«ՈՌՈԳՈՒՄ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԳՈՒՅՔ ՀԱՆՁՆԵԼՈՒ ՄԱՍԻՆ

040.1140.211101

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«21» նոյեմբերի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

21 նոյեմբերի 2001 թվականի N 1140

«ՈՌՈԳՈՒՄ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԳՈՒՅՔ ՀԱՆՁՆԵԼՈՒ ՄԱՍԻՆ

Հայաստանի Հանրապետության և Միջազգային զարգացման ընկերակցության միջև 1994 թվականի դեկտեմբերի 16-ին կնքված «Ոռոգման համակարգերի վերականգնում» ծրագրի շրջանակներում «Ոռոգում» փակ բաժնետիրական ընկերության օբյեկտներում իրականացված վերականգնման աշխատանքների փաստացի ավարտման կապակցությամբ Հայաստանի Հանրապետության կառավարությունը որոշում է.

1. «Ոռոգման համակարգերի վերականգնում» ծրագրի շրջանակներում կառուցված օբյեկտները` 14587912,4 հազար դրամ ընդհանուր արժեքով, որպես պետական սեփականություն հանդիսացող գույք, ներդնել «Ոռոգում» փակ բաժնետիրական ընկերության կանոնադրական կապիտալում` Հայաստանի Հանրապետության օրենսդրությամբ սահմանված կարգով` համապատասխանաբար ավելացնելով դրա չափը:

2. Սույն որոշումն ուժի մեջ է մտնում 2001 թվականի նոյեմբերի 21-ից: