ՇԵՆՔԵՐ ՀԱՆՁՆԵԼՈՒ ՄԱՍԻՆ

041.0788.061101

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

6 նոյեմբերի 2001 թվականի N 788

ՇԵՆՔԵՐ ՀԱՆՁՆԵԼՈՒ ՄԱՍԻՆ

1. Արագածոտնի մարզպետարանի տնօրինության` Աշտարակի Ներսես Աշտարակեցու N 4 հասցեում գտնվող երկհարկանի շենքը` 322,3 քառակուսի մետր մակերեսով, հանձնել Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տնօրինությանը:

2. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տնօրինության` Աշտարակի Պռոշյան N 27 հասցեում գտնվող շենքը` 241,1 քառակուսի մետր մակերեսով, հանձնել Արագածոտնի մարզպետարանի տնօրինությանը:

3. Արագածոտնի մարզպետին և Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին` 2 շաբաթյա ժամկետում ապահովել նշված շենքերի սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը: