041.0600.130801
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
13 օգոստոսի 2001 թվականի N 600
ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
1. «Նաիրիտ - 1» փակ բաժնետիրական ընկերության գործունեության արդյունավետության ապահովման և ներկա իրավիճակից բխող խնդիրների կարգավորման նպատակով ստեղծել հանձնաժողով հետևյալ կազմով`
Կ. Ճշմարիտյան - ՀՀ արդյունաբերության և առևտրի նախարար
(հանձնաժողովի նախագահ)
Կ. Կարապետյան - «ՀայՌուսգազարդ» ՓԲԸ-ի վարչության նախագահ,
գլխավոր տնօրեն
Ա. Բրուտյան - «Նաիրիտ - 1» ՓԲԸ-ի տնօրեն
Ա. Դավթյան - ՀՀ կենտրոնական բանկի վերահսկողության
դեպարտամենտի տնօրեն (համաձայնությամբ)
Ի. Իսայան - ՀՀ էներգետիկայի նախարարության
ֆինանսատնտեսագիտական գլխավոր վարչության պետ
Ռ. Դավթյան - ՀՀ ֆինանսների և էկոնոմիկայի նախարարության
միկրոտնտեսական ծրագրերի գլխավոր վարչության
պետ
Ա. Սուքիասյան - ՀՀ արդյունաբերության և առևտրի նախարարության
քիմիայի վարչության պետ
2. Հանձնաժողովին`
ա) 10-օրյա ժամկետում մշակել և ՀՀ վարչապետին ներկայացնել «Նաիրիտ - 1» ՓԲԸ-ի ֆինանսական հոսքերի կարգավորման և թողարկվող արտադրանքի անհրաժեշտ ծավալների ապահովմանն ուղղված միջոցառումների տարբերակված ծրագրեր.
բ) ելնելով առաջարկվող ծրագրերի տարբերակներից` 20-օրյա ժամկետում ՀՀ վարչապետին ներկայացնել առաջարկություն ՀՀ կառավարության 2000 թվականի դեկտեմբերի 26-ի «Նաիրիտ» գիտաարտադրական փակ բաժնետիրական ընկերության գործունեության կարգավորման միջոցառումների մասին» N 875 որոշման մեջ համապատասխան փոփոխություններ կատարելու վերաբերյալ: