041.0613.210801
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
21 օգոստոսի 2001 թվականի N 613
Դ. ԶԱԴՈՅԱՆԻ ԵՎ Ա. ՊԵՏՐՈՍՅԱՆԻ ԼԵՀԱՍՏԱՆԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂՄԱՆ ՄԱՍԻՆ
1. Հայաստանի Հանրապետության արտադրական ենթակառուցվածքների գործունեությունը համակարգող նախարար Դավիթ Զադոյանին և Հայաստանի Հանրապետության արդյունաբերության և առևտրի նախարարի տեղակալ Արա Պետրոսյանին գործուղել Լեհաստանի Հանրապետություն` Կռինիցա քաղաքում կայանալիք 11-րդ տնտեսական ֆորումին մասնակցելու համար:
2. Դ. Զադոյանի 2001 թվականի սեպտեմբերի 5-9-ը Լեհաստանի Հանրապետություն գործուղման հետ կապված ծախսերը (ճանապարհածախս, մեկ գիշերավարձ և երկու օրապահիկ) կատարել Հայաստանի Հանրապետության կառավարության աշխատակազմի գործուղումների համար նախատեսված միջոցների, իսկ Ա. Պետրոսյանինը (2001 թվականի սեպտեմբերի 3-5-ը Մոսկվա` երկու գիշերավարձ, երկու օրապահիկ և սեպտեմբերի 5-9-ը Կռինիցա` մեկ գիշերավարձ, երկու օրապահիկ)` Հայաստանի Հանրապետության 2001 թվականի պետական բյուջեով արտասահմանյան պաշտոնեական գործուղումների համար նախատեսված միջոցների հաշվին:
Ընդունել ի գիտություն, որ Լեհաստանի Հանրապետությունում գտնվելու հետ կապված մնացած ծախսերը կկատարվեն հրավիրող կողմի հաշվին:
3. Հայաստանի Հանրապետության արտաքին գործերի նախարարությանը և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությանը` լուծել Դ. Զադոյանի և Ա. Պետրոսյանի Լեհաստանի Հանրապետություն մեկնելու հետ կապված հարցերը: