ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀ
ՀՐԱՄԱՆ
2 հոկտեմբերի 2026 թվականի N 1032-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀԻ 2026 ԹՎԱԿԱՆԻ ՀՈՒՆՎԱՐԻ 26-Ի N 87-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածների 1-ին մասերը, ղեկավարվելով Հայաստանի Հանրապետության Վարչապետի 2018 թվականի հունիսի 11-ի N 702-Լ որոշմամբ հաստատված` Հայաստանի Հանրապետության պետական եկամուտների կոմիտեի կանոնադրության 17-րդ կետի 16-րդ ենթակետով`
Հրամայում եմ`
1. Հայաստանի Հանրապետության պետական եկամուտների կոմիտեի նախագահի 2026 թվականի հունվարի 26-ի «Անձի մաքսային զննում անցկացնելու մասին մաքսային մարմնի կողմից կայացվող որոշման ձևը սահմանելու և Հայաստանի Հանրապետության մաքսային վարչության պետի 1997 թվականի մարտի 3-ի N 21 հրամանն ուժը կորցրած ճանաչելու մասին» N 87-Ն հրամանի հավելվածը շարադրել նոր խմբագրությամբ` համաձայն սույն հրամանի հավելվածի:
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
10/2/2026 Է. Հակոբյան
Հավելված
ՀՀ պետական եկամուտների
կոմիտեի նախագահի
2026 թ. հոկտեմբերի 2-ի
N 1032-Ն հրամանի
«Հավելված
ՀՀ պետական եկամուտների
կոմիտեի նախագահի
2026 թ. հունվարի 26-ի
N 87-Ն հրամանի
Ձև
._____________________________________________________________________.
| ՈՐՈՇՈՒՄ N (_____________________) / (________) / (_____________) |
| մաքսային մարմնի ծածկագիրը ամսաթիվը հերթական համարը |
| |
| ԱՆՁԻ ՄԱՔՍԱՅԻՆ ԶՆՆՈՒՄ ԱՆՑԿԱՑՆԵԼՈՒ ՄԱՍԻՆ |
|_____________________________________________________________________|
|1. Մաքսային մարմնի անվանումը | |
|_______________________________________________________________|_____|
|2. Եվրասիական տնտեսական միության մաքսային սահմանը հատող | |
|ֆիզիկական անձի` | |
|_______________________________________________________________|_____|
|1) անձը հաստատող փաստաթղթի տվյալները | |
|_______________________________________________________________|_____|
|2) ազգանունը, անունը, հայրանունը (առկայության դեպքում) | |
|_______________________________________________________________|_____|
|3) հաշվառման կամ բնակության հասցեն (առկայության դեպքում) | |
|_______________________________________________________________|_____|
|3. Անձին մաքսային զննման ենթարկելու հիմնավորումները | |
|_______________________________________________________________|_____|
|4. Որոշեցի` | |
|_______________________________________________________________|_____|
|5. Մաքսային մարմնի պաշտոնատար անձի` | |
|_______________________________________________________________|_____|
|1) անունը, ազգանունը | |
|_______________________________________________________________|_____|
|2) պաշտոնը | |
|_______________________________________________________________|_____|
|3) ստորագրությունը | |
._____________________________________________________________________.
Ծանոթագրություն
1. Ֆիզիկական անձը, որի նկատմամբ անձի մաքսային զննում է անցկացվում, իրավունք ունի`
1) ծանոթանալու անձի մաքսային զննում անցկացնելու մասին որոշմանը և դրա անցկացման կարգին` նախքան անձի մաքսային զննման անցկացման սկսելը.
2) ծանոթանալու իր իրավունքներին և պարտականություններին.
3) բացատրություններ տալու և միջնորդություններ ներկայացնելու.
4) կամավոր հանձնելու իր մոտ թաքցրած` մաքսային կարգավորման ոլորտի միջազգային պայմանագրերի և ակտերի, անդամ պետությունների օրենսդրության խախտմամբ Եվրասիական տնտեսական միության մաքսային սահմանով տեղափոխվող ապրանքները.
5) հայտարարություն անելու, որը պետք է մաքսային մարմնի` անձի մաքսային զննում անցկացնող պաշտոնատար անձի կողմից պարտադիր կերպով ներառվի անձի մաքսային զննման ակտում.
6) օգտագործելու մայրենի լեզուն և օգտվելու թարգմանչի ծառայություններից.
7) ծանոթանալու անձի մաքսային զննման ակտին` վերջինիս կազմումն ավարտվելուց հետո, և դրա մեջ գրավոր ձևով հայտարարություններ անելու.
8) բողոքարկելու մաքսային մարմնի` անձի մաքսային զննում անցկացնող պաշտոնատար անձանց գործողությունները` Եվրասիական տնտեսական միության մաքսային օրենսգրքին համապատասխան:
2. Որոշումն ուժի մեջ է մտնում ընդունման պահից և կարող է բողոքարկվել «Մաքսային ծառայության մասին» օրենքի 37-րդ հոդվածով սահմանված կարգով:
._____________________________________________________________________.
|Զննման ենթարկվող անձի ստորագրությունը և որոշմանն ու իր | |
|իրավունքներին ծանոթանալու վերաբերյալ ձեռագիր նշումը | |
|_______________________________________________________________|_____|
|Զննման ենթարկվող անձի կողմից մաքսային կարգավորման ոլորտի | |
|միջազգային պայմանագրերի և ակտերի, անդամ պետությունների | |
|օրենսդրության խախտմամբ Եվրասիական տնտեսական միության մաքսային | |
|սահմանով տեղափոխվող ապրանքները կամավոր հանձնելու մասին մաքսային| |
|մարմնի կողմից ներկայացված առաջարկի վերաբերյալ նշումները | |
|_______________________________________________________________|_____|
|Եվրասիական տնտեսական միության մաքսային օրենսգրքի 329-րդ հոդվածի| |
|6-րդ կետին համապատասխան ընթերակաների ներգրավման դեպքում` | |
|ընթերակաների կողմից կատարվող նշումները | |
._____________________________________________________________________.
«:
Պաշտոնական հրապարակման օրը` 8 հոկտեմբերի 2026 թվական: