041.0764.301001
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
30 հոկտեմբերի 2001 թվականի N 764
ԱՊՀ ՄԻՋՊԵՏԱԿԱՆ ԷԿՈԼՈԳԻԱԿԱՆ ԽՈՐՀՐԴԻ 12-ՐԴ ՆՍՏԱՇՐՋԱՆԸ ԵՐԵՎԱՆՈՒՄ ԱՆՑԿԱՑՆԵԼՈՒ ՄԱՍԻՆ
ԱՊՀ միջպետական էկոլոգիական խորհրդի 12-րդ նստաշրջանը 2001 թվականի նոյեմբերի 15-16-ը Երևանում անցկացնելու կապակցությամբ`
1. Հայաստանի Հանրապետության բնապահպանության նախարարությանն ու Հայաստանի Հանրապետության արտաքին գործերի նախարարությանը` ապահովել նստաշրջանի նախապատրաստումն ու անցկացումը և հյուրերի` Հայաստանում գտնվելու ընթացքում միջոցառումների իրականացումն ըստ արարողակարգի:
2. Հայաստանի Հանրապետության բնապահպանության նախարարությանը` ապահովել պատվիրակության անդամների սնունդը և սպասարկման համար տրամադրել փոխադրամիջոցներ:
3. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությանը` ապահովել հյուրերի ընդունումն ու ճանապարհումը պաշտոնական պատվիրակությունների սրահում (անվճար):
4. Հայաստանի Հանրապետության արտաքին գործերի նախարարությանը` պատվիրակության անդամներին տրամադրել Հայաստանի Հանրապետությունում մուտքի արտոնագիր:
5. Հայաստանի Հանրապետության ազգային անվտանգության նախարարությանը և Հայաստանի Հանրապետության ներքին գործերի նախարարությանը` ապահովել հյուրերի անվտանգությունը Հայաստանի Հանրապետությունում գտնվելու ընթացքում:
6. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` լուսաբանել նստաշրջանի աշխատանքները:
7. Հայաստանի Հանրապետության ֆինանսների և էկոնոմիկայի նախարարությանը` նստաշրջանի անցկացման և հյուրերի` Հայաստանում գտնվելու ընթացքում կեցության, սննդի, փոխադրամիջոցների, դահլիճի վարձակալման հետ կապված ծախսերը` 1261100 դրամի սահմաններում, կատարել Հայաստանի Հանրապետության 2001 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` համաձայն Հայաստանի Հանրապետության բնապահպանության նախարարության ներկայացրած հաշվետվության: