040.0618.090701
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«9» հուլիսի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
9 հուլիսի 2001 թվականի N 618
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅԱՆԸ ԵՎ ԵՐԵՎԱՆԻ ՔԱՂԱՔԱՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության քաղաքաշինության նախարարության կողմից ներկայացված նախագծանախահաշվային փաստաթղթերի և կատարողական ակտերի հիման վրա 2001 թվականի 3-րդ եռամսյակում Հայաստանի Հանրապետության քաղաքաշինության նախարարությանը հատկացնել 17,0 մլն դրամ, այդ թվում` Արագածոտնի մարզի Կաթնաղբյուրի գյուղական համայնքի վարչական տարածքում հատկացված հողամասում Մուշեղ Գալշոյանի հիշատակին նվիրված այգու հիմնադրման, կառուցապատման նախագծային ու շինարարական աշխատանքների իրականացման համար` 10,0 մլն դրամ և Աշնակ գյուղում Գևորգ Չաուշի տուն-թանգարանի շենքի տանիքի վերակառուցման նախագծային ու շինարարական աշխատանքների իրականացման համար` 7,0 մլն դրամ` Հայաստանի Հանրապետության 2001 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
2. Երևանի քաղաքապետարանի կողմից ներկայացված ծախսերի նախահաշվի հիման վրա 2001 թվականի 3-րդ եռամսյակում Երևանի քաղաքապետարանին` Հրաչյա Ղափլանյանի անվան դրամատիկական թատրոնին տրամադրելու համար հատկացնել 6,0 մլն դրամ` Հայաստանի Հանրապետության 2001 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
3. Սույն որոշումն ուժի մեջ է մտնում 2001 թվականի հուլիսի 9-ից: