ԱՐԹԻԿԻ ՔԱՂԱՔԱՅԻՆ ՀԱՄԱՅՆՔԻՆ ՇԵՆՔ ՀԱՆՁՆԵԼՈՒ ՄԱՍԻՆ

040.0893.240901

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«24» սեպտեմբերի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

24 սեպտեմբերի 2001 թվականի N 893

ԱՐԹԻԿԻ ՔԱՂԱՔԱՅԻՆ ՀԱՄԱՅՆՔԻՆ ՇԵՆՔ ՀԱՆՁՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների և էկոնոմիկայի նախարարության տնօրինության` Շիրակի մարզի Արթիկի Գարեգին Նժդեհի N 8 հասցեում գտնվող շենքը սեփականության իրավունքով հանձնել Արթիկի քաղաքային համայնքին` շենքի արժեքը որպես Արթիկի Ազատության հրապարակի N 1 հասցեում գտնվող քաղաքապետարանի շենքից Հայաստանի Հանրապետության ֆինանսների և էկոնոմիկայի նախարարության կողմից վարձակալված 90 քառ. մետր տարածքի 10 տարվա վարձավճար նախատեսելու պայմանով:

2. Հայաստանի Հանրապետության ֆինանսների և էկոնոմիկայի նախարարությանը` մեկամսյա ժամկետում Արթիկի քաղաքային համայնքի հետ կնքել սույն որոշման 1-ին կետից բխող համապատասխան պայմանագրեր և ապահովել գույքային իրավունքների պետական գրանցումը:

3. Սույն որոշումն ուժի մեջ է մտնում 2001 թվականի սեպտեմբերի 24-ից: