041.0505.070701
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
7 հուլիսի 2001 թվականի N 505
ՎԱՆԱՁՈՐԻ ՀՈՎՀԱՆՆԵՍ ԱԲԵԼՅԱՆԻ ԱՆՎԱՆ ՊԵՏԱԿԱՆ ԴՐԱՄԱՏԻԿԱԿԱՆ ԹԱՏՐՈՆԻ 70-ԱՄՅԱ ՀՈԲԵԼՅԱՆԸ ՆՇԵԼՈՒ ՄԱՍԻՆ
Վանաձորի Հովհաննես Աբելյանի անվան պետական դրամատիկական թատրոնի ստեղծման 70-ամյա հոբելյանը նշելու նպատակով`
1. Ստեղծել հոբելյանական հանձնաժողով և հաստատել դրա կազմը (կցվում է):
2. Հոբելյանական հանձնաժողովին` 10-օրյա ժամկետում մշակել միջոցառումների ծրագիրը և կազմել ծախսերի նախահաշիվը:
3. Հայաստանի Հանրապետության ֆինանսների և էկոնոմիկայի նախարարությանը` միջոցառումների ծրագրի և ծախսերի նախահաշվի հիման վրա 10-օրյա ժամկետում Հայաստանի Հանրապետության կառավարություն ներկայացնել առաջարկություն միջոցառումների ֆինանսավորման վերաբերյալ:
Հաստատված է
ՀՀ վարչապետի 2001 թ.
հուլիսի 7-ի N 505 որոշմամբ
ԿԱԶՄ
ՀՈԲԵԼՅԱՆԱԿԱՆ ՀԱՆՁՆԱԺՈՂՈՎԻ
Ռ. Շառոյան - ՀՀ մշակույթի, երիտասարդության հարցերի և սպորտի
նախարար (հանձնաժողովի նախագահ)
Հ. Քոչինյան - ՀՀ Լոռու մարզպետ
Պ. Սաֆարյան - ՀՀ ֆինանսների և էկոնոմիկայի նախարարի առաջին
տեղակալ
Կ. Արիստակեսյան - ՀՀ մշակույթի, երիտասարդության հարցերի և սպորտի
նախարարի տեղակալ
Ս. Սարգսյան - Կինոյի և թատրոնի պետական ինստիտուտի ռեկտոր
Ե. Ղազանչյան - Հայաստանի թատերական գործիչների միության նախագահ
Ս. Խալաթյան - Վանաձորի Հովհ. Աբելյանի անվան պետական դրամատիկական
թատրոնի տնօրեն
Վ. Շահվերդյան - Գ. Սունդուկյանի անվան պետական ակադեմիական թատրոնի
գեղարվեստական ղեկավար
Հ. Մաթևոսյան - գրող
Մ. Սանթոյան - Վանաձորի Հ. Թումանյանի անվան պետական մանկավարժական
ինստիտուտի գրականության ամբիոնի վարիչ
Ռ. Աբրահամյան - ՀՀ մշակույթի, երիտասարդության հարցերի և սպորտի
նախարարության արվեստի վարչության պետ (հանձնաժողովի
քարտուղար)