«ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԲՅՈՒՋԵՏԱՅԻՆ ՎԱՐԿ ...

040.0936.041001

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«4» հոկտեմբերի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

4 հոկտեմբերի 2001 թվականի N 936

«ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԲՅՈՒՋԵՏԱՅԻՆ ՎԱՐԿ ՏՐԱՄԱԴՐԵԼՈՒ ՄԱՍԻՆ

Միջուկային վառելիքի ձեռքբերման նպատակով Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների և էկոնոմիկայի նախարարությանը` «Հայկական ատոմային էլեկտրակայան» փակ բաժնետիրական ընկերությանը Հայաստանի Հանրապետության կենտրոնական բանկում գտնվող սեփականաշնորհման միջոցների հատուկ արտարժութային հաշվից տրամադրել 4,0 մլն ԱՄՆ-ի դոլար գումարով բյուջետային վարկ` 15 օր մարման ժամկետով, առանց տոկոսի ու գրավի` կնքելով համապատասխան պայմանագիր:

2. Հայաստանի Հանրապետության էներգետիկայի նախարարությանը`

ա) ապահովել Միջպետական բանկի կողմից «Հայկական ատոմային էլեկտրակայան» փակ բաժնետիրական ընկերությանը տրամադրվող վարկային միջոցների հաշվին սույն որոշման 1-ին կետում նշված վարկի մարումը.

բ) իրականացնել հսկողություն «Հայկական ատոմային էլեկտրակայան» փակ բաժնետիրական ընկերությանը տրամադրված վարկի նպատակային օգտագործման նկատմամբ:

3. Սույն որոշումն ուժի մեջ է մտնում 2001 թվականի հոկտեմբերի 4-ից: