«ԿԱԶՄԱԿԵՐՊՈՒԹՅԱՆ ՖԻՆԱՆՍԱԿԱՆ ՑՈՒՑԱՆԻՇՆԵՐԻ ՎԵՐԱԲԵՐՅԱԼ» ՁԵՎ 3-Ֆ (ՏԱՐԵԿԱՆ) ՎԻՃԱԿԱԳՐԱ ...

20.12.2023 -

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

ՈՐՈՇՈՒՄ

30 նոյեմբերի 2018 թվականի թիվ 77-Ն

«ԿԱԶՄԱԿԵՐՊՈՒԹՅԱՆ ՖԻՆԱՆՍԱԿԱՆ ՑՈՒՑԱՆԻՇՆԵՐԻ ՎԵՐԱԲԵՐՅԱԼ» ՁԵՎ 3-Ֆ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2015 ԹՎԱԿԱՆԻ ՆՈՅԵՄԲԵՐԻ 13-Ի ԹԻՎ 22-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով` Հայաստանի Հանրապետության վիճակագրության պետական խորհուրդը որոշում է.

1. Հաստատել «Կազմակերպության ֆինանսական ցուցանիշների վերաբերյալ» Ձև 3-Ֆ (տարեկան) վիճակագրական հաշվետվության ձևը` համաձայն հավելված 1-ի:

2. Հաստատել «Կազմակերպության ֆինանսական ցուցանիշների վերաբերյալ» Ձև 3-Ֆ (տարեկան) վիճակագրական հաշվետվության լրացման հրահանգը` համաձայն հավելված 2-ի: ↩

(2-րդ կետը փոփ. 11.12.23 թիվ 62-Ն որոշում)

3. ՈՒժը կորցրած ճանաչել Հայաստանի Հանրապետության վիճակագրության պետական խորհրդի 2015 թվականի նոյեմբերի 13-ի ««Կազմակերպության ֆինանսական ցուցանիշների վերաբերյալ» Ձև 3-Ֆ (տարեկան) պետական վիճակագրական հաշվետվության ձևը և լրացման հրահանգը հաստատելու մասին» թիվ 22-Ն որոշումը:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հավելված 1
Հայաստանի Հանրապետության
վիճակագրության պետական խորհրդի
2018 թվականի նոյեմբերի 30-ի
թիվ 77-Ն որոշման

(Հավելված 1 խմբ. 11.12.23 թիվ 62-Ն որոշում)

Բաժին 1. Ակտիվներ

Հազար դրամ (ամբողջ թվերով)

Բաժին 2. Սեփական կապիտալ

Հազար դրամ (ամբողջ թվերով)

Բաժին 3. Պարտավորություններ

Հազար դրամ (ամբողջ թվերով)

Բաժին 4. Կազմակերպության ֆինանսական արդյունքը

Հազար դրամ (ամբողջ թվերով)

Հավելված 2
Հայաստանի Հանրապետության
վիճակագրության պետական խորհրդի
2018 թվականի նոյեմբերի 30-ի
թիվ 77-Ն որոշման

(Հավելված 2 խմբ. 11.12.23 թիվ 62-Ն որոշում)

ՀՐԱՀԱՆԳ
«ԿԱԶՄԱԿԵՐՊՈՒԹՅԱՆ ՖԻՆԱՆՍԱԿԱՆ ՑՈՒՑԱՆԻՇՆԵՐԻ ՎԵՐԱԲԵՐՅԱԼ» ՁԵՎ 3-Ֆ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

 1. Սույն հրահանգը կարգավորում է «Կազմակերպության ֆինանսական ցուցանիշների վերաբերյալ» Ձև 3-Ֆ (տարեկան) վիճակագրական հաշվետվության (այսուհետ` Հաշվետվություն) լրացման կարգի հետ կապված հարաբերությունները:

 2. Հաշվետվությունը ներկայացնում են իրավաբանական անձինք և անհատ ձեռնարկատերերը (այսուհետ` ռեսպոնդենտ), որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

 3. Հաշվետվությունը ներկայացվում է Հայաստանի Հանրապետության վիճակագրական կոմիտե` Հաշվետվության ձևի վրա նշված ժամկետներում և պարբերականությամբ:

 4. Հաշվետվությունում ներառվում են կազմակերպության բոլոր կառուցվածքային ստորաբաժանումների, այդ թվում` Հայաստանի Հանրապետության սահմաններից դուրս գտնվող մասնաճյուղերի և ներկայացուցչությունների գործունեության ցուցանիշները:

 5. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է` համաձայն ՀՀ էկոնոմիկայի նախարարի 2013 թվականի սեպտեմբերի 19-ի N 874-Ն հրամանով հաստատված «Տնտեսական գործունեության տեսակների դասակարգչի» (այսուհետ` ՏԳՏԴ) 5-նիշ խմբավորման (հղումը` http://www.arlis.am/Annexes/4/GT30.1-13page1730-2124ink1392.doc):

 6. Կազմակերպության փաստացի գործունեության հիմնական տեսակ է համարվում գործունեության այն տեսակը, որը համախառն ավելացված արժեքի ընդհանուր ծավալում կազմում է առավել մեծ տեսակարար կշիռ: Շատ դեպքերում գործունեության հիմնական տեսակը նպատակահարմար է որոշել համախառն արտադրանքի ծավալի, զուտ հասույթի, աշխատողների ընդհանուր թվաքանակի կամ այլ ցուցանիշների տեսակարար կշռով:

 7. Հաշվետվության լրացման համար հիմք են հանդիսանում հաշվապահական հաշվառումը և ֆինանսական հաշվետվությունները կարգավորող օրենքներով և այլ իրավական ակտերով սահմանված նորմերը, եթե Հայաստանի Հանրապետության օրենսդրությամբ այլ բան սահմանված չէ:

 8. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ԼՐԱՑՄԱՆ ԿԱՐԳԸ

9. Հաշվետվությունը կազմված է 4 բաժիններից`

1) «Միջոցների կազմը»,

2) «Սեփական կապիտալը»,

3) «Պարտավորությունները»,

4) «Կազմակերպության ֆինանսական արդյունքը»:

10. Հաշվետվության բոլոր բաժինները պետք է ներառեն ինչպես հիմնական, այնպես էլ ոչ հիմնական գործունեության ցուցանիշները:

11. Հաշվետվության այն տողերում, որտեղ ակտիվները, պարտավորությունները կամ սեփական կապիտալը պահանջվում է ներկայացնել ըստ տնտեսության հատվածների `

1) կազմակերպության ակտիվների մնացորդները ներկայացվում են ըստ տնտեսության այն հատվածների, որոնց մոտ առաջանում է ֆինանսական պարտավորություն կամ կապիտալում մասնակցություն,

2) պարտավորությունների մնացորդները` ըստ տեսության այն հատվածների` որոնց մոտ առաջանում է ֆինանսական ակտիվ:

12. Ինստիտուցիոնալ միավորը տնտեսական միավոր է, որն ընդունակ է իր անունից տիրապետել ակտիվների, ստանձնել պարտավորություններ, մասնակցել տնտեսական գործունեությանը և գործառնություններ իրականացնել այլ միավորների:

13. Ինստիտուցիոնալ միավորը համարվում է երկրի տնտեսական տարածքի ռեզիդենտ, եթե այդ տարածքում այն ունի գերիշխող տնտեսական շահերի կենտրոն, այսինքն` անսահմանափակ կամ երկարատև ժամանակահատվածում (սովորաբար մեկ տարի), իրականացնում կամ միտված է իրականացնելու տնտեսական գործունեություն կամ նշանակալի ծավալով գործառնություններ:

14. Հատվածները ինստիտուցիոնալ միավորների խմբեր են (ՀՀ էկոնոմիկայի նախարարի 2016 թվականի փետրվարի 1-ի N 63-Ն հրամանով հաստատված «Տնտեսության ինստիտուցիոնալ հատվածների դասակարգիչը», հղումը` https://www.arlis.am/DocumentView.aspx?docid=143434)):

Յուրաքանչյուր ինստիտուցիոնալ միավոր ընդհանուր առմամբ պետք է վերաբերի այս կամ այն հատվածին:

15. Ոչ առևտրային կազմակերպությունները իրավաբանական անձինք կամ հասարակական կազմակերպություններ են, որոնց ստեղծման հիմնական նպատակը ապրանքների ու ծառայությունների արտադրությունն է, և որոնք դրանց հիմնադիրների, վերահսկող կամ ֆինանսավորող միավորների համար չեն կարող հանդիսանալ եկամտի, շահույթի կամ այլ ֆինանսական օգուտների ստացման աղբյուր:

16. Տնային տնտեսություններին սպասարկող ոչ առևտրային կազմակերպություններն այն իրավաբանական անձինք են, որոնք հիմնականում զբաղվում են տնային տնտեսությունների համար ոչ շուկայական ծառայությունների արտադրությամբ, որոնք շահույթ ստանալու նպատակ չեն հետապնդում և ստացված շահույթը մասնակիցների միջև չեն բաշխում: Դրանց կարգավիճակը թույլ չի տալիս այդ կազմակերպությունները ստեղծող միավորների համար լինել եկամտի, շահույթի կամ այլ ֆինանսական շահի աղբյուր: Այդ կազմակերպությունների ռեսուրսները գոյանում են անդամավճարներից, նվիրատվություններից և սեփականությունից ստացվող եկամուտներից: Տնային տնտեսություններին սպասարկող ոչ առևտրային կազմակերպություններից են` քաղաքական կուսակցությունները, հասարակական կազմակերպությունները, բարեգործական հիմնադրամները, Հայաստանյաց Առաքելական եկեղեցին և կրոնական այլ կազմակերպությունները, պրոֆեսիոնալ և այլ տիպի միությունները, մշակութային կազմակերպությունները, որոշ կրթական և գիտահետազոտական կազմակերպություններ և այլն:

17. Տնային տնեսությունը անձանց խումբ է (ֆիզիկական անձինք), որոնք ապրում են միևնույն կացարանում, միավորում իրենց ողջ (կամ մասնակի) եկամուտն ու ունեցվածքը և կոլեկտիվ սպառում ապրանքների և ծառայությունների որոշակի տեսակներ (հիմնականում` բնակարանային ծառայություններ և սննդամթերք): Դրանք գործատուներն են, ինքնազբաղված անձինք, վարձու աշխատողները կամ սեփականությունից և տրանսֆերտներից եկամուտ ստացողները:

18. Ոչ ֆինանսական կազմակերպությունները կամ ընկերություններն ինստիտուցիոնալ միավորներ են, որոնց հիմնական գործունեությունը շուկայական ապրանքների կամ ոչ ֆինանսական ծառայությունների արտադրությունն է:

19. Ֆինանսական կազմակերպությունները այն բոլոր ռեզիդենտ կազմակերպություններն են, որոնք հիմնականում զբաղված են այլ ինստիտուցիոնալ միավորներին ֆինանսական ծառայությունների մատուցմամբ, այդ թվում` ապահովագրական ու կենսաթոշակային հիմնադրամների ծառայությունները: Ֆինանսական կազմակերպություններ են` Կենտրոնական բանկը, ավանդային կազմակերպությունները, դրամական շուկայի հիմնադրամները, ոչ դրամական շուկայի ներդրումային հիմնադրամները, այլ ֆինանսական միջնորդները, օժանդակ ֆինանսական կազմակերպությունները, փոխկապակցված ֆինանսական հաստատությունները, տոկոսառուները, ապահովագրական կազմակերպությունները և կենսաթոշակային հիմնադրամները:

20. Պետական կառավարման մարմինները քաղաքական գործընթացների արդյունքում ձևավորված իրավաբանական անձինք են, որոնք տվյալ տարածքի սահմաններում գտնվող այլ ինստիտուցիոնալ միավորների հետ հարաբերություններում օժտված են օրենսդրական, դատական կամ գործադիր իշխանությամբ: Ներառում է կենտրոնական կառավարման, տարածքային կառավարման և տեղական ինքնակառավարման մարմինները, ինչպես նաև կենտրոնական կառավարության մաս կազմող բոլոր ինստիտուցիոնալ միավորները և կենտրոնական կառավարության կողմից վերահսկվող ոչ շուկայական պետական ոչ առևտրային կազմակերպությունները:

21. Յուրաքանչյուր ցուցանիշի համար ներկայացվում է հաշվետու տարվա սկզբի (սյունակ 1) և հաշվետու տարվա վերջի (սյունակ 2) մնացորդները, բացառությամբ «Սեփական կապիտալ» բաժնի` որտեղ ներկայացվում է հաշվետու տարվա սկզբի (սյունակ 1) և հաշվետու տարվա վերջի (սյունակ 4) մնացորդները, ինչպես նաև տարվա ընթացքում գործարքները (սյունակ 2) և այլ փոփոխությունները (սյունակ 3):

Ընդ որում`գործարքը տնտեսական հոսք է, որը փոխազդեցություն է ինստիտուցիոնալ միավորների միջև փոխադարձ համաձայնությամբ կամ գործողություն մեկ ինստիտուցիոնալ միավորի ներսում: Այլ փոփոխությունները փոփոխություններ են, որոնք չեն բխում գործարքներից: Օրինակ, դրանք բնական աղետների հետևանքով առաջացած կորուստներն են, ինչպես նաև գների փոփոխության հետևանքով արժեքի փոփոխությունները:

3. ԲԱԺԻՆ 1 . ՄԻՋՈՑՆԵՐԻ ԿԱԶՄԸ

22. «Ոչ ընթացիկ նյութական ակտիվներ» տողում (ծածկագիր` «110») ցույց է տրվում հաշվապահական հաշվառման հաշվային պլանի հաշիվների (այսուհետև` հաշիվներ) 11 և 12 խմբերի հաշիվների մնացորդների հանրագումարը:

23. «Ոչ ընթացիկ ոչ նյութական ակտիվներ» տողում (ծածկագիր` «115») ցույց է տրվում 13-րդ խմբի հաշիվների մնացորդների հանրագումարը:

24. «Ոչ ընթացիկ ֆինանսական ակտիվներ» տողում (ծածկագիր` «120») ցույց է տրվում 14-րդ խմբի հաշիվների մնացորդների հանրագումարը, այդ թվում`

1) «Սկզբնական արժեքով հաշվառվող ոչ ընթացիկ ներդրումներ չկապակցված կազմակերպություններում և կապակցված կազմակերպությունների կանոնադրական կապիտալում (ներառյալ` արժեզրկումը)» տողում (ծածկագիր` «120.1») ցույց է տրվում 141 և 142 հաշիվների մնացորդների հանրագումարի և 1491 և 1492 ենթահաշիվների մնացորդների հանրագումարի տարբերությունը,

2) «Իրական արժեքով չափվող ոչ ընթացիկ ֆինանսական ակտիվներ և մինչև մարման ժամկետը պահվող երկարաժամկետ ներդրումների գծով ստացվելիք համախառն մուտքեր (ներառյալ` չվաստակած ֆինանսական եկամուտը, արժեզրկումը և անհավաքագրելիությունը)» տողում (ծածկագիր` «120.2») ցույց է տրվում 143 և 144 հաշիվների մնացորդների և 1471 և 1493 ենթահաշիվների մնացորդների հանրագումարի տարբերությունը,

3) «Երկարաժամկետ փոխառությունների և ֆինանսական վարձակալության գծով ստացվելիք համախառն մուտքեր, ներառյալ` չվաստակած ֆինանսական եկամուտը և անհավաքագրելիությունը)» տողում (ծածկագիր` «120.3») ցույց է տրվում 145 և 146 հաշիվների մնացորդների և 1472, 1473, 1494 և 1495 ենթահաշիվների մնացորդների հանրագումարի տարբերությունը,

4) «Որպես հեջավորման գործիք նախատեսված ոչ ընթացիկ ֆինանսական ակտիվներ» տողում (ծածկագիր` «120.4») ցույց է տրվում 148 հաշվի մնացորդ:

25. «Այլ ոչ ընթացիկ ակտիվներ» տողում (ծածկագիր` «125») ցույց է տրվում 15-րդ խմբի հաշիվների մնացորդների հանրագումարը, այդ թվում`

1) «Հետաձգված հարկային ակտիվներ» տողում (ծածկագիր` «125.1») ցույց է տրվում 151 հաշվի մնացորդը,

2) «Կանխավճարներ ոչ ընթացիկ ակտիվներ ձեռք բերելու համար» տողում (ծածկագիր` «125.2») ցույց է տրվում 152 հաշվի մնացորդը,

3) «Այլ ոչ ընթացիկ ակտիվներ` վերը չթվարկված» տողում (ծածկագիր` «125.3») ցույց է տրվում 153, 154, 155 և 156 հաշիվների մնացորդների հանրագումարը:

26. «Ոչ ընթացիկ ակտիվներ, ընդամենը («110»+«115»+«120»+«125»)» տողում (ծածկագիր` «130») ցույց է տրվում ոչ ընթացիկ ակտիվների հանրագումարը:

27. «Պաշարներ և կենսաբանական ակտիվներ» տողում (ծածկագիր` «135») ցույց է տրվում 21-րդ խմբի հաշիվների մնացորդների հանրագումարը:

28. «Գործառնական և այլ ընթացիկ դեբիտորական պարտքեր» տողում (ծածկագիր` «140») ցույց է տրվում 22-րդ խմբի հաշիվների մնացորդների հանրագումարը, այդ թվում`

1) «Տրված ընթացիկ կանխավճարներ և դեբիտորական պարտքեր վաճառքների գծով (ներառյալ հնարավոր կորուստների պահուստը),)» տողում (ծածկագիր` «140.1») ցույց է տրվում 221 և 224 հաշիվների մնացորդների և 223 հաշվի մնացորդի մասի տարբերությունը,

2) «Դեբիտորական պարտքեր այլ եկամուտների գծով (ներառյալ հնարավոր կորուստների պահուստը)» տողում (ծածկագիր` «140.2») ցույց է տրվում 222 հաշվի մնացորդի և 223 հաշվի մնացորդի մասի տարբերությունը,

3) «Դեբիտորական պարտքեր հարկերի և պարտադիր վճարների գծով» տողում (ծածկագիր` «140.3») ցույց է տրվում 225 և 227 հաշիվների մնացորդների հանրագումարը,

4) «Հաշվանցման (փոխհատուցման) ենթակա անուղղակի հարկեր» տողում (ծածկագիր` «140.4») ցույց է տրվում 226 հաշվի մնացորդը,

5) «Այլ դեբիտորական պարտքեր (ներառյալ աշխատավարձի և առհաշիվ տրված գումարների գծով պարտքերը և հնարավոր կորուստների պահուստը)» տողում (ծածկագիր` «140.5») ցույց է տրվում 228 և 229 հաշիվների մնացորդների հանրագումարը:

29. «Ընթացիկ ֆինանսական ներդրումներ (ներառյալ արժեզրկումը (անհավաքագրելիությունը))» տողում (ծածկագիր` «145») ցույց է տրվում 23-24 խմբերի հաշիվների մնացորդների հանրագումարի և 241 հաշվի մնացորդի տարբերությունը:

30. «Իրական արժեքով` շահույթի կամ վնասի միջոցով չափվող և վաճառքի համար մատչելի ընթացիկ ֆինանսական ակտիվներ» տողում (ծածկագիր` «145.1») ցույց է տրվում 231 և 232 հաշիվների մնացորդների հանրագումարը:

31. «Մինչև մարման ժամկետը պահվող կարճաժամկետ ներդրումների և փոխառությունների գծով ստացվելիք համախառն մուտքեր և մինչև մարման ժամկետը պահվող երկարաժամկետ ներդրումների և փոխառությունների գծով ստացվելիք համախառն մուտքերի կարճաժամկետ մաս (ներառյալ չվաստակած ֆինանսական եկամուտը)» տողում (ծածկագիր` «145.2») ցույց է տրվում 233, 234, 235 և 236 հաշիվների մնացորդների հանրագումարի և 2381, 2382, 2383, 2384 ենթահաշիվների մնացորդների հանրագումարի տարբերությունը:

32. «Ֆինանսական վարձակալության գծով ստացվելիք համախառն մուտքերի կարճաժամկետ մաս (ներառյալ չվաստակած ֆինանսական եկամուտը)» տողում (ծածկագիր` «145.3») ցույց է տրվում 237 հաշվի մնացորդի և 2385 ենթահաշվի մնացորդի տարբերությունը:

33. «Որպես հեջավորման գործիք նախատեսված ընթացիկ ֆինանսական ակտիվներ» տողում (ծածկագիր` «145.4») ցույց է տրվում 239 հաշվի մնացորդը:

34. «Դրամական միջոցներ» տողում (ծածկագիր` «150») ցույց է տրվում 25 խմբի հաշիվների մնացորդները:

35. «Դրամարկղ» տողում (ծածկագիր` «150.1») ցույց է տրվում 251 հաշվի մնացորդը:

36. «Հաշվարկային հաշիվ» տողում (ծածկագիր` «150.2») ցույց է տրվում 252 հաշվի մնացորդը:

37. «Արտարժութային հաշիվ» տողում (ծածկագիր` «150.3») ցույց է տրվում 253 հաշվի մնացորդը:

38. «Այլ հաշիվներ բանկերում» տողում (ծածկագիր` «150.4») ցույց է տրվում 254 հաշվի մնացորդը:

39. «Դրամական միջոցներ ճանապարհին և դրամական փաստաթղթեր» տողում (ծածկագիր` «150.5») ցույց է տրվում 255 և 256 հաշիվների մնացորդների հանրագումարը:

40. «Այլ ընթացիկ ակտիվներ» տողում (ծածկագիր` «155») ցույց է տրվում 26 խմբի հաշիվների մնացորդների հանրագումարը:

41. «Ընթացիկ ակտիվներ, ընդամենը («135»+«140»+«145»+«150»+«155»)» տողում (ծածկագիր` «160») ցույց է տրվում ընթացիկ ակտիվների հանրագումարը:

42. «Ակտիվներ, ընդամենը («130»+«160»)» տողում (ծածկագիր` «165») ցույց է տրվում ոչ ընթացիկ և ընթացիկ ակտիվների հանրագումարը:

4. ԲԱԺԻՆ 2. ՍԵՓԱԿԱՆ ԿԱՊԻՏԱԼ

43. «Կանոնադրական կապիտալ և էմիսիոն եկամուտ» տողում (ծածկագիր` «210») ցույց է տրվում 31 խմբի հաշիվների մնացորդների հանրագումարը:

44. «Վերագնահատումից և վերաչափումից տարբերություններ» տողում (ծածկագիր` «215» ) ցույց է տրվում 32 խմբի հաշիվների մնացորդների հանրագումարը:

45. «Ֆինանսական արդյունք» տողում (ծածկագիր` «220») ցույց է տրվում 33 խմբի հաշիվների մնացորդների հանրագումարը:

46. «Չբաշխված շահույթ (չծածկված վնաս)» տողում (ծածկագիր` «225») ցույց է տրվում 34 խմբի հաշիվների մնացորդների հանրագումարը:

47. «Սեփական կապիտալի այլ հոդվածներ» տողում (ծածկագիր` «230») ցույց է տրվում 35 խմբի հաշիվների մնացորդների հանրագումարը:

48. «Սեփական կապիտալ, ընդամենը («210» + «215» + «220» + «225» + «230»)» տողում (ծածկագիր` 235») ցույց է տրվում սեփական կապիտալի հաշիվների մնացորդների հանրագումարը:

5. ԲԱԺԻՆ 3. ՊԱՐՏԱՎՈՐՈՒԹՅՈՒՆՆԵՐ

49. «Երկարաժամկետ ֆինանսական պարտավորություններ» տողում (ծածկագիր` «310») ցույց է տրվում 41 խմբի հաշիվների մնացորդների հանրագումարը:

50. «Երկարաժամկետ վարկերի, փոխառությունների և ֆինանսական վարձակալության գծով վճարվելիք համախառն գումարներ (հանած չկրած տոկոսային ծախսեր երկարաժամկետ վարկերի, փոխառությունների և ֆինանսական վարձակալության գծով)» տողում (ծածկագիր` «310.1») ցույց է տրվում 411, 412 և 413 հաշիվների մնացորդների հանրագումարի և 4141, 4142, 4143 ենթահաշիվների մնացորդների տարբերությունը:

51. «Որպես հեջավորման գործիք նախատեսված ոչ ընթացիկ ֆինանսական պարտավորություններ» տողում (ծածկագիր` «310.2») ցույց է տրվում 415 հաշվի մնացորդը:

52. «Այլ ոչ ընթացիկ պարտավորություններ» տողում (ծածկագիր` «315») ցույց է տրվում 42 խմբի հաշիվների մնացորդների հանրագումարը:

53. «Հետաձգված հարկային պարտավորություններ» տողում (ծածկագիր` «315.1») ցույց է տրվում 422 հաշվի մնացորդը:

54. «Սահմանված հատուցումների պլանների գծով պարտականության ներկա արժեքը» տողում (ծածկագիր` «315.2») ցույց է տրվում 426 հաշվի մնացորդը:

55. «Այլ ոչ ընթացիկ պարտավորություններ` վերը չթվարկված» տողում (ծածկագիր` «315.3») ցույց է տրվում 421, 425, 427, 428 և 429 հաշիվների մնացորդների հանրագումարը:

56. «Ոչ ընթացիկ պարտավորություններ, ընդամենը («310» + «315»)» տողում (ծածկագիր` «320») ցույց է տրվում ոչ ընթացիկ պարտավորությունների հանրագումարը:

57. «Ստացված կարճաժամկետ փոխառություններ և վարկեր, հեջավորման գործիքներ» տողում (ծածկագիր` «325») ցույց է տրվում 51 խմբի հաշիվների մնացորդների հանրագումարը:

58. «Կարճաժամկետ վարկերի, փոխառությունների և ֆինանսական վարձակալության գծով վճարվելիք համախառն գումարներ և երկարաժամկետ վարկերի, փոխառությունների և ֆինանսական վարձակալության գծով վճարվելիք համախառն գումարների կարճաժամկետ մաս (հանած չկրած տոկոսային ծախսեր)» տողում (ծածկագիր` «325.1») ցույց է տրվում 511, 512, 513, 514 և 515 հաշիվների մնացորդների հանրագումարի և 5161, 5162, 5163, 5164 և 5165 ենթահաշիվների մնացորդների հանրագումարի տարբերությունը:

59. «Իրական արժեքով` շահույթի կամ վնասի միջոցով չափվող ընթացիկ ֆինանսական պարտավորություններ» տողում (ծածկագիր` «325.2») ցույց է տրվում 517 հաշվի մնացորդը:

60. «Որպես հեջավորման գործիք նախատեսված ընթացիկ ֆինանսական պարտավորություններ» տողում (ծածկագիր` «325.3») ցույց է տրվում 518 հաշվի մնացորդը:

61. «Գործառնական և այլ ընթացիկ կրեդիտորական պարտքեր» տողում (ծածկագիր` «330») ցույց է տրվում 52 և 53 խմբերի հաշիվների մնացորդների հանրագումարը:

62. «Կրեդիտորական պարտքեր գնումների գծով և ստացված կանխավճարներ» տողում (ծածկագիր` «330.1») ցույց է տրվում 521 և 523 հաշիվների մնացորդների հանրագումարը:

63. «Կրեդիտորական պարտքեր բյուջեներին (հարկերի և այլ պարտադիր վճարների գծով)» տողում (ծածկագիր` «330.2») ցույց է տրվում 524 և 525 հաշիվների մնացորդների հանրագումարը:

64. «Կրեդիտորական պարտքեր աշխատավարձի և աշխատակիցների այլ կարճաժամկետ հատուցումների գծով» տողում (ծածկագիր` «330.3») ցույց է տրվում 527 հաշվի մնացորդը:

65. «Այլ կրեդիտորական պարտքեր (ներառյալ շահաբաժինների և աշխատակիցներին այլ գործառնությունների գծով պարտքերը)» տողում (ծածկագիր` «330.4») ցույց է տրվում 528, 529 և 531 հաշիվների մնացորդների հանրագումարը:

66. «Այլ ընթացիկ պարտավորություններ» տողում (ծածկագիր` «335») ցույց է տրվում 54 խմբի հաշիվների մնացորդների հանրագումարը:

67. «Ընթացիկ պարտավորություններ, ընդամենը («325» + «330» + «335»)» տողում (ծածկագիր` «340») ցույց է տրվում ընթացիկ պարտավորությունների հանրագումարը:

68. «Պարտավորություններ, ընդամենը («320»+«340»)» տողում (ծածկագիր` «345») ցույց է տրվում ընթացիկ և ոչ ընթացիկ պարտավորությունների հանրագումարը:

69. «Պարտավորություններ և սեփական կապիտալ, ընդամենը («235» + «345»)» տողում (ծածկագիր` «350») ցույց է տրվում ընդամենը պարտավորությունների և սեփական կապիտալի հանրագումարը:

6. ԲԱԺԻՆ 4. ԿԱԶՄԱԿԵՐՊՈՒԹՅԱՆ ՖԻՆԱՆՍԱԿԱՆ ԱՐԴՅՈՒՆՔԸ

70. «Արտադրանքի, ապրանքների, աշխատանքների, ծառայությունների իրացումից հասույթ (առանց ավելացված արժեքի հարկի (այսուհետ` ԱԱՀ) և ակցիզային հարկի)» տողում (ծածկագիր` «410») ցույց է տրվում կազմակերպության կողմից թողարկված արտադրանքի, ապրանքների, կատարված աշխատանքների և մատուցված ծառայությունների իրացումից հասույթը առանց անուղղակի հարկերի (ԱԱՀ-ի և ակցիզային հարկի) (611 «Արտադրանքի, ապրանքների, աշխատանքների, ծառայությունների իրացումից հասույթ» հաշվի զուտ կրեդիտային շրջանառությունը, որն իրենից ներկայացնում է 611 «Արտադրանքի, ապրանքների, աշխատանքների, ծառայությունների իրացումից հասույթ» հաշվի կրեդիտային շրջանառության և 612 «Իրացված արտադրանքի, ապրանքների հետ վերադարձումից հասույթի ճշգրտում» հաշվի դեբետային շրջանառության տարբերությունը):

71. «Իրացված արտադրանքի, ապրանքների, աշխատանքների, ծառայությունների ինքնարժեք. տողում (ծածկագիր` «415») ցույց է տրվում 711 հաշվի զուտ դեբետային շրջանառությունը:

72. «Համախառն շահույթ, վնաս(-) («410»-«415»)» տողը (ծածկագիր` «420») հավասար է «410» ծածկագրով տող - «415» ծածկագրով տող:

73. «Իրացման ծախսեր» տողում (ծածկագիր` «425») ցույց է տրվում 712 հաշվի դեբետային շրջանառությունը:

74. «Վարչական ծախսեր» տողում (ծածկագիր` «430») ցույց է տրվում 713 հաշվի դեբետային շրջանառությունը:

75. «Արտադրանքի, ապրանքների, աշխատանքների, ծառայությունների իրացումից շահույթ, վնաս(-) («420»-«425»-«430»)» տողը (ծածկագիր` «435») հավասար է «420» ծածկագրով տող - «425» ծածկագրով տող - «430» ծածկագրով տող:

76. «Գործառնական այլ եկամուտներ» տողում (ծածկագիր` «440»` ցույց է տրվում 614 հաշվի կրեդիտային շրջանառությունը:

77. «Գործառնական այլ ծախսեր» տողում (ծածկագիր` «445») ցույց է տրվում 714 հաշվի դեբետային շրջանառությունը:

78. «Գյուղատնտեսական գործունեությունից եկամուտ» տողում (ծածկագիր` «450») ցույց է տրվում 615 հաշվի կրեդիտային շրջանառությունը:

79. «Գյուղատնտեսական գործունեությունից ծախսեր» տողում (ծածկագիր` «455») ցույց է տրվում 715 հաշվի դեբետային շրջանառությունը:

80. «Շարունակվող գործունեության շահույթ, վնաս(-)» տողում (ծածկագիր` «460») ցույց է տրվում 62 և 72 խմբերի հաշիվների տարբերությունը:

81. «Ընդհատված գործունեությունից շահույթ, վնաս(-)» տողում (ծածկագիր` «465») ցույց է տրվում 63 և 73 խմբերի հաշիվների տարբերությունը:

82. «Վերադասակարգման ճշգրտումներ. օգուտներ, կորուստներ(-)» տողում (ծածկագիր` «470») ցույց է տրվում 64 և 74 խմբերի հաշիվների տարբերությունը:

83. «Այլ համապարփակ ֆինանսական արդյունքում ճանաչվող շահույթ, վնաս(-)» տողում (ծածկագիր` «475») ցույց է տրվում 67 և 77 խմբերի հաշիվների տարբերությունը:

84. « Զուտ շահույթ, վնաս(-) նախքան շահութահարկի գծով ծախսի նվազեցումը («435»+«440»-«445»+«450»-«455»+«460»+«465»+«470»+«475») տողը (ծածկագիր` «480») հավասար է «435» ծածկագրով տող + «440» ծածկագրով տող - «445» ծածկագրով տող + «450» ծածկագրով տող - «455» ծածկագրով տող + «460» ծածկագրով տող + «465» ծածկագրով տող + «470» ծածկագրով տող + 475» ծածկագրով տող:

85. «Շահութահարկի գծով ծախս (-), եկամուտ (+)» տողում (ծածկագիր` «485») ցույց է տրվում 75 խմբի դեբետային և կրեդիտային շրջանառությունների տարբերությունը):

86. « Զուտ շահույթ, վնաս(-) շահութահարկի գծով ծախսի նվազեցումից հետո («480»+«485»)» տողը (ծածկագիր` «490») հավասար է «480» ծածկագրով տող + «485» ծածկագրով տող:»: