ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
6 սեպտեմբերի 2001 թվականի N 36
35. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՔԱՂԱՔԱՇԻՆԱԿԱՆ ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ԸՆԹԱՑԱԿԱՐԳԻ ՊԱՐԶԵՑՄԱՆ ՄԻՋՈՑԱՌՈՒՄՆԵՐԻ ՄԱՍԻՆ
1. Հայաստանի Հանրապետության քաղաքաշինության նախարարությանը` մինչև 2001 թվականի դեկտեմբերի 10-ը մշակել և սահմանված կարգով Հայաստանի Հանրապետության կառավարության քննարկմանը ներկայացնել`
ա) գյուղական համայնքներում բազմակի օգտագործման օբյեկտների նախագծերի և կատալոգի ներդրման ու կիրառման կարգը.
բ) քաղաքաշինական փաստաթղթերի փորձաքննության կարգը.
գ) համապատասխան օրենքներում և այլ իրավական ակտերում ներկայացված առաջարկություններից բխող անհրաժեշտ փոփոխություններ և լրացումներ կատարելու վերաբերյալ առաջարկություններ:
2. Երևանի քաղաքապետին` ելնելով Հայաստանի Հանրապետության քաղաքաշինական օրենսդրության պահանջներից` 30-օրյա ժամկետում մշակել Երևան քաղաքում քաղաքաշինական գործունեության իրականացումն ապահովող անհրաժեշտ կարգերը և համաձայնեցնելով շահագրգիռ կողմերի հետ` սահմանված կարգով դրանք ներկայացնել Հայաստանի Հանրապետության արդարադատության նախարարություն` գրանցման: