ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ
16 նոյեմբերի.1994թ. թ. 17-5/19
Պ Ա Ր Զ Ա Բ Ա Ն ՈՒ Մ
Անհատույց ստացված ակտիվները ձեռնարկության հաշվեկշիռ մուտքագրելու, այն
օգտագործելու և հաշվապահական հաշվառման մեջ արտացոլելու մասին
Ի պատասխան տեղերից ստացված բազմաթիվ հարցումների ՀՀ ֆինանսների նախարարությունը պարզաբանում է.
1. ՀՀ ձեռնարկությունները անհատույց ստացված հիմնական միջոցները, ոչ նյութական ակտիվները, շրջանառու միջոցները (բացի դրամական միջոցներից) և այլ ակտիվները մուտքագրում են ձեռնարկության հաշվեկշիռ սկզբնական հաշվառման փաստաթղթերում նշված գներով` այսինքն այդ չափով ավելացնում են համապատասխան ակտիվները և սեփական պասսիվները (ֆոնդերը), եթե ՀՀ օրենսդրությամբ այլ կարգ չի սահմանված:
2. Մուտքագրված ակտիվների հետագա օգտագործումը իրականացվում է ընդհանուր կարգով:
3. Անհատույց ստացված ակտիվները հաշվապահական հաշվառման մեջ արտացոլվում են համապատասխան ակտիվային հաշվի (01, 04, 07, 08, 10, 11, 12, 41 և այլն) դեբետով և պասսիվային «Հատուկ նշանակության հիմնադրամներ» 88 հաշվի «Անհատույց ստացված արժեքներ» ենթահաշվի կրեդիտով:
Օրինակ.
Ձեռնարկությունը անհատույց ստացել է 1000000 դրամ արժողության հիմնական միջոց: Երկու տարի օգտագործելուց հետո այն վաճառվել է 1500000 դրամ արժեքով: Ենթադրենք վաճառքի պահին ամորտիզացիան կազմել է 200000 դրամ:
Մուտքագրման պահին տրվում է ձևակերպում
դ-տ 01 կ-տ 88 1000000 դրամ
Վաճառքի պահին տրվում է ձևակերպում
դ-տ 47 կ-տ 01 1000000
դ-տ 02 կ-տ 47 200000
դ-տ 76 կ-տ 47 1500000
4. Այլ ձեռնարկություններից և կազմակերպություններից անհատույց ստացված գումարները (դրամական միջոցները) եթե դրանք չեն իրականացնում համատեղ գործունեություն (բացառությամբ հիմնադիրների կողմից ՀՀ օրենսդրությամբ նախատեսված կարգով ձեռնարկությունների և կազմակերպությունների կանոնադրական ֆոնդին փոխանցված գումարների), մտնում են արտաիրացումային գործառնություններից ստացվող եկամուտների կազմի մեջ և ենթակա են հարկման ՀՀ օրենսդրությամբ նախատեսված կարգով: