Սեղմել Esc փակելու համար:
ՀՀ ՀԻՄՆԱԿԱՆ ՖՈՆԴԵՐԻ ՎԵՐԱԳՆԱՀԱՏՄԱՆ ԿԱՐ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ՀԻՄՆԱԿԱՆ ՖՈՆԴԵՐԻ ՎԵՐԱԳՆԱՀԱՏՄԱՆ ԿԱՐԳԻ ՀԱՍՏԱՏՄԱՆ ՄԱՍԻՆ

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

29 հուլիսի 1993 թ. թիվ 394

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԻՄՆԱԿԱՆ ՖՈՆԴԵՐԻ ՎԵՐԱԳՆԱՀԱՏՄԱՆ ԿԱՐԳԻ ՀԱՍՏԱՏՄԱՆ ՄԱՍԻՆ

 

ի կատարումն Հայաստանի Հանրապետության կառավարության 1993 թվականի հունիսի 19-ի «Հայաստանի Հանրապետության հիմնական ֆոնդերի վերագնահատման մասին» թիվ 310 որոշման, Հայաստանի Հանրապետության կառավարությունը որոշում  է.

1. Հաստատել Հայաստանի Հանրապետության հիմնական ֆոնդերի վերագնահատման կարգը (կցվում է):

2. Հիմնական ֆոնդերի վերագնահատման սույն կարգով ղեկավարվում են ինչպես պետական, այնպես էլ իրենց նախաձեռնությամբ վերագնահատմանը մասնակցող ոչ պետական ձեռնարկությունները, կազմակերպությունները և հիմնարկները:

 

ՀԱՍՏԱՏՎԱԾ Է

ՀՀ կառավարության 1993 թվականի

հուլիսի 29-ի թիվ 394 որոշմամբ

 

Կ Ա Ր Գ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԻՄՆԱԿԱՆ ՖՈՆԴԵՐԻ ՎԵՐԱԳՆԱՀԱՏՄԱՆ

 

1. Վերագնահատման ենթակա են շենքերը (բացի բնակելի), ներառյալ հանրակացարանները, կառուցվածքները, հաղորդիչ սարքերը, մեքենաները, սարքավորումները, տրանսպորտային միջոցները և մյուս հիմնական միջոցները, անկախ նրանց տեխնիկական վիճակից (մաշվածության աստիճանից), ինչպես գործող, այնպես էլ պահեստում, անավարտ շինարարությունում կոնսերվացված, չտեղակայված սարքավորումները և վարձակալությամբ հանձնված գույքը: Վերջինս վերագնահատվում է վարձատուի կողմից:

Վերագնահատման ենթակա են նաև այն հիմնական ֆոնդերը, որոնք ֆիզիկապես և բարոյապես մաշված են և ենթակա են դուրսգրման, բայց սահմանված կարգով ձևակերպված չեն դուրսգրման ակտերով:

2. Հիմնական ֆոնդերը վերագնահատվում են վերականգնման արժեքով, որը որոշվում է դրանց հաշվեկշռային արժեքը վերահաշվարկի համապատասխան գործակցով բազմապատկելով: Վերագնահատվում են առանձին-առանձին` մինչև 1991 թվականը ձեռքբերված, 1991 թվականին ձեռքբերված, 1992 թվականին ձեռքբերված և մինչև 1993 թվականի հուլիսի 1-ը ձեռքբերված հիմնական ֆոնդերը, յուրաքանչյուր ժամանակահատվածի համար կիրառելով վերահաշվարկի համապատասխան գործակիցները:

3. 1993 թվականին ձեռքբերված հիմնական ֆոնդերի թանկացումը հաշվի առնելու համար (արժեզրկման բարձր տեմպերի պահպանման ժամանակահատվածում) Հայաստանի Հանրապետության էկոնոմիկայի նախարարության, ֆինանսների նախարարության և Հայաստանի Հանրապետության վիճակագրության, պետական ռեգիստրի և վերլուծության պետական վարչության կողմից սահմանվում է հիմնական ֆոնդերի հաշվեկշռային արժեքի ընթացիկ ինդեքսավորման կարգ:

4. Այն ձեռնարկությունները, հիմնարկները և կազմակերպությունները, որոնց ֆինանսատնտեսական ցուցանիշները, հիմնական ֆոնդերի վերագնահատման արդյունքներով մաշվածության (մարման) գումարի աճի հետևանքով վատթարանում են, կարող են կիրառել մաշվածության իջեցված գործակիցներ` մինչև 50 տոկոսի չափով:

5. Այն ձեռնարկությունները, հիմնարկները, կազմակերպությունները, որոնք իրականացնում են լրացուցիչ ֆինանսական միջոցներ պահանջող ինվեստիցիոն նշանակալից ծրագրեր, կարող են կիրառել մաշվածության բարձրացված գործակիցներ (արագացված ամորտիզացիա): Արագացված ամորտիզացիան կիրառվում է միայն հիմնական ֆոնդերի ակտիվ մասի նկատմամբ:

6. Մաշվածության իջեցված կամ բարձրացված գործակիցների կիրառման թույլտվությունը, ՀՀ նախարարությունների և գերատեսչությունների ներկայացմամբ, տալիս է Հայաստանի Հանրապետության ֆինանսների նախարարությունը` Հայաստանի Հանրապետության էկոնոմիկայի նախարարության համաձայնությամբ, այդ մասին տեղյակ պահելով տեղի հարկային ծառայությանը:

7. Հիմնական ֆոնդերի վերագնահատման արդյունքներն ամփոփող աղյուսակների ձևերը մշակում և տեղերին է իջեցնում Հայաստանի Հանրապետության վիճակագրության, պետական ռեգիստրի և վերլուծության պետական վարչությունը:

 

 

pin
ՀՀ կառավարություն
29.07.1993
N 394
Որոշում