ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 հոկտեմբերի 2026 թվականի N 1490-Ն
ԺԱՄԱՆԱԿԱՎՈՐ ՊԱՀՊԱՆՈՒԹՅԱՆ ՀԱՆՁՆՎԱԾ ԵՎ «ՄԱՔՍԱՅԻՆ ՊԱՀԵՍՏ» ՄԱՔՍԱՅԻՆ ԸՆԹԱՑԱԿԱՐԳՈՎ ՁԵՎԱԿԵՐՊՎԱԾ ԷԼԵԿՏՐՈՆԱՅԻՆ ԱՌԵՎՏՐԻ ԱՊՐԱՆՔՆԵՐԻ ԱՌԱՆՁՆԱՑՎԱԾ ՀԱՇՎԱՌՄԱՆ ՎԵՐԱԲԵՐՅԱԼ ՀԱՇՎԵՏՎՈՒԹՅԱՆ ՁԵՎԸ, ՀԱՇՎԵՏՎՈՒԹՅԱՆ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻՆ ՆԵՐԿԱՅԱՑՄԱՆ ԿԱՐԳԸ, ԺԱՄԿԵՏԸ ԵՎ ՊԱՐԲԵՐԱԿԱՆՈՒԹՅՈՒՆԸ ՍԱՀՄԱՆԵԼՈՒ ՄԱՍԻՆ
«Մաքսային կարգավորման մասին» օրենքի 287.5-րդ հոդվածի 4-րդ մասին համապատասխան` Հայաստանի Հանրապետության կառավարությունը որոշում է.
1. Սահմանել`
1) ժամանակավոր պահպանության հանձնված և «Մաքսային պահեստ» մաքսային ընթացակարգով ձևակերպված էլեկտրոնային առևտրի ապրանքների առանձնացված հաշվառման վերաբերյալ հաշվետվության ձևը` համաձայն N 1 հավելվածի.
2) ժամանակավոր պահպանության հանձնված և «Մաքսային պահեստ» մաքսային ընթացակարգով ձևակերպված էլեկտրոնային առևտրի ապրանքների առանձնացված հաշվառման վերաբերյալ հաշվետվության` Հայաստանի Հանրապետության պետական եկամուտների կոմիտեին ներկայացման կարգը, ժամկետը և պարբերականությունը` համաձայն N 2 հավելվածի:
2. Սույն որոշումն ուժի մեջ է մտնում «Մաքսային կարգավորման մասին» օրենքում լրացումներ և փոփոխություններ կատարելու մասին» 2026 թվականի մարտի 4-ի ՀՕ-84-Ն օրենքն ուժի մեջ մտնելու օրվան հաջորդող 90-րդ օրը:
Հայաստանի Հանրապետության
վարչապետ Ն. Փաշինյան
2026 թ. հոկտեմբերի 15
Երևան
Հավելված N 1
ՀՀ կառավարության
2026 թվականի հոկտեմբերի 15-ի
N 1490-Ն որոշման
Ձև
ՀԱՇՎԵՏՎՈՒԹՅՈՒՆ N __________ ԺԱՄԱՆԱԿԱՎՈՐ ՊԱՀՊԱՆՈՒԹՅԱՆ ՀԱՆՁՆՎԱԾ ԵՎ «ՄԱՔՍԱՅԻՆ ՊԱՀԵՍՏ» ՄԱՔՍԱՅԻՆ ԸՆԹԱՑԱԿԱՐԳՈՎ ՁԵՎԱԿԵՐՊՎԱԾ ԷԼԵԿՏՐՈՆԱՅԻՆ ԱՌԵՎՏՐԻ ԱՊՐԱՆՔՆԵՐԻ ԱՌԱՆՁՆԱՑՎԱԾ ՀԱՇՎԱՌՄԱՆ ՎԵՐԱԲԵՐՅԱԼ
._______________________________________________________________________
|I. Ժամանակավոր պահպանության հանձնված էլեկտրոնային առևտրի ապրանքներ |
|______________________________________________________________________|
|N |ԱՏԳ ԱԱ |1. Հաշվետու ժամանակաշրջանի |2. Հաշվետու ժամանակաշրջանի |
| |ծածկագիրը|սկզբի դրությամբ էլեկտրոնային|ընթացքում էլեկտրոնային |
| | |առևտրի օպերատորի տարածքում |առևտրի օպերատորի տարածք |
| | |առկա ապրանքների` |մուտք եղած ապրանքների` |
| | | | |
| | |____________________________|____________________________|
| | |Անվանումը|Քանակը (չ/մ ըստ |Անվանումը|Քանակը (չ/մ ըստ |
| | | |ԱՏԳ ԱԱ) | |ԱՏԳ ԱԱ) |
| | |_________|__________________| |__________________|
| | | |հիմնական|լրացուցիչ| |հիմնական|լրացուցիչ|
|__|_________|_________|________|_________|_________|________|_________|
|1)| | | | | | | |
|__|_________|_________|________|_________|_________|________|_________|
|2)| | | | | | | |
|______________________________________________________________________|
|II. «Մաքսային պահեստ» մաքսային ընթացակարգով ձևակերպված ապրանքներ |
|______________________________________________________________________|
|N |ԱՏԳ ԱԱ |5. Հաշվետու ժամանակաշրջանի |6. Հաշվետու ժամանակաշրջանի |
| |ծածկագիրը|սկզբի դրությամբ ապրանքների` |ընթացքում էլեկտրոնային |
| | | |առևտրի օպերատորի տարածք |
| | | |մուտք եղած ապրանքների` |
| | | | |
| | | | |
| | | | |
| | | | |
| | | | |
| | | | |
| | |____________________________|____________________________|
| | |Հայտա- |Անվա-|Քանակը (չ/մ |Հայտա- |Անվա-|Քանակը (չ/մ |
| | |րարագրի|նումը|ըստ ԱՏԳ ԱԱ) |րարագրի|նումը|ըստ ԱՏԳ ԱԱ) |
| | |համար | |______________|համար | |______________|
| | | | |հիմնա-|լրա- | | |հիմնա-|լրա- |
| | | | |կան |ցուցիչ | | |կան |ցուցիչ |
|__|_________|_______|_____|______|_______|_______|_____|______|_______|
|1)| | | | | | | | | |
|__|_________|_______|_____|______|_______|_______|_____|______|_______|
|2)| | | | | | | | | |
._______________________________________________________________________
_______________________________________________________________________.
| |
|______________________________________________________________________|
|3. Հաշվետու ժամանակաշրջանի |4. Հաշվետու ժամանակաշրջանի |
|ընթացքում էլեկտրոնային |վերջի դրությամբ էլեկտրոնային |
|առևտրի օպերատորի տարածքից |առևտրի օպերատորի տարածքում |
|դուրս բերված` 1-ին և 2-րդ |ժամանակավոր պահպանության |
|բաժիններում նշված ապրանքների` |հանձնված ապրանքների մնացորդ |
|____________________________________|_________________________________|
|Անվա- |Քանակը (չ/մ ըստ |Դուրս- |Անվանումը |Քանակը (չ/մ ըստ |
|նումը |ԱՏԳ ԱԱ) |բերման | |ԱՏԳ ԱԱ) |
| |__________________|հիմքը | |______________________|
| |հիմնական|լրացուցիչ| | |հիմնական|լրացուցիչ |
|________|________|_________|________|__________|________|_____________|
| | | | | | | |
|________|________|_________|________|__________|________|_____________|
| | | | | | | |
|______________________________________________________________________|
| |
|______________________________________________________________________|
|7. Հաշվետու ժամանակաշրջանի |8. Հաշվետու |9. Հաշվետու ժամանակա- |
|ընթացքում էլեկտրոնային |ժամանակաշրջանի |շրջանի վերջի դրությամբ|
|առևտրի օպերատորի տարածքից |ընթացքում էլեկտ- |էլեկտրոնային առևտրի |
|դուրս բերված (ֆիզիկական |րոնային առևտրի |օպերատորի տարածքում |
|անձանց մատակարարված)` 5-րդ |օպերատորի տարածք |«Մաքսային պահեստ» |
|և 6-րդ բաժիններում նշված |հետ վերադարձված` |մաքսային ընթացակարգով |
|ապրանքների` |5-րդ և 6-րդ բա- |ձևակերպված` 5-րդ, |
| |ժիններում նշված |6-րդ, 8-րդ բաժիններում|
| |ապրանքների` |նշված ապրանքների |
| | |մնացորդային |
|___________________________|___________________|______________________|
|Անվա-|Քանակը (չ/մ |Դուրս- |Անվա-|Քանակը (չ/մ |Անվա-|Քանակը (չ/մ |
|նումը|ըստ ԱՏԳ ԱԱ) |բերման |նումը|ըստ ԱՏԳ ԱԱ) |նումը|ըստ ԱՏԳ ԱԱ) |
| |_____________|ծանուց-| |_____________| |________________|
| |հիմնա-|լրա- |ման | |հիմնա-|լրա- | |հիմնա- |լրա- |
| |կան |ցուցիչ|համարը | |կան |ցուցիչ| |կան |ցուցիչ |
|_____|______|______|_______|_____|______|______|_____|_______|________|
| | | | | | | | | | |
|_____|______|______|_______|_____|______|______|_____|_______|________|
| | | | | | | | | | |
_______________________________________________________________________.
Հավելված N 2
ՀՀ կառավարության
2026 թվականի հոկտեմբերի 15-ի
N 1490-Ն որոշման
ԺԱՄԱՆԱԿԱՎՈՐ ՊԱՀՊԱՆՈՒԹՅԱՆ ՀԱՆՁՆՎԱԾ ԵՎ «ՄԱՔՍԱՅԻՆ ՊԱՀԵՍՏ» ՄԱՔՍԱՅԻՆ ԸՆԹԱՑԱԿԱՐԳՈՎ ՁԵՎԱԿԵՐՊՎԱԾ ԷԼԵԿՏՐՈՆԱՅԻՆ ԱՌԵՎՏՐԻ ԱՊՐԱՆՔՆԵՐԻ ԱՌԱՆՁՆԱՑՎԱԾ ՀԱՇՎԱՌՄԱՆ ՎԵՐԱԲԵՐՅԱԼ ՀԱՇՎԵՏՎՈՒԹՅԱՆ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻՆ ՆԵՐԿԱՅԱՑՄԱՆ ԿԱՐԳԸ, ԺԱՄԿԵՏԸ ԵՎ ՊԱՐԲԵՐԱԿԱՆՈՒԹՅՈՒՆԸ
1. Սույն կարգով կարգավորվում են էլեկտրոնային առևտրի օպերատորների (այսուհետ` օպերատորներ) կողմից Հայաստանի Հանրապետության պետական եկամուտների կոմիտե (այսուհետ` կոմիտե)` «Եվրասիական տնտեսական միության մաքսային օրենսգրքի մասին» 2017 թվականի ապրիլի 11-ի պայմանագրի հավելվածով հաստատված` Եվրասիական տնտեսական միության մաքսային օրենսգրքի 429.5-րդ հոդվածի 1-ին կետի 7-րդ և 8-րդ ենթակետերին համապատասխան` ժամանակավոր պահպանության հանձնված և «Մաքսային պահեստ» մաքսային ընթացակարգով ձևակերպված էլեկտրոնային առևտրի ապրանքների առանձնացված հաշվառման վերաբերյալ հաշվետվությունների (այսուհետ` հաշվետվություն) ներկայացման հետ կապված հարաբերությունները:
2. Հաշվետվությունները օպերատորների կողմից կոմիտե են ներկայացվում կոմիտեի կողմից կիրառվող` մաքսային հայտարարագրման էլեկտրոնային համակարգի միջոցով, իսկ մինչև նշված էլեկտրոնային համակարգի գործարկումը` էլեկտրոնային փոստով կամ անհաղթահարելի ուժի ազդեցությամբ պայմանավորված էլեկտրոնային եղանակով ներկայացման անհնարինության դեպքում` թղթային եղանակով:
3. Անհաղթահարելի ուժի ազդեցության հանգամանքների վերացումից հետո երկու աշխատանքային օրվա ընթացքում օպերատորները թղթային եղանակով ներկայացված հաշվետվությունների էլեկտրոնային օրինակները ներկայացնում են կոմիտե:
4. Հաշվետվությունները օպերատորների կողմից ներկայացվում են կիսամյակային կտրվածքով` մինչև յուրաքանչյուր կիսամյակի ավարտին հաջորդող ամսվա 20-ը ներառյալ:
5. Հաշվետվությունները գրանցվում են կոմիտեի կողմից` ստանալով գրանցման համար, որը բաղկացած է հաշվետվության ներկայացման ամսաթվից, հերթական համարից (տարեկան կտրվածքով), էլեկտրոնային առևտրի օպերատորի` համապատասխան ռեեստրում հաշվառման վկայականի համարից:
6. Կոմիտեի կողմից հաշվետվության մեջ սխալների հայտնաբերման դեպքում սույն կարգի 2-րդ կետով սահմանված եղանակով` օպերատորին է ուղարկվում ծանուցում` 5 աշխատանքային օրվա ընթացքում ճշգրտված հաշվետվության ներկայացման վերաբերյալ:
7. Սույն կարգի 6-րդ կետով սահմանված ծանուցումը ստանալուց հետո, նույն կետով սահմանված ժամկետում, օպերատորի կողմից կոմիտե է ներկայացվում ճշգրտված հաշվետվությունը:
8. Հաշվետվությունների մեջ սխալների ինքնուրույն հայտնաբերման դեպքում օպերատորները կարող են ներկայացնել ճշգրտված հաշվետվություն, եթե սույն կարգի 6-րդ կետին համապատասխան կոմիտեի կողմից տվյալ տեղեկության ճշգրտման առնչությամբ ծանուցում չի ուղարկվել:
9. Ճշգրտված հաշվետվությունը ներկայացնելիս օպերատորները լրացնում են ներկայացված հաշվետվության միայն այն բաժինները, որոնք ճշգրտվում են:
10. Հաշվետվությունները սահմանված ժամկետներում չներկայացնելը կամ թերի ներկայացնելն առաջացնում է օրենքով նախատեսված պատասխանատվություն:
11. Անկախ սույն կարգի 4-րդ կետով սահմանված պարբերականությունից, հաշվետվությունները օպերատորների կողմից ենթակա են կոմիտե ներկայացման` կոմիտեի կողմից համապատասխան հարցման առկայության դեպքում, եթե մաքսային մարմնի կողմից առկա է մաքսային հսկողության իրականացման անհրաժեշտություն:
12. Սույն կարգի 11-րդ կետով նախատեսված հարցումը օպերատորներին է ուղղվում մաքսային հայտարարագրման էլեկտրոնային համակարգի միջոցով, իսկ մինչև նշված էլեկտրոնային համակարգի գործարկումը` էլեկտրոնային փոստով կամ անհաղթահարելի ուժի ազդեցությամբ պայմանավորված էլեկտրոնային եղանակով ներկայացման անհնարինության դեպքում` թղթային եղանակով:
13. Սույն կարգի 11-րդ կետով նախատեսված հարցման մեջ նշվում են մաքսային հսկողության իրականացման իրավական հիմքը, մաքսային հսկողության իրականացման անհրաժեշտության հիմնավորումը և այն ժամանակահատվածը, որի համար հաշվետվությունը ենթակա է ներկայացման:
14. Օպերատորները կոմիտեի հարցման հիման վրա սույն կարգի 11-րդ կետով սահմանված հաշվետվությունները ներկայացնում են մինչև հարցումը ստանալու օրն ընդգրկող ամսվան հաջորդող ամսվա 20-ը ներառյալ:
Պաշտոնական հրապարակման օրը` 15 հոկտեմբերի 2026 թվական: