ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
21 հուլիսի 2001 թվականի N 25
3. ՀԱՆՐԱՊԵՏԱԿԱՆ ԳՆԴԱԿԱՊԱՐԿՈՒՃԱՅԻՆ ՀԱՇՎԱՌՄԱՆ ՔԱՐՏԱԴԱՐԱՆԻ ԿԱԶՄԱԿԵՐՊՄԱՆ ԵՎ ԳՈՐԾՈՒՆԵՈՒԹՅԱՆ ՆՅՈՒԹԱՏԵԽՆԻԿԱԿԱՆ ԱՊԱՀՈՎՄԱՆ ՄԱՍԻՆ
«Զենքի մասին» Հայաստանի Հանրապետության օրենքի 28-րդ հոդվածի և Հայաստանի Հանրապետության կառավարության 1999 թվականի հոկտեմբերի 26-ի «Հայաստանի Հանրապետության տարածքում քաղաքացիական ու ծառայողական զենքի և դրա փամփուշտների շրջանառությունը կարգավորելու մասին» N 673 որոշման 7-րդ կետի «ե» ենթակետի համաձայն, ինչպես նաև Հայաստանի Հանրապետության կառավարության 2000 թվականի դեկտեմբերի 6-ի N 812 որոշման կատարումն ապահովելու նպատակով`
1. Հայաստանի Հանրապետության ներքին գործերի նախարարությանը` քաղաքացիական ու ծառայողական զենքի և դրա փամփուշտների համապատասխանության հավաստման աշխատանքների իրականացման նպատակով անհրաժեշտ սարքավորումների ձեռքբերման ծախսերը կատարել Հայաստանի Հանրապետության ներքին գործերի նախարարությանը Հայաստանի Հանրապետության 2001 թվականի պետական բյուջեով հատկացված միջոցների հաշվին:
2. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության 2002 թվականի պետական բյուջեի նախագիծը կազմելիս Հայաստանի Հանրապետության ներքին գործերի նախարարության կողմից բյուջետային հայտում ներկայացված հաշվարկներին համապատասխան` որպես առանձին ծրագիր քննարկել 190,0 հազ. ԱՄՆ-ի դոլարին համարժեք դրամի հատկացման հնարավորության հարցը հանրապետական գնդակապարկուճային հաշվառման քարտադարանի ու քաղաքացիական և ծառայողական զենքի սերտիֆիկացման մարմնի ու փորձարկման լաբորատորիայի գործունեությունն ապահովող անհրաժեշտ սարքավորումների, միջոցների և ծրագրերի ձեռքբերման համար: