040.0975.121001
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«12» հոկտեմբերի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
12 հոկտեմբերի 2001 թվականի N 975
«ՍԱՄՎԵԼ-10» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆԸ ԳԱՆՁԱՊԵՏԱԿԱՆ ՀԱՍԱՐԱԿ ՄՈՒՐՀԱԿ ՏՐԱՄԱԴՐԵԼՈՒ ՄԱՍԻՆ
Հայաստանի Հանրապետության կառավարության աշխատակազմի և «Սամվել-10» սահմանափակ պատասխանատվությամբ ընկերության միջև կնքված կապալի պայմանագրի շրջանակներում Հայաստանի Հանրապետության կառավարության ընդունելությունների տան վերակառուցման համար կատարված աշխատանքների դիմաց «Սահմվել-10» սահմանափակ պատասխանատվությամբ ընկերության նկատմամբ առաջացած պարտավորությունները մասնակիորեն մարելու նպատակով Հայաստանի Հանրապետության կառավարությունը որոշում է.
1. Հայաստանի Հանրապետության ֆինանսների և էկոնոմիկայի նախարարությանը`
ա) «Սամվել-10» սահմանափակ պատասխանատվությամբ ընկերությանը տրամադրել 148030320 դրամ անվանական արժեքով, տարեկան 23 տոկոս տոկոսադրույքով գանձապետական հասարակ մուրհակ` 2002 թվականի մարտի 31-ին վճարման ժամկետով, շինարարության կատարողական ակտերը Հայաստանի Հանրապետության ֆինանսների և էկոնոմիկայի նախարարություն ներկայացվելուց հետո.
բ) Հայաստանի Հանրապետության 2002 թվականի պետական բյուջեի նախագծում նախատեսել «Սամվել-10» սահմանափակ պատասխանատվությամբ ընկերությանը տրամադրված մուրհակի մարումը` 164260932 դրամ ընդհանուր գումարով:
2. Սույն որոշումն ուժի մեջ է մտնում 2001 թվականի հոկտեմբերի 12-ից: