040.0880.190901
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«19» սեպտեմբերի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
19 սեպտեմբերի 2001 թվականի N 880
«ՀԱՆՐԱՊԵՏԱԿԱՆ ԼՈՂԻ ՄԱՐԶԱԴՊՐՈՑ» ՊԵՏԱԿԱՆ ՀԻՄՆԱՐԿԸ ԼՈՒԾԱՐԵԼՈՒ ԵՎ «ԼՈՂ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆ ՍՏԵՂԾԵԼՈՒ ՄԱՍԻՆ
Հայաստանի Հանրապետությունում լողի մասսայականացման և ծառայությունների ձևով բնակչության շրջանում լողի ուսուցման կազմակերպման նպատակով Հայաստանի Հանրապետության կառավարությունը որոշում է.
1. Լուծարել Հայաստանի Հանրապետության մշակույթի, երիտասարդության հարցերի և սպորտի նախարարության «Հանրապետական լողի մարզադպրոց» պետական հիմնարկը:
2. Ստեղծել «Լող» փակ բաժնետիրական ընկերություն:
3. «Լող» փակ բաժնետիրական ընկերության պետական սեփականություն հանդիսացող բաժնետոմսերի տնօրինման լիազորությունները վերապահել Հայաստանի Հանրապետության մշակույթի, երիտասարդության հարցերի և սպորտի նախարարությանը:
4. Հայաստանի Հանրապետության մշակույթի, երիտասարդության հարցերի և սպորտի նախարարությանը` ստեղծել լուծարման հանձնաժողով և ձեռնարկել անհրաժեշտ միջոցներ` սահմանված կարգով «Հանրապետական լողի մարզադպրոց» պետական հիմնարկի լուծարման գործընթացն իրականացնելու համար:
5. Սահմանել «Լող» փակ բաժնետիրական ընկերության կանոնադրական կապիտալի չափը 235,4 հազ. դրամ, որի համալրման աղբյուրը հանդիսանում է «Հանրապետական լողի մարզադպրոց» պետական հիմնարկի լուծարումից հետո մնացած գույքը:
6. Սույն որոշումն ուժի մեջ է մտնում 2001 թվականի սեպտեմբերի 19-ից: