ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐ
ՀՐԱՄԱՆ
31 հուլիսի 2026 թվականի N 91-Ն
ՏԱՐԵՑ ԿԱՄ ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԱՆՑ ԽՆԱՄՔԻ (ԲԱՑԱՌՈՒԹՅԱՄԲ ԽՆԱՄԱՏԱՐ ԸՆՏԱՆԻՔՆԵՐՈՒՄ ԿԱՄ ԽՆԱՄԱԿԱԼԻ ԿԱՄ ՀՈԳԱԲԱՐՁՈՒԻ ԸՆՏԱՆԻՔՈՒՄ ԻՐԱԿԱՆԱՑՎՈՂ ԽՆԱՄՔԻ) ՏՐԱՄԱԴՐՄԱՆ ՆՎԱԶԱԳՈՒՅՆ ՉԱՓՈՐՈՇԻՉՆԵՐԸ ՀԱՍՏԱՏԵԼՈՒ ՄԱՍԻՆ
(2-րդ մաս)
3. ՀԱՄԱՅՆՔԱՅԻՆ ՓՈՔՐ ՏՆԵՐՈՒՄ ՏՐԱՄԱԴՐՎՈՂ ԽՆԱՄՔԻ ԵՎ ՄԱՍՆԱԳԵՏՆԵՐԻ ՀԱՍՏԻՔԱՅԻՆ ՄԻԱՎՈՐՆԵՐԻ ՉԱՓՈՐՈՇԻՉՆԵՐԸ
58. Փոքր տունը համայնքահեն ծառայություն է, որը կարող է գործել պետական մարմինների կամ տեղական ինքնակառավարման մարմինների ենթակայությամբ, պետություն-համայնք-հասարակական կազմակերպությունների համագործակցությամբ` դրամաշնորհի տրամադրման պայմանագրի հիման վրա:
59. Փոքր տան նպատակն է նոր մոտեցմամբ ծառայությունների կազմակերպման ու տրամադրման միջոցով հաշմանդամության հիմքով խտրականության բացառումը կյանքի բոլոր ոլորտներում, շահառուների սոցիալ-հոգեբանական վիճակի, առողջության վերականգնումը, աշխատանքային գործունեությամբ զբաղվելու կարողության ու սոցիալական կարգավիճակի վերականգնման դրական զարգացումների արդյունավետ օգտագործումը, հաստատությունից դուրս անկախ կյանքի և համայնքի այլ անձանց հետ համահավասար սոցիալական ներառման իրավունքի իրացումը:
60. Փոքր տան մաքրության աշխատանքները կատարում են շահառուները, միայն իրենց համաձայնության դեպքում` աշխատակազմի օժանդակությամբ և ուղղորդմամբ, շահառուները նաև կատարում են գնումներ, պատրաստում առօրյա սնունդ և այլն: Նրանց ցանկությամբ կարող են կատարվել նաև կենցաղային բնույթի այլ աշխատանքներ, ինչպես նաև, ելնելով տվյալ համայնքում առկա հնարավորություններից, աշխատանքային զբաղվածության որևէ տեսակով ապահովում: Փոքր տան մասնագետներն աջակցում են շահառուի որոշումների կայացմանը և օգնում դրանք իրականացնել: Շահառուները մասնակցում են համայնքում և դրանից դուրս կազմակերպվող տարբեր մշակութային, սպորտային, ժամանցային և այլ միջոցառումների:
61. Փոքր տանը շահառուին տրամադրվում են հետևյալ ծառայությունները.
1) ընդհանուր ղեկավարում և կացարանով ապահովում` անհրաժեշտ իրերով և կահույքով կահավորված սենյակներում.
2) սոցիալ-հոգեբանական օգնության տրամադրում` շահառուի սոցիալական խնդիրների լուծման նպատակով ծառայություններ ստանալու վերաբերյալ խորհրդատվության և աջակցության տրամադրում, հոգեբանական վիճակի բարելավմանը և նոր միջավայրին հարմարվելուն նպաստելու իրականացում.
3) կենցաղային սպասարկում` աջակցություն շահառուի առօրյա հոգսերի լուծմանը, ըստ անհրաժեշտության` խնամքի, բնակության վայրի մաքրության, անձնական հիգիենայի պահպանման, լոգանքի, շահառուի անձնական միջոցներով գնումներ կատարելու գործում, ուղեկցում զբոսանքի և այլն:
62. Ընդհանուր ղեկավարումն ու կացարանով ապահովումը նախատեսում է`
1) գործող օրենսդրության համաձայն իրականացվող բոլոր տեսակի գործառույթների պլանավորում, կառավարում, իրականացված աշխատանքների որակի և արդյունավետության հսկում.
2) աշխատանքային գործառույթների ապահովման և խնամքի ու սոցիալ-հոգեբանական օգնության տրամադրման նպատակով անհրաժեշտ պարագաներով, տեխնիկական միջոցներով, կահույքով և անհրաժեշտ այլ միջոցներով համալրում.
3) աշխատողների կողմից աշխատանքային օրենսդրության պահպանման նկատմամբ հսկողության իրականացում, աշխատանքային պայմանների ապահովում.
4) շենքերի, առկա տեխնիկական միջոցների անվտանգ շահագործման, նորոգման ու սպասարկման ապահովում, հակահրդեհային անվտանգության ապահովման և պահակային ծառայության կազմակերպում.
5) քաղաքացիական պաշտպանության և պատերազմի ժամանակ, արտակարգ իրավիճակների և ռազմական դրության դեպքերում աշխատանքների կազմակերպում.
6) օրենսդրությամբ սահմանված կարգով հաշվապահական հաշվառման վարում, այդ աշխատանքների շրջանակներում հիմնական ֆոնդերի, նյութական և դրամական միջոցների, վառելիքի, էլեկտրաէներգիայի, մթերքների, ինչպես նաև անհրաժեշտ այլ միջոցների հաշվառման կազմակերպում.
7) հարկերի, տուրքերի և այլ վճարման հետ կապված գործառույթների իրականացում.
8) եկամուտների և ծախսերի նախահաշվի կազմում, ստացված միջոցների ծախսման նկատմամբ հսկողության, գույքագրման աշխատանքների իրականացում.
9) ֆինանսատնտեսական գործունեության վերլուծություն, ներքին հնարավորությունների բացահայտում, դրանց արդյունավետ իրացմանն աջակցում.
10) աշխատավարձերի և դրանց հավասարեցված այլ եկամուտների հետ կապված հարկերի հաշվարկում և դրանց վճարման իրականացում.
11) հաշվետվությունների կազմում և դրանց ներկայացում.
12) հաշվապահական փաստաթղթերի շրջանառություն և արխիվացում.
13) օրենսդրությամբ, աշխատանքային պայմանագրով կամ աշխատանքի ընդունման մասին անհատական իրավական ակտով այլ իրավունքների և պարտականությունների կատարում:
63. Ընդհանուր ղեկավարումն ու կացարանով ապահովումը նախատեսում են հետևյալ հաստիքային միավորները`
._____________________________________________________________________.
|հ/հ |Հաստիքը |Չափորոշիչը |
|_____|_____________________________|_________________________________|
|1 |Տնօրեն կամ տնօրենի տեղակալ |1 հաստիքային միավոր |
._____________________________________________________________________.
64. Ընդհանուր ղեկավարումը կազմակերպվում է տնօրենի կողմից, եթե փոքր տունն առանձին կազմակերպություն է, կամ տնօրենի տեղակալի կողմից, եթե փոքր տունն այլ կազմակերպության մասնաճյուղ է, որի դեպքում տեղակալի լրացուցիչ հաստիք է նախատեսվում ոչ պակաս, քան 2, և ոչ ավելի, քան 4 փոքր տների համար` միասին վերցված:
65. Սոցիալ-հոգեբանական օգնության տրամադրումը նախատեսում է`
1) շահառուի սոցիալական կարիքների գնահատում, սոցիալական գործի վարում.
2) շահառուի սոցիալական վերականգնման ծրագրով համապատասխան միջոցառումների իրականացում.
3) շահառուին խորհրդատվական օգնության տրամադրում, ինչպես նաև, ըստ անհրաժեշտության, իրավական օգնության տրամադրման ապահովում.
4) շահառուին դժվարությունները հաղթահարելու և ինքնասպասարկումը, կենցաղավարման հմտությունները զարգացնելու կարողությունների բացահայտում, տեղեկատվության տրամադրում, հաղորդակցության ապահովում.
5) շահառուների ներգրավում տարբեր մշակութային, արվեստների և արհեստագործական խմբակներում` ըստ իրենց նախասիրությունների.
6) շահառուների աշխատանքային թերապիայի կազմակերպում և իրականացում համապատասխան մասնագիտական արհեստանոցներում կամ գյուղատնտեսական նշանակության տեղամասերում.
7) շահառուի սոցիալական կապերի վերականգնման և նոր սոցիալական կապերի ստեղծմանն ու ամրապնդմանը, հարկ եղած դեպքում նաև` իր ընտանիքի անդամներին և հարազատներին հայտնաբերելուն միտված աշխատանքների իրականացում. շահառուի համար տարատեսակ փաստաթղթերի, սոցիալական ապահովության խնդիրների լուծման հարցերում աջակցություն և ուղղորդում.
8) Ըստ անհրաժեշտության շահառուին հոգեբանական օգնության տրամադրման ապահովում` անհատական և խմբային վերապատրաստումների միջոցով, իսկ թեթև մտավոր խնդիրներ ունեցող շահառուների դեպքում նաև` հոգեկան առողջության վերականգնման աշխատանքներ.
9) շահառուի հոգեբանական վիճակի բարելավմանը և նոր միջավայրին հարմարվելուն նպաստելու իրականացում, հոգեկան առողջության ինքնավերահսկման հմտությունները ձևավորելու, կոնֆլիկտային, սթրեսային և ճգնաժամային իրավիճակների հաղթահարման աշխատանքների իրականացում.
10) ըստ անհրաժեշտության` շահառուին աջակցություն կենսաթոշակների նշանակման, ստացման, բժշկասոցիալական փորձաքննության կամ անձի ֆունկցիոնալության գնահատման կազմակերպման կամ հաշմանդամության հետ կապված այլ խնդիրների լուծման աջակցություն, այդ թվում` անհրաժեշտ աջակցող միջոցներով ապահովման հետ կապված հարցերում.
11) շահառուների ժամանցի և հանգստի կազմակերպման աշխատանքների մասնակցություն, տարատեսակ մարզական, մշակութային միջոցառումներ, էքսկուրսիաների կազմակերպում` հաշվի առնելով շահառուների նախասիրությունները, պահանջմունքները, բժշկական ցուցումները և հակացուցումները, սոցիալական ներառմանը նպաստող գործոնների առկայությունը, ինչպես նաև շահառուների կողմից մարզամշակութային խմբակների ստեղծման օժանդակում և խրախուսում.
12) շահառուի սոցիալական հմտությունների, այլ անձանց հետ համահավասար հիմունքներով համայնքում ապրելու իրավունքի լիակատար իրացմանն օժանդակելու և հասարակության կյանքում իր արդյունավետ և լիարժեք ներգրավվածությանն աջակցելու աշխատանքների կազմակերպում և իրականացում.
13) օրենսդրությամբ, աշխատանքային պայմանագրով կամ աշխատանքի ընդունման մասին անհատական իրավական ակտով այլ իրավունքների և պարտականությունների կատարում:
66. Սոցիալ-հոգեբանական օգնության տրամադրման համար նախատեսվում են հետևյալ հաստիքային միավորները`
._____________________________________________________________________.
|հ/հ |Հաստիքը |Չափորոշիչը |
|______|_____________________|________________________________________|
|1 |Սոցիալական աշխատող |1 հաստիքային միավոր` յուրաքանչյուր փոքր |
| | |տան հաշվարկով |
|______|_____________________|________________________________________|
|2 |Մասնագետ` |1 հաստիքային միավոր` յուրաքանչյուր փոքր |
| |աշխատանքային |տան հաշվարկով |
| |թերապիայի | |
._____________________________________________________________________.
67. Կենցաղային սպասարկումը նախատեսում է`
1) շահառուի անձնական և սոցիալական խնդիրների լուծմանն աջակցություն.
2) շահառուին անհրաժեշտ դեղեր ստանալու, ինքնասպասարկման հետ կապված այլ հարցեր լուծելու գործում օժանդակություն.
3) շահառուի լոգանքի կազմակերպում և հագուստի, սպիտակեղենի ու անկողնային պարագաների փոխում` կանոններով սահմանված պարբերականությամբ և օրվա ռեժիմին համապատասխան, բայց ոչ պակաս, քան շաբաթական մեկ անգամ.
4) շահառուներին սննդի կազմակերպման, տան մաքրության ապահովման, սանիտարահիգիենիկ պայմանների, սպասքը հավաքելու և լվանալու գործընթացը պատշաճ և ժամանակին կազմակերպելու նկատմամբ հսկողություն.
5) շահառուի ընդհանուր առողջական վիճակին հետևում, մարզական, մշակութային միջոցառումների, էքսկուրսիաների կազմակերպման մասնակցություն, ինքնօգնության խմբերի, տարաբնույթ խմբակների ստեղծման աջակցություն.
6) փոքր տան համար անհրաժեշտ արդյունաբերական ապրանքների, մթերքի և դեղերի գնման գործընթացին մասնակցություն, շահառուների հագուստի քիմմաքրման, կոշիկների նորոգման հետ կապված աշխատանքների կազմակերպում.
7) փոքր տան ճաշացանկի կազմում և սննդի կազմակերպման համար գնման ենթակա անհրաժեշտ մթերացանկի կազմում, շահառուներին տրամադրում.
8) տարբեր ճաշատեսակների, սառը և տաք նախուտեստների և ուտեստների, խմորեղենի, ոչ ոգելից խմիչքների և այլ խոհարարական արտադրանքի պատրաստում.
9) տնտեսության ինքնուրույն վարման, սպասքը ճիշտ տեղադրելու, հավաքելու և լվանալու հմտությունների ուսուցանում, սպասքի հավաքում և լվացում
10) շահառուների կողմից խոհանոցում կատարվող աշխատանքների համակարգում և աջակցում` այդ աշխատանքների իրականացման ընթացքում.
11) օրենսդրությամբ, աշխատանքային պայմանագրով կամ աշխատանքի ընդունման մասին անհատական իրավական ակտով այլ իրավունքների և պարտականությունների կատարում:
68. Կենցաղային սպասարկման համար նախատեսվում են հետևյալ հաստիքային միավորները`
._____________________________________________________________________.
|հ/հ |Հաստիքը |Չափորոշիչը |
|____|__________________|_____________________________________________|
|1 |Սոցիալական |2 հաստիքային միավոր` ընդհանուր տիպի փոքր տան |
| |սպասարկող |համար 1 շուրջօրյա հերթափոխ` մասնագիտացված |
| | |փոքր տան համար |
._____________________________________________________________________.
69. Շահառուների կենցաղային սպասարկումն իրականացնող սոցիալական սպասարկողները ենթակա են պարբերական բժշկական զննության` համաձայն ցանկի 9-րդ կետի:
70. Փոքր տան շահառուին բժշկական օգնությունը և սպասարկումը տրամադրվում է համայնքում, իսկ անհրաժեշտության դեպքում` հոգեբուժական օգնություն տրամադրում և շահառուների նկատմամբ դիսպանսեր հսկողություն է իրականացնում փոքր տան գտնվելու վայրի համապատասխան բժշկական կազմակերպության հոգեբույժը` պայմանագրային հիմունքներով:
71. Մեկ համայնքում կարող է լինել ոչ ավելի, քան երեք փոքր տուն: Միևնույն հասցեում գտնվող երկու կամ երեք փոքր տների` սույն հավելվածի 7-րդ, 8-րդ և 12-րդ կետերով նախատեսված ընդհանուր օգտագործման տարածքները, ինչպես նաև սույն հավելվածի 63-րդ և 66-րդ կետերում նշված հաստիքային միավորները կարող են չկրկնվել, լինել ընդհանուր:
72. Սույն հավելվածով սահմանված մասնագետների հաստիքային միավորներից զատ, ելնելով խնամքի և սոցիալական ծառայությունների տրամադրման առանձնահատկություններից, լիազորած մարմնի հետ կնքվող խնամքի տրամադրման մասին պայմանագրով կարող են սահմանվել նաև լրացուցիչ հաստիքային միավորներ:
4. ՏՆԱՅԻՆ ՊԱՅՄԱՆՆԵՐՈՒՄ ՏԱՐԵՑ ԵՎ (ԿԱՄ) ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԱՆՑ ԽՄԲԵՐԻ, ԸՍՏ ԽՄԲԵՐԻ ԽՆԱՄՔԻ ՏՐԱՄԱԴՐՄԱՆ ՁԵՎԱՉԱՓԻ ԵՎ ՄԱՍՆԱԳԵՏՆԵՐԻ ՀԱՍՏԻՔԱՅԻՆ ՄԻԱՎՈՐՆԵՐԻ ՉԱՓՈՐՈՇԻՉՆԵՐԸ
73. Տնային պայմաններում խնամքի ծառայություններ ստացող շահառուները, համաձայն օրենսդրության, ընդգրկվում են երկու խմբում` Ա և Բ, որոնք դասակարգվում են հետևյալ կերպ`
._____________________________________________________________________.
|հ/հ|Գործողություններ |Ա խումբ |Բ խումբ |
|___|__________________|______________________|_______________________|
|1. |ինքնասպասարկման |ինքնուրույն անկարող է,|մասամբ կարող է, կամ |
| |ապահովման |կամ կարող է հատուկ |կատարում է ինքնուրույն,|
| |ունակություն |միջոցների, սարքերի ու |սակայն դժվարությամբ |
| | |հարմարությունների | |
| | |միջոցով | |
|___|__________________| | |
|2. |ինքնուրույն | | |
| |տեղաշարժվելու | | |
| |կարողություն | | |
|___|__________________| | |
|3. |ուսումնառության | | |
| |կարողություն | | |
|___|__________________| | |
|4. |աշխատանքային | | |
| |գործունեությամբ | | |
| |զբաղվելու | | |
| |կարողություն | | |
|___|__________________| | |
|5. |կողմնորոշվելու | | |
| |կարողություն | | |
|___|__________________| | |
|6. |հաղորդակցվելու | | |
| |կարողություն | | |
|___|__________________| | |
|7. |սեփական վարքը | | |
| |հսկելու | | |
| |կարողություն | | |
._____________________________________________________________________.
1) սույն կետում նշված գործողություններից առնվազն երեքն ինքնուրույն կատարել չկարողանալու դեպքում շահառուն կընդգրկվի տնային պայմաններում խնամքի «Ա» խմբում` սույն հավելվածի 75-րդ կետում սահմանված հաճախականությամբ.
2) սույն կետում նշված գործողություններից առնվազն երեքը մասամբ ինքնուրույն կատարելու դեպքում շահառուն կընդգրկվի տնային պայմաններում խնամքի «Բ» խմբում` սույն հավելվածի 75-րդ կետում սահմանված հաճախականությամբ:
74. Տնային պայմաններում ծառայությունները տրամադրվում են շաբաթվա բոլոր օրերին` 9:00-18:00-ն ընկած ժամանակահատվածում` սույն հավելվածի 75-րդ կետում սահմանված հաճախականությամբ, շահառուի սոցիալական կարիքին և սոցիալական վերականգնման ծրագրին համապատասխան` հետևյալ ծառայությունների տեսքով`
1) կենցաղային սպասարկում` սոցիալական սպասարկողի կողմից շահառուի անձնական հիգիենայի ապահովում, բնակարանի մաքրում, լոգանքի կազմակերպում, գնումների իրականացում, կոմունալ վարձավճարների մուծում, սննդի կազմակերպում, սննդի կազմակերպման ծառայություն տրամադրող ճաշարանից կերակրի տուն բերում, անհրաժեշտության դեպքում` կերակրում, լրացուցիչ գործառույթներ` սոցիալական աշխատողի և բուժքրոջ ցուցումով.
2) բժշկական օգնություն և սպասարկում, բուժքրոջ կողմից բժշկի նշանակումների կատարում (ներարկում, դեղերի տրամադրում և այլն` հաշվի առնելով այն պարտադիր պայմանը, որ աշխատողները ենթակա են բժշկական զննության` համաձայն ցանկի 3-րդ կետի), ըստ անհրաժեշտության` բժշկի կանչի գրանցում, սպասարկող պոլիկլինիկա այցելության կազմակերպում կամ այլ բժշկական հաստատություններ ուղղորդում և ուղեկցում, հիվանդանոցային բուժման նպատակով հաստատություններ ընդունվելու գործում աջակցության ցուցաբերում, աջակցում դրանցում խնամքի իրականացմանը, բժշկասոցիալական փորձաքննության կամ անձի ֆունկցիոնալության գնահատման կազմակերպում, մասնագիտացված խնամքի տրամադրման դեպքում նաև` հոգեբույժի շաբաթական առնվազն մեկ այց.
3) սոցիալ-հոգեբանական օգնություն` սոցիալական աշխատողի կողմից շահառուի սոցիալական կարիքի գնահատում տարեկան առնվազն երկու անգամ, ուղղորդում, ուղեկցում և համապատասխան աջակցության ցուցաբերում, աջակցող միջոցներով ապահովելու գործընթացի կազմակերպում, շահառուի նախասիրությունների բացահայտում և տարաբնույթ ծառայությունների և միջոցառումների, այդ թվում` էքսկուրսիաների կազմակերպում, տոների ու հիշարժան օրերի նշում և այլն` եռամսյակն առնվազն մեկ անգամ, շահառուի սոցիալական կարիքի կրկնակի գնահատման դեպքում` ծառայության տեսակների և հաճախականության վերանայում, մասնագիտացված խնամքի տրամադրման դեպքում նաև` հոգեբանի ծառայություն անհատական վերապատրաստումների միջոցով` ուղղված շահառուին կամ ընտանիքի անդամներին.
4) խորհրդատվական օգնություն` սոցիալական աշխատողի կողմից շահառուի իրավունքների ու շահերի պաշտպանություն և դրանց վերաբերյալ տեղեկատվության տրամադրում, անհրաժեշտ սոցիալական աջակցության կազմակերպում և աջակցություն սոցիալական խնդիրների լուծմանը` տարատեսակ փաստաթղթերի, սոցիալական ապահովության խնդիրների լուծման հարցերում, մասնագիտացված խնամքի տրամադրման դեպքում նաև` խորհրդատվություն շահառուին կամ ընտանիքի անդամներին:
75. Տնային պայմաններում խնամքի տրամադրման ձևաչափը պայմանավորված է շահառուի` Ա կամ Բ խմբում ընդգրկվածության հանգամանքից`
._____________________________________________________________________.
|հ/հ |Հաստիքը |Շահառուների խմբերին ծառայությունների |
| | |տրամադրման հաճախականություն |
| | |______________________________________________|
| | |Ա խումբ |Բ խումբ |
|____|_________________|______________________________________________|
|1. |Սոցիալական |Ամսական առնվազն 2 անգամ և ըստ անհրաժեշտության|
| |աշխատող | |
|____|_________________|______________________________________________|
|2. |Հոգեբան |Ամսական առնվազն 8 ժամ անգամ և ըստ |
| | |անհրաժեշտության` միայն մասնագիտացված խնամքի |
| | |համար |
|____|_________________|______________________________________________|
|3. |Միջին բուժաշխատող|Շաբաթական առնվազն |Շաբաթական առնվազն |
| |(բուժքույր) |2 անգամ` |1 անգամ` |
| | |1 ժամով և ըստ |1 ժամով և ըստ |
| | |անհրաժեշտության |անհրաժեշտության |
|____|_________________|______________________|_______________________|
|4. |Սոցիալական |Օրական 2 անգամ` |Շաբաթական առնվազն |
| |սպասարկող |1-ական ժամով կամ 1 |2 անգամ` |
| | |անգամ` |1-ական ժամով կամ 1 |
| | |2 ժամով և ըստ |անգամ` |
| | |անհրաժեշտության |2 ժամով և ըստ |
| | | |անհրաժեշտության |
._____________________________________________________________________.
76. Տնային պայմաններում խնամքի տրամադրման համար սահմանված են մասնագետների հետևյալ հաստիքային միավորները.
._____________________________________________________________________.
|հ/հ |Հաստիքը |Չափորոշիչը |
|_____|__________________|____________________________________________|
|1. |Սոցիալական աշխատող|1 հաստիքային միավոր առավելագույնը 50 |
| | |շահառուի հաշվարկով |
|_____|__________________|____________________________________________|
|2. |Հոգեբան |1 հաստիքային միավոր առավելագույնը 20 |
| | |շահառուի հաշվարկով` մասնագիտացված խնամքի |
| | |համար |
|_____|__________________|____________________________________________|
|3. |Միջին բուժաշխատող |1 հաստիքային միավոր առավելագույնը 25 |
| |(բուժքույր) |շահառուի հաշվարկով |
|_____|__________________|____________________________________________|
|4. |Սոցիալական |1 հաստիքային միավոր առավելագույնը 12 |
| |սպասարկող |շահառուի հաշվարկով` ընդհանուր տիպի խնամքի |
| | |համար |
| | |____________________________________________|
| | |1 հաստիքային միավոր առավելագույնը 10 |
| | |շահառուի հաշվարկով` մասնագիտացված խնամքի |
| | |համար |
._____________________________________________________________________.
5. ՑԵՐԵԿԱՅԻՆ ԿԵՆՏՐՈՆՈՒՄ ՏՐԱՄԱԴՐՎՈՂ ԽՆԱՄՔԻ ԵՎ ՄԱՍՆԱԳԵՏՆԵՐԻ ՀԱՍՏԻՔԱՅԻՆ ՄԻԱՎՈՐՆԵՐԻ ՉԱՓՈՐՈՇԻՉՆԵՐԸ
77. Ցերեկային կենտրոններն ունեն տարբեր ուղղվածություն` կախված շահառուների կարգավիճակից, կենտրոնի առաքելությունից և տրամադրվող խնամքի բնույթից (մարզամշակութային, առողջ ապրելակերպի, զբաղվածության, խնամքի, միջսերնդային, վերականգնողական, սոցիալական ներառման և այլն):
78. Ցերեկային կենտրոնում խնամք տրամադրվում է աշխատանքային օրերին` 9:00-18:00-ն ընկած ժամանակահատվածում, շահառուի սոցիալական կարիքին և սոցիալական վերականգնման ծրագրին համապատասխան` հետևյալ ծառայությունների տեսքով`
1) սննդի կազմակերպում` սույն հավելվածի 6-րդ գլխում սահմանված պահանջներին համապատասխան` ծառայությունների տրամադրման ընթացքում սննդային ընդմիջման տեսքով.
2) սոցիալ-հոգեբանական օգնություն` սոցիալական աշխատողի կողմից շահառուի սոցիալական կարիքի գնահատում տարեկան առնվազն երկու անգամ, ուղղորդում, ուղեկցում և համապատասխան աջակցության ցուցաբերում, աջակցող միջոցներով ապահովելու գործընթացի կազմակերպում, անհրաժեշտության դեպքում` առաջնային բժշկական օգնության և սպասարկման կազմակերպում, շահառուի նախասիրությունների բացահայտում և տարաբնույթ ծառայությունների և միջոցառումների, այդ թվում` էքսկուրսիաների կազմակերպում, տոների ու հիշարժան օրերի նշում և այլն` ամսական առնվազն մեկ անգամ, շահառուների հետաքրքրությունների և ցանկությամբ ձևավորված առնվազն երկու խմբակի ստեղծում` յուրաքանչյուրի պարապմունքները շաբաթական առնվազն մեկ անգամ, շահառուի կարիքների կրկնակի գնահատման դեպքում` ծառայության տեսակների և հաճախականության վերանայում, ժամանցի և զբաղվածության կազմակերպում` հետաքրքրությունների և կարողությունների գնահատման հիման վրա շահառուներին համապատասխան խմբակներում ներգրավելու նպատակով, արվեստի միջոցով թերապիա, մասնագիտացված խնամքի տրամադրման դեպքում նաև` օկուպացիոն (շտկիչ վարժանքներով) թերապիա, կրթաուսումնական կամ ուսումնադաստիարակչական ծառայություններ, մասնագիտական կողմնորոշում, հոգեբանի ծառայություն անհատական վերապատրաստումների միջոցով` ուղղված շահառուին կամ ընտանիքի անդամներին.
3) իրավական խորհրդատվություն` սոցիալական աշխատողի կողմից շահառուի իրավունքների ու շահերի պաշտպանություն և դրանց վերաբերյալ տեղեկատվության տրամադրում, անհրաժեշտ սոցիալական աջակցության կազմակերպում և աջակցություն սոցիալական խնդիրների լուծմանը` տարատեսակ փաստաթղթերի, սոցիալական ապահովության խնդիրների լուծման հարցերում, մասնագիտացված խնամքի տրամադրման դեպքում նաև` խորհրդատվություն շահառուին կամ ընտանիքի անդամներին.
4) հաշմանդամություն ունեցող անձի աշխատանքային վերականգնման անհատական ծրագրի կազմում սոցիալական աշխատողի կողմից, դրանով նախատեսված միջոցառումների իրականացում, սոցիալական ներառմանը, անկախ կյանքի, այդ թվում` համայնքային կյանքին մասնակցությանն ուղղված միջոցառումներ (ինքնասպասարկման, կենցաղավարման, հաղորդակցման, տեղաշարժման, միջանձնային և սոցիալական հարաբերություններ ստեղծելու հմտություններ և այլն):
79. Ցերեկային կենտրոնում սահմանված են մասնագետների հետևյալ հաստիքային միավորները.
._____________________________________________________________________.
|հ/հ |Հաստիքը |Չափորոշիչը |
|_____|_____________________|_________________________________________|
|1. |Սոցիալական աշխատող |1 հաստիքային միավոր յուրաքանչյուր 50 |
| | |շահառուի հաշվարկով` ընդհանուր տիպի խնամքի|
| | |համար |
| | |_________________________________________|
| | |1 հաստիքային միավոր առավելագույնը 25 |
| | |շահառուի հաշվարկով` մասնագիտացված խնամքի |
| | |համար |
|_____|_____________________|_________________________________________|
|2. |Հոգեբան |1 հաստիքային միավոր առավելագույնը 25 |
| | |շահառուի հաշվարկով` մասնագիտացված խնամքի |
| | |համար |
|_____|_____________________|_________________________________________|
|3. |Խմբավար |1 հաստիքային միավոր առավելագույնը 25 |
| | |շահառուի հաշվարկով` ընդհանուր տիպի խնամքի|
| | |համար |
| | |_________________________________________|
| | |3 հաստիքային միավոր առավելագույնը 25 |
| | |շահառուի հաշվարկով` մասնագիտացված խնամքի |
| | |համար |
|_____|_____________________|_________________________________________|
|4. |Հավաքարար |1 հաստիքային միավոր առավելագույնը 50 |
| | |շահառուի հաշվարկով` ընդհանուր տիպի խնամքի|
| | |համար |
| | |_________________________________________|
| | |1 հաստիքային միավոր առավելագույնը 25 |
| | |շահառուի հաշվարկով` մասնագիտացված խնամքի |
| | |համար |
._____________________________________________________________________.
6. ԲՆԱԿՉՈՒԹՅԱՆ ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ ՀԱՍՏԱՏՈՒԹՅՈՒՆՆԵՐՈՒՄ ՀԱՏԿԱՑՎՈՂ ՍՆՆԴԱՄԹԵՐՔԻ ՄԻՋԻՆ ՕՐԱԿԱՆ ՉԱՓՈՐՈՇԻՉՆԵՐԸ
80. Ընդհանուր տիպի շուրջօրյա խնամքի կենտրոններում շահառուների սննդի օրական սպառման նվազագույն էներգետիկ արժեքը չպետք է պակաս լինի 2100 կկալ-ից, ընդ որում, խնամվողներին տրվող սննդի օրական չափաքանակում պարտադիր պետք է պարունակվի առնվազն 10-15 տոկոս սպիտակուց, 28-32 տոկոս ճարպ, 55-60 տոկոս ածխաջրատ.
81. Ընդհանուր տիպի շուրջօրյա խնամքի կենտրոններում հատկացվող սննդամթերքի օրական չափորոշիչները.
._____________________________________________________________________.
|NN |Սննդամթերքի |Չափման |Օրական |Էներգետիկ |
|ը/կ |անվանումը |միավորը |օգտագործման |արժեքը |
| | | |չափը (գրամներով)|(կկալ) |
|____|___________________|____________|________________|______________|
|1. |Հաց` ցորենի |գրամ |300 |699 |
|____|___________________|____________|________________|______________|
|2. |Հաց` 2-րդ տեսակի |գրամ |200 |466 |
|____|___________________|____________|________________|______________|
|3. |Մակարոնեղեն |գրամ |30 |99.6 |
|____|___________________|____________|________________|______________|
|4. |Ձավարեղեն |գրամ |50 |142.0 |
|____|___________________|____________|________________|______________|
|5. |Կարտոֆիլ |գրամ |200 |166 |
|____|___________________|____________|________________|______________|
|6. |Բանջարեղեն և այլ |գրամ |300 |91.5 |
| |կանաչեղեն | | | |
|____|___________________|____________|________________|______________|
|7. |Սոխ |գրամ |50 |17.5 |
|____|___________________|____________|________________|______________|
|8. |Տոմատի մածուկ |գրամ |5 |0.7 |
|____|___________________|____________|________________|______________|
|9. |Պանիր |գրամ |30 |78 |
|____|___________________|____________|________________|______________|
|10. |Շաքարավազ |գրամ |60 |225 |
|____|___________________|____________|________________|______________|
|11. |Կարագ |գրամ |20 |37.4 |
|____|___________________|____________|________________|______________|
|12. |Յուղ կամ ձեթ |գրամ |40 |347.5 |
|____|___________________|____________|________________|______________|
|13. |Սուրճ |գրամ |2 | |
|____|___________________|____________|________________|______________|
|14. |Աղ |գրամ |15 | |
|____|___________________|____________|________________|______________|
|15. |Մսամթերք |գրամ |140 |261.8 |
|____|___________________|____________|________________|______________|
|16. |Ձկնեղեն |գրամ |60 |86.4 |
|____|___________________|____________|________________|______________|
|17. |Կաթ կամ կաթի փոշի |միլիգրամ |200 |122 |
|____|___________________|____________|________________|______________|
|18. |Մածուն |գրամ |150 |90 |
|____|___________________|____________|________________|______________|
|19. |Թթվասեր |գրամ |30 |78 |
|____|___________________|____________|________________|______________|
|20. |Կաթնաշոռ |գրամ |50 |78 |
|____|___________________|____________|________________|______________|
|21. |Ձու |հատ |0.5 |78.5 |
|____|___________________|____________|________________|______________|
|22. |Թեյ |գրամ |2 | |
|____|___________________|____________|________________|______________|
|23. |Մեղր |գրամ |5 |15.75 |
|____|___________________|____________|________________|______________|
|24. |Մուրաբա, ջեմ |գրամ |20 | |
|____|___________________|____________|________________|______________|
|25. |Միրգ |գրամ |200 |92 |
|____|___________________|____________|________________|______________|
|26. |Հյութ |գրամ |100 | |
|____|___________________|____________|________________|______________|
|27. |Ալյուր |գրամ |25 |81.7 |
|____|___________________|____________|________________|______________|
|28. |Հրուշակեղեն |գրամ |50 | |
._____________________________________________________________________.
82. Շուրջօրյա մասնագիտացված խնամքի կենտրոններում շահառուների սննդի օրական սպառման նվազագույն էներգետիկ արժեքը չպետք է պակաս լինի 2200 կկալ-ից, ընդ որում, խնամվողներին տրվող սննդի օրական չափաքանակում պարտադիր պետք է պարունակվի առնվազն 10-15 տոկոս սպիտակուց, 28-32 տոկոս ճարպ, 55-60 տոկոս ածխաջրատ:
83. Շուրջօրյա մասնագիտացված խնամքի կենտրոններում հատկացվող սննդամթերքի օրական չափորոշիչները.
._____________________________________________________________________.
|NN |Սննդամթերքի |Չափման |Օրական |Էներգետիկ |
|ը/կ |անվանումը |միավորը |օգտագործման |արժեքը |
| | | |չափը (գրամներով)|(կկալ) |
|____|___________________|____________|________________|______________|
|1. |Հաց` ցորենի |գրամ |400 |932 |
|____|___________________|____________|________________|______________|
|2. |Հաց` 2-րդ տեսակի |գրամ |200 |466 |
|____|___________________|____________|________________|______________|
|3. |Մակարոնեղեն |գրամ |60 |116.2 |
|____|___________________|____________|________________|______________|
|4. |Ձավարեղեն |գրամ |60 |170.4 |
|____|___________________|____________|________________|______________|
|5. |Կարտոֆիլ |գրամ |400 |332 |
|____|___________________|____________|________________|______________|
|6. |Բանջարեղեն և այլ |գրամ |350 |106.7 |
| |կանաչեղեն | | | |
|____|___________________|____________|________________|______________|
|7. |Սոխ |գրամ |50 |17.5 |
|____|___________________|____________|________________|______________|
|8. |Տոմատի մածուկ |գրամ |5 |0.7 |
|____|___________________|____________|________________|______________|
|9. |Պանիր |գրամ |40 |78 |
|____|___________________|____________|________________|______________|
|10. |Շաքարավազ |գրամ |40 |150 |
|____|___________________|____________|________________|______________|
|11. |Կարագ |գրամ |20 |37.4 |
|____|___________________|____________|________________|______________|
|12. |Յուղ կամ ձեթ |գրամ |40 |347.5 |
|____|___________________|____________|________________|______________|
|13. |Սուրճ |գրամ |1 | |
|____|___________________|____________|________________|______________|
|14. |Աղ |գրամ |15 | |
|____|___________________|____________|________________|______________|
|15. |Մսամթերք |գրամ |140 |261.8 |
|____|___________________|____________|________________|______________|
|16. |Ձկնեղեն |գրամ |60 |86.4 |
|____|___________________|____________|________________|______________|
|17. |Կաթ կամ կաթի փոշի |միլիգրամ |200 |122 |
|____|___________________|____________|________________|______________|
|18. |Մածուն |գրամ |150 |90 |
|____|___________________|____________|________________|______________|
|19. |Թթվասեր |գրամ |30 |78 |
|____|___________________|____________|________________|______________|
|20. |Կաթնաշոռ |գրամ |50 |78 |
|____|___________________|____________|________________|______________|
|21. |Ձու |հատ |0.5 |78.5 |
|____|___________________|____________|________________|______________|
|22. |Թեյ |գրամ |2 | |
|____|___________________|____________|________________|______________|
|23. |Մեղր |գրամ |10 |31.5 |
|____|___________________|____________|________________|______________|
|24. |Մուրաբա, ջեմ |գրամ |20 | |
|____|___________________|____________|________________|______________|
|25. |Միրգ |գրամ |200 |92 |
|____|___________________|____________|________________|______________|
|26. |Հյութ |գրամ |100 | |
|____|___________________|____________|________________|______________|
|27. |Ալյուր |գրամ |25 |81.7 |
|____|___________________|____________|________________|______________|
|28. |Հրուշակեղեն |գրամ |50 | |
._____________________________________________________________________.
7. ՑԵՐԵԿԱՅԻՆ ԿԵՆՏՐՈՆՈՒՄ ՀԱՏԿԱՑՎՈՂ ՍՆՆԴԱՄԹԵՐՔԻ ՏԵՍԱԿՆԵՐԻՑ ՅՈՒՐԱՔԱՆՉՅՈՒՐԻ ՄԻՋԻՆ ՕՐԱԿԱՆ ՉԱՓՈՐՈՇԻՉՆԵՐԸ
84. Սույն գլխով սահմանված սննդամթերքի տեսակներից յուրաքանչյուրի տարեկան քանակը հաշվվում է Ը=Շ*Ք*Օ բանաձևով, որտեղ Ը-ն ցերեկային կենտրոնի համար անհրաժեշտ սննդամթերքի տվյալ տեսակի ընդհանուր քանակն է, Շ-ն` տվյալ կազմակերպության շահառուների պլանային թիվը, Ք-ն` հերթական համարի դիմաց նշված օրական չափաբաժինը, իսկ Օ-ն` տվյալ տարվա աշխատանքային օրերի թիվը: Միաժամանակ, ելնելով խնամքի և սոցիալական ծառայությունների տրամադրման առանձնահատկություններից, սննդի կազմակերպման ծառայությունը կարող է իրականացվել ինչպես ցերեկային կենտրոնի կողմից, այնպես էլ պատվիրակման կամ գնման միջոցով: Անկախ վերոհիշյալ հանգամանքից, շահառուին հատկացվող սննդամթերքի բազմազանությունը սահմանվում է սույն կետով, այն է`
._____________________________________________________________________.
|հ/հ |Սննդամթերքի անվանում |Օրական չափաբաժին (գրամներով)` զտաքաշ` |
| | |բացառությամբ սննդամթերքի նշված տեսակների |
|_____|_____________________|_________________________________________|
|1. |հաց |150 |
|_____|_____________________|_________________________________________|
|2. |հանքային ջուր կամ |100 |
| |հյութ (հաշվարկը` | |
| |միլիլիտրով) | |
|_____|_____________________|_________________________________________|
|3. |բանջարեղեն |60 |
|_____|_____________________|_________________________________________|
|4. |հրուշակեղեն |50 |
|_____|_____________________|_________________________________________|
|5. |երշիկ |50 |
|_____|_____________________|_________________________________________|
|6. |պանիր |40 |
|_____|_____________________|_________________________________________|
|7. |շաքարավազ |40 |
|_____|_____________________|_________________________________________|
|8. |կարագ |30 |
|_____|_____________________|_________________________________________|
|9. |ջեմ կամ մուրաբա |25 |
|_____|_____________________|_________________________________________|
|10. |սուրճ կամ թեյ |5 |
._____________________________________________________________________.
8. ԲՆԱԿՉՈՒԹՅԱՆ ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ ԸՆԴՀԱՆՈՒՐ ՏԻՊԻ ԵՎ ՄԱՍՆԱԳԻՏԱՑՎԱԾ ՀԱՍՏԱՏՈՒԹՅՈՒՆՆԵՐՈՒՄ ՀԱՏԿԱՑՎՈՂ ՀԱԳՈՒՍՏԻ, ԿՈՇԿԵՂԵՆԻ ԵՎ ԱՆԿՈՂՆԱՅԻՆ ՊԱՐԱԳԱՆԵՐԻ ՉԱՓՈՐՈՇԻՉՆԵՐԸ
85. Սույն գլխով սահմանված հագուստի, կոշկեղենի և անկողնային պարագաների չափորոշիչները կիրառելի են բնակչության սոցիալական պաշտպանության ընդհանուր տիպի և մասնագիտացված հաստատություններում խնամվող անձանց համար` տարանջատված ըստ խնամվող անձանց սեռի.
._____________________________________________________________________.
|N |Գույքի անվանումը |Չափման |Քանակը` մեկ |Օգտագործման |
| | |միավորը |խնամվողի |ժամկետը` |
| | | |հաշվարկով |տարիներով |
|_____|_____________________|____________|_____________|______________|
| 1 | 2 | 3 | 4 | 5 |
|_____|_____________________|____________|_____________|______________|
| |Կանանց հագուստ և | | | |
| |ներքին սպիտակեղեն | | | |
|_____|_____________________|____________|_____________|______________|
|1. |Ձմեռային վերարկու կամ|հատ |1 |6 |
| |մուշտակ | | | |
|_____|_____________________|____________|_____________|______________|
|2. |Աշնանային վերարկու, |հատ |1 |5 |
| |անձրևանոց, բաճկոն | | | |
|_____|_____________________|____________|_____________|______________|
|3. |Շրջազգեստ, խալաթ, |հատ |1 |2 |
| |կիսաշրջազգեստ | | | |
| |և սվիտեր (բամբակյա) | | | |
|_____|_____________________|____________|_____________|______________|
|4. |Շրջազգեստ (բրդյա) |հատ |1 |3 |
|_____|_____________________|____________|_____________|______________|
|5. |Տաք սվիտեր կամ ժակետ |հատ |1 |2 |
|_____|_____________________|____________|_____________|______________|
|6. |Ներքին սպիտակեղեն |զույգ |2 |1 |
|_____|_____________________|____________|_____________|______________|
|7. |Գլխաշոր կամ գլխարկ |հատ |1 |2 |
| |(բրդյա) | | | |
|_____|_____________________|____________|_____________|______________|
|8. |Գլխաշոր (բամբակյա) |հատ |1 |1 |
|_____|_____________________|____________|_____________|______________|
|9. |Ձեռնոց (բրդյա) |զույգ |1 |1 |
|_____|_____________________|____________|_____________|______________|
|10. |Կիսագուլպա |զույգ |4 |1 |
|_____|_____________________|____________|_____________|______________|
|11. |Գուլպա |զույգ |4 |1 |
|_____|_____________________|____________|_____________|______________|
|12. |Թաշկինակ |հատ |4 |1 |
|_____|_____________________|____________|_____________|______________|
|13. |Գոտի (բամբակյա) |հատ |1 |2 |
|_____|_____________________|____________|_____________|______________|
| |Տղամարդու հագուստ և | | | |
| |ներքին սպիտակեղեն | | | |
|_____|_____________________|____________|_____________|______________|
|14. |Ձմեռային վերարկու կամ|հատ |1 |6 |
| |մուշտակ | | | |
|_____|_____________________|____________|_____________|______________|
|15. |Աշնանային վերարկու, |հատ |1 |5 |
| |անձրևանոց, բաճկոն | | | |
|_____|_____________________|____________|_____________|______________|
|16. |Կոստյում` բրդյա |հատ |1 |3 |
|_____|_____________________|____________|_____________|______________|
|17. |Կոստյում` բամբակյա |հատ |1 |2 |
|_____|_____________________|____________|_____________|______________|
|18. |Անդրավարտիք |հատ |2 |1 |
| |(բամբակյա) | | | |
|_____|_____________________|____________|_____________|______________|
|19. |Բամբակյա վերնաշապիկ |հատ |2 |1 |
|_____|_____________________|____________|_____________|______________|
|20. |Տաք սվիտեր (բրդյա) |հատ |1 |2 |
|_____|_____________________|____________|_____________|______________|
|21. |Ներքին սպիտակեղեն |զույգ |4 |1 |
|_____|_____________________|____________|_____________|______________|
|22. |Ձմեռային գլխարկ |հատ |1 |3 |
|_____|_____________________|____________|_____________|______________|
|23. |Ձեռնոց (բրդյա) |զույգ |1 |1 |
|_____|_____________________|____________|_____________|______________|
|24. |Կիսագուլպա (բրդյա) |զույգ |4 |1 |
|_____|_____________________|____________|_____________|______________|
|25. |Կիսագուլպա (բամբակյա)|զույգ |4 |1 |
|_____|_____________________|____________|_____________|______________|
|26. |Փողկապ |հատ |1 |4 |
|_____|_____________________|____________|_____________|______________|
|27. |Թաշկինակ |հատ |4 |1 |
|_____|_____________________|____________|_____________|______________|
|28. |Գոտի |հատ |1 |4 |
|_____|_____________________|____________|_____________|______________|
| |Կանացի և տղամարդու | | | |
| |կոշկեղեն | | | |
|_____|_____________________|____________|_____________|______________|
|29. |Ձմեռային կոշիկ |զույգ |1 |2 |
|_____|_____________________|____________|_____________|______________|
|30. |Ամառային կոշիկ |զույգ |1 |1 |
|_____|_____________________|____________|_____________|______________|
|31. |Հողաթափ |զույգ |2 |1 |
|_____|_____________________|____________|_____________|______________|
| |Անկողնային պարագա | | | |
|_____|_____________________|____________|_____________|______________|
|32. |Սավան |հատ |2 |1 |
|_____|_____________________|____________|_____________|______________|
|33. |Ծրար |հատ |2 |1 |
|_____|_____________________|____________|_____________|______________|
|34. |Բարձի երես |հատ |2 |1 |
|_____|_____________________|____________|_____________|______________|
|35. |Վերմակ (բրդյա) |հատ |1 |6 |
|_____|_____________________|____________|_____________|______________|
|36. |Վերմակ (կիսաբրդյա) |հատ |1 |5 |
|_____|_____________________|____________|_____________|______________|
|37. |Անկողնու ծածկոց |հատ |1 |8 |
|_____|_____________________|____________|_____________|______________|
|38. |Ներքնակ |հատ |1 |5 |
|_____|_____________________|____________|_____________|______________|
|39. |Բարձ |հատ |1 |5 |
|_____|_____________________|____________|_____________|______________|
|40. |Բժշկական պոլիէթիլենա-|մետր |0,5 |1 |
| |յին թաղանթ | | | |
._____________________________________________________________________.
9. ԲՆԱԿՉՈՒԹՅԱՆ ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ ԸՆԴՀԱՆՈՒՐ ՏԻՊԻ ԵՎ ՄԱՍՆԱԳԻՏԱՑՎԱԾ ՀԱՍՏԱՏՈՒԹՅՈՒՆՆԵՐՈՒՄ ՍԱՆԻՏԱՐԱՀԻԳԻԵՆԻԿ ՊԱՐԱԳԱՆԵՐԻ ԵՎ ՄԱՔՐԻՉ ՆՅՈՒԹԵՐԻ ՉԱՓՈՐՈՇԻՉՆԵՐԸ
86. Սույն գլխով սահմանված սանիտարահիգիենիկ պարագաների և մաքրիչ նյութերի չափորոշիչները կիրառելի են բնակչության սոցիալական պաշտպանության ընդհանուր տիպի և մասնագիտացված հաստատություններում խնամվող անձանց համար.
._____________________________________________________________________.
| | Տարեկան պահանջվող քանակը 1 խնամվողի հաշվով | |
|____|_________________________________________________________|______|
|N |Մաքրիչ, հիգիենիկ նյութերի անվանումները |Չափի միավորը |Քանակը|
|____|_________________________________________|_______________|______|
|1 |Ատամի խոզանակ |հատ |2 |
|____|_________________________________________|_______________|______|
|2 |Ատամի մածուկ |հատ |6 |
|____|_________________________________________|_______________|______|
|3 |Զուգարանի թուղթ |հատ |24 |
|____|_________________________________________|_______________|______|
|4 |Լվացվելու/լոգանքի/ օճառ |հատ |18 |
|____|_________________________________________|_______________|______|
|5 |Տնտեսական օճառ |հատ |6 |
|____|_________________________________________|_______________|______|
|6 |Քիսա լոգանքի |հատ |1 |
|____|_________________________________________|_______________|______|
|7 |Սպունգ լոգանքի |հատ |2 |
|____|_________________________________________|_______________|______|
|8 |Սպունգ աման լվանալու |հատ |12 |
|____|_________________________________________|_______________|______|
|9 |Սպունգի սպիրալ |հատ |12 |
|____|_________________________________________|_______________|______|
|10 |Լվացքի ձեռնոց |ցույց. |5 |
|____|_________________________________________|_______________|______|
|11 |Աման լվացող հեղուկ |լիտր |2.5 |
|____|_________________________________________|_______________|______|
|12 |Մաքրող փոշի /ռախշա/ |կգ |0,5 |
|____|_________________________________________|_______________|______|
|13 |ժավել |լիտր |5 |
|____|_________________________________________|_______________|______|
|14 |Քլորամին |կգ |1.5 |
|____|_________________________________________|_______________|______|
|15 |Լվացքի փոշի ավտոմատ լվացքի մեքենաների |Կգ |6 |
| |համար | | |
|____|_________________________________________|_______________|______|
|16 |Լվացքի փոշի ձեռքով լվացվող մեքենաների |Կգ |4 |
| |համար | | |
|____|_________________________________________|_______________|______|
|17 |Անձեռոցիկ |տուփ |12 |
|____|_________________________________________|_______________|______|
|18 |Սանր |հատ |1 |
|____|_________________________________________|_______________|______|
|19 |Հատակի խոզանակ |հատ |0.1 |
|____|_________________________________________|_______________|______|
|20 |Հատակի փայտ |հատ |0.1 |
|____|_________________________________________|_______________|______|
|21 |Ավել սենյակի |հատ |2 |
|____|_________________________________________|_______________|______|
|22 |Ավել բակի |հատ |0,5 |
|____|_________________________________________|_______________|______|
|23 |Հոտազերծիչ /օդը թարմացնող, միջատասպան/ |հատ |1 |
|____|_________________________________________|_______________|______|
|24 |Միջատասպան |հատ |0.1 |
|____|_________________________________________|_______________|______|
| |1 տղամարդու հաշվով տարեկան | | |
|____|_________________________________________|_______________|______|
|25 |Սափրվելու մեկանգամյա ածելի |հատ |48 |
|____|_________________________________________|_______________|______|
|26 |Սափրվելու մածուկ |հատ |6 |
|____|_________________________________________|_______________|______|
|27 |Սափրվելու խոզանակ |հատ |2 |
|____|_________________________________________|_______________|______|
| |Անկողնային հիվանդների առկայության դեպքում| | |
|____|_________________________________________|_______________|______|
|28 |Տակդիր /փամփերս/ |հատ |730 |
._____________________________________________________________________.
-------------------------------------------------------
ԻՐՏԵԿ - շարունակությունը հաջորդ մասերում