040.0976.121001
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«12» հոկտեմբերի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
12 հոկտեմբերի 2001 թվականի N 976
«ՍԵՎ ԼԻՃ» ՊԵՏԱԿԱՆ ԱՐԳԵԼՈՑԻ ԿԱՐԳԱՎԻՃԱԿԸ ՓՈՓՈԽԵԼՈՒ ՄԱՍԻՆ
i
Ելնելով Հայաստանի Հանրապետության բնության հատուկ պահպանվող տարածքների տարածքային և կառավարչական համակարգերի կատարելագործման անհրաժեշտությունից և հաշվի առնելով, որ Սև լճում առկա են Սևանի իշխանի ու Հայաստանի հազվագյուտ և անհետացման վտանգված այլ ձկնատեսակների արհեստական վերարտադրության համար ջրակենսաբանական բավարար պայմաններն ու բնական կերի հարուստ բազան` Հայաստանի Հանրապետության կառավարությունը որոշում է.
1. «Սև լիճ» պետական արգելոցին տալ պետական արգելավայրի կարգավիճակ:
2. «Սև լիճ» պետական արգելավայրի տարածքը սահմանել Սև լճի հայելին և դրա ջրահավաք ավազանի ցամաքային էկոհամակարգերը` 240 հա մակերեսով:
3. «Սև լիճ» պետական արգելավայրի համար որպես նպատակային օգտագործում սահմանել Հայաստանի Հանրապետության հազվագյուտ և արժեքավոր ձկնատեսակների արհեստական վերարտադրության համար անհրաժեշտ ձկնատեսակների` Սևանի իշխանի և բեղլուի աճեցումը:
4. Հայաստանի Հանրապետության բնապահպանության նախարարությանը`
ա) Հայաստանի Հանրապետության հողային օրենսգրքի 59-րդ հոդվածին համապատասխան ապահովել «Սև լիճ» պետական արգելավայրի հողամասերի սահմանների ճշգրտման և նկարագրման աշխատանքների կատարումը.
բ) ապահովել նշված արգելավայրի հողամասերի նկատմամբ իրավունքների պետական գրանցումը.
i
գ) եռամսյա ժամկետում մշակել և Հայաստանի Հանրապետության կառավարության հաստատմանը ներկայացնել «Սև լիճ» պետական արգելավայրի կանոնադրությունը: