041.0823.221101
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
22 նոյեմբերի 2001 թվականի N 823
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
Հայաստանի Հանրապետության կառավարության «Պահպանման ժամկետները լրացած, պետական և ծառայողական գաղտնիք կազմող, գաղտնազերծված տեղեկությունները պետական արխիվ հանձնելու կամ տեղեկությունների ոչնչացման կարգը հաստատելու մասին» որոշման նախագծի մշակման նպատակով`
1. Ստեղծել միջգերատեսչական հանձնաժողով հետևյալ կազմով`
ՀՀ կառավարությանն առընթեր արխիվային գործի վարչության պետ (հանձնաժողովի նախագահ)
ՀՀ կառավարության աշխատակազմի բաժնի վարիչ
ՀՀ ազգային անվտանգության նախարարության վարչության պետ
ՀՀ արդարադատության նախարարության վարչության պետ
ՀՀ արդյունաբերության և առևտրի նախարարության բաժնի պետ
ՀՀ արտաքին գործերի նախարարության վարչության պետ
ՀՀ էներգետիկայի նախարարության բաժնի պետ
ՀՀ ներքին գործերի նախարարության վարչության պետ
ՀՀ պաշտպանության նախարարության վարչության պետ
ՀՀ ֆինանսների և էկոնոմիկայի նախարարության բաժնի պետ
ՀՀ գիտությունների ազգային ակադեմիայի բաժնի պետ
ՀՀ կառավարությանն առընթեր արխիվային գործի վարչության բաժնի պետ (հանձնաժողովի քարտուղար):
2. Հայաստանի Հանրապետության ազգային անվտանգության նախարարությանը, Հայաստանի Հանրապետության արդարադատության նախարարությանը, Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության արտաքին գործերի նախարարությանը, Հայաստանի Հանրապետության էներգետիկայի նախարարությանը, Հայաստանի Հանրապետության ներքին գործերի նախարարությանը, Հայաստանի Հանրապետության պաշտպանության նախարարությանը, Հայաստանի Հանրապետության ֆինանսների և էկոնոմիկայի նախարարությանը և Հայաստանի Հանրապետության գիտությունների ազգային ակադեմիային` 3-օրյա ժամկետում Հայաստանի Հանրապետության կառավարությանն առընթեր արխիվային գործի վարչություն ներկայացնել սույն որոշմամբ ստեղծված միջգերատեսչական հանձնաժողովի կազմում ընդգրկվող իրենց ներկայացուցչի թեկնածությունը:
3. Միջգերատեսչական հանձնաժողովին` 1-ամսյա ժամկետում «Պետական և ծառայողական գաղտնիքի մասին» Հայաստանի Հանրապետության օրենքի 16-րդ հոդվածին համապատասխան` Հայաստանի Հանրապետության կառավարության քննարկմանը ներկայացնել Հայաստանի Հանրապետության կառավարության «Պահպանման ժամկետները լրացած, պետական և ծառայողական գաղտնիք կազմող, գաղտնազերծված տեղեկությունները պետական արխիվ հանձնելու կամ տեղեկությունների ոչնչացման կարգը հաստատելու մասին» որոշման նախագիծը: