը «տվյալները» բառից հետո լրացնել «և հայտարարությունը» բառերով.
6) որոշման N 2 հավելվածը լրացնել հետևյալ բովանդակությամբ ձևով`
i
«Ձև
ՀԱՅՏԱՐԱՐՈՒԹՅՈՒՆ ՂԱՐԱԲԱՂԻՑ ՏԵՂԱՀԱՆՎԱԾ ԸՆՏԱՆԻՔՆԵՐԻ ԲՆԱԿԱՐԱՆԱՅԻՆ ԱՊԱՀՈՎՄԱՆ ՊԵՏԱԿԱՆ ԱՋԱԿՑՈՒԹՅԱՆ ԾՐԱԳՐԻՑ ՕԳՏՎԵԼՈՒ ԻՐԱՎՈՒՆՔԻՑ ՀՐԱԺԱՐՎԵԼՈՒ ՎԵՐԱԲԵՐՅԱԼ
Հայտնում եմ, որ հրաժարվում եմ ՀՀ կառավարության 2024 թվականի մայիսի 16-ի N 710-Լ որոշմամբ հաստատված Ղարաբաղից տեղահանված ընտանիքների բնակարանային ապահովման պետական աջակցության ծրագրից օգտվելու իրավունքից:
.__________________________________________________________.
|NN |Ազգանունը,|Ծննդյան |Անձը |ՀԾՀ կամ ՀԾՀ|Համաձայն եմ |
|ը/կ|անունը, |օրը, |հաստատող |չստանալու |դիմումում |
| |հայրանունը|ամիսը, |փաստաթղթի|մասին |ներառված |
| | |տարեթիվը|համարը, |տեղեկանքի |տվյալների և |
| | | |սերիան |համարը |դրույթների |
| | | | | |հետ |
|___|__________|________|_________|___________|____________|
|1. | | | | | |
|___|__________|________|_________|___________|____________|
|2. | | | | | |
|___|__________|________|_________|___________|____________|
|3. | | | | | |
.__________________________________________________________.
Դիմող` ____________________ _________________________
(ստորագրությունը) (անունը, ազգանունը)
---- ---------------------- 202 թ.»:
2. Սույն որոշումն ուժի մեջ է մտնում հրապարակմանը հաջորդող օրվանից:
Հայաստանի Հանրապետության
վարչապետ Ն. Փաշինյան
2026 թ. օգոստոսի
Երևան