ԸՆՏԱՆԵԿԱՆ ԵՎ ԿԵՆՑԱՂԱՅԻՆ ԲՌՆՈՒԹՅԱՆ ԴԵՊՔԵՐԻ ԿԵՆՏՐՈՆԱՑՎԱԾ ՀԱՇՎԱՌՄԱՆ ԿԱՐԳԸ ՍԱՀՄԱՆԵԼՈ ...

01.12.2024 -

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

10 հոկտեմբերի 2019 թվականի N 1381-Ն

ԸՆՏԱՆԵԿԱՆ ԵՎ ԿԵՆՑԱՂԱՅԻՆ ԲՌՆՈՒԹՅԱՆ ԴԵՊՔԵՐԻ ԿԵՆՏՐՈՆԱՑՎԱԾ ՀԱՇՎԱՌՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ ↩

(Վերնագիրը փոփ. 21.11.24 թիվ 1828-Ն որոշում)

Ղեկավարվելով «Ընտանեկան և կենցաղային բռնության կանխարգելման ու ընտանեկան և կենցաղային բռնության ենթարկված անձանց պաշտպանության մասին» Հայաստանի Հանրապետության օրենքի 14-րդ հոդվածի 1-ին մասի 3-րդ կետով` Հայաստանի Հանրապետության կառավարությունը որոշում է. ↩ ↩

(Նախաբանը փոփ. 21.11.24 թիվ 1828-Ն որոշում)

1. Սահմանել ընտանեկան և կենցաղային բռնության դեպքերի կենտրոնացված հաշվառման կարգը` համաձայն հավելվածի: ↩

(1-ին կետը փոփ. 21.11.24 թիվ 1828-Ն որոշում)

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հավելված
ՀՀ կառավարության
2019 թվականի հոկտեմբերի 10-ի
N 1381-Ն որոշման

ԿԱՐԳ
ԸՆՏԱՆԵԿԱՆ ԵՎ ԿԵՆՑԱՂԱՅԻՆ ԲՌՆՈՒԹՅԱՆ ԴԵՊՔԵՐԻ ԿԵՆՏՐՈՆԱՑՎԱԾ ՀԱՇՎԱՌՄԱՆ ↩

(Վերնագիրը փոփ. 21.11.24 թիվ 1828-Ն որոշում)

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են սոցիալական հարցերի ոլորտում լիազոր հանրապետական գործադիր մարմնի (այսուհետ` Լիազոր մարմին) կողմից ընտանեկան և կենցաղային բռնության դեպքերի կենտրոնացված հաշվառման հետ կապված հարաբերությունները: ↩

(1-ին կետը փոփ. 21.11.24 թիվ 1828-Ն որոշում)

2. Ընտանեկան և կենցաղային բռնության դեպքերի կենտրոնացված հաշվառման նպատակը` ընտանեկան և կենցաղային բռնության դեպքերի տարածվածության և ընտանեկան և կենցաղային բռնությանը նպաստող գործոնների բացահայտման, ընտանեկան և կենցաղային բռնության կանխարգելման, ընտանեկան և կենցաղային բռնություն գործադրած և ընտանեկան և կենցաղային բռնության ենթարկված անձանց վերաբերյալ տվյալների ամփոփման ապահովումն է: ↩ ↩

(2-րդ կետը փոփ. 18.01.24 թիվ 70-Ն, 21.11.24 թիվ 1828-Ն որոշումներ)

3. Տվյալների գաղտնիությունն ապահովելու նպատակով տեղեկատվություն տրամադրող մարմինը կամ կազմակերպությունը Լիազոր մարմնին անձնական տվյալներ պարունակող տեղեկատվական փաթեթը ներկայացնում է էլեկտրոնային` տեղեկատվական համապատասխան համակարգում ներբեռնած տվյալների ապանձնավորում ապահովելով` լրացնելով սույն հավելվածի Թերթիկ N 1-ը: Թերթիկ N 1-ը լրացնելուց հետո յուրաքանչյուր օգտատիրոջը ներկայացվում է հետևյալ բովանդակությամբ հիշեցում. «Սույն թերթիկը լրացնելիս խստորեն պահպանվում են «Անձնական տվյալների պաշտպանության մասին» օրենքի և դրանից բխող այլ իրավական ակտերի պահանջները, բարեվարքության և էթիկայի կանոնները: Ընտանեկան և կենցաղային բռնության ենթարկված անձի կամ ընտանեկան և կենցաղային բռնություն գործադրած անձի անձնական կամ ընտանեկան գաղտնիք համարվող տեղեկությունն առանց նրա համաձայնության օգտագործելը, իրացնելը կամ հայտնելը կամ այդ տեղեկությունն օրենքով սահմանված կարգի խախտմամբ օգտագործելու, իրացնելու կամ հայտնելու նպատակով ձեռք բերելը կամ պահելը հանգեցնում է օրենքով սահմանված քրեական պատասխանատվության: ↩ ↩

(3-րդ կետը փոփ. 18.01.24 թիվ 70-Ն, 21.11.24 թիվ 1828-Ն որոշումներ)

II. ԸՆՏԱՆԵԿԱՆ ԵՎ ԿԵՆՑԱՂԱՅԻՆ ԲՌՆՈՒԹՅԱՆ ԴԵՊՔԵՐԻ ԿԵՆՏՐՈՆԱՑՎԱԾ ՀԱՇՎԱՌՈՒՄԸ ԵՎ ՏՎՅԱԼՆԵՐԻ ՏՐԱՄԱԴՐՈՒՄԸ ↩

(Վերնագիրը փոփ. 21.11.24 թիվ 1828-Ն որոշում)

4. Ընտանեկան և կենցաղային բռնության դեպքերի կենտրոնացված հաշվառումն իրականացնում է Լիազոր մարմինը` Հայաստանի Հանրապետության ներքին գործերի նախարարության ոստիկանության (այսուհետ` ոստիկանություն), Հայաստանի Հանրապետության քննչական կոմիտեի (այսուհետ` քննչական կոմիտե), Հայաստանի Հանրապետության հատուկ քննչական ծառայության, Հայաստանի Հանրապետության դատական դեպարտամենտի (այսուհետ` դատական դեպարտամենտ), ինչպես նաև վերջիններիս կողմից չգրանցված` օրենքով սահմանված աջակցության կենտրոնների (այսուհետ` աջակցության կենտրոն) և ապաստարանների կողմից տրամադրված տվյալների հիման վրա: ↩ ↩ ↩

(4-րդ կետը փոփ. 30.06.22 թիվ 996-Ն, 18.01.24 թիվ 70-Ն, 21.11.24 թիվ 1828-Ն որոշումներ)

5. Լիազոր մարմինը տեղեկատվությունը ստանում է տեղեկատվական համակարգի միջոցով, որի անխափան գործունեության համար պատասխանատու է «Նորք» սոցիալական ծառայությունների տեխնոլոգիական և իրազեկման կենտրոն» հիմնադրամը: Տեղեկատվությունը հավաքագրվում է հանրային ծառայությունների համարանիշով կամ անձը հաստատող փաստաթղթի տվյալներով և կարող է ամփոփվել Թերթիկ N 1-ում նախատեսված ցանկացած դաշտի` հատկանիշի կամ տեղեկատվության, կամ դրանց համակցության հիման վրա: Տեղեկատվության ամփոփման և հրապարակման համար պատասխանատու է Լիազոր մարմինը: ↩

(5-րդ կետը փոփ. 18.01.24 թիվ 70-Ն որոշում)

6. Թերթիկ N 1-ը լրացվում է ընտանեկան և կենցաղային բռնության յուրաքանչյուր դեպքի և դրա ընթացքի վերաբերյալ: Նույն անձանց միջև ընտանեկան և կենցաղային բռնության նոր դեպք արձանագրելու դեպքում սույն հավելվածի Թերթիկ N 1-ը լրացվում է կրկին, և այդ թերթիկները համակարգի միջոցով ֆիքսվելու են որպես փոխկապակցված` հանրային ծառայությունների համարանիշերով կամ անձը հաստատող փաստաթղթի տվյալներով: ↩ ↩

(6-րդ կետը փոփ. 30.06.22 թիվ 996-Ն, 18.01.24 թիվ 70-Ն, 21.11.24 թիվ 1828-Ն որոշումներ)

7. Սույն կարգի 4-րդ կետում նշված մարմինները` յուրաքանչյուրն իր իրավասության շրջանակներում, լրացնում են էլեկտրոնային հարթակում տեղադրված Թերթիկ N 1-ը: Ոստիկանությունն առաջնային լրացնում է Թերթիկ N 1-ի 1-20-րդ և 24-26-րդ դաշտերը, իսկ հետագայում` ըստ տեղեկատվության հասանելիության կամ պարզման` նաև 21-23-րդ և 27-34-րդ դաշտերը, քննչական կոմիտեն լրացնում է Թերթիկ N 1-ի 35-56-րդ դաշտերը, դատական դեպարտամենտը լրացնում է Թերթիկ N 1-ի 4-րդ, 28-րդ, 31-րդ և 57-81-րդ դաշտերը, իսկ աջակցության կենտրոնները և ապաստարանները` Թերթիկ N 1-ի 1-19-րդ, 21-23-րդ և 82-83-րդ դաշտերը: ↩

(7-րդ կետը փոփ. 30.06.22 թիվ 996-Ն, 18.01.24 թիվ 70-Ն, 21.11.24 թիվ 1828-Ն որոշումներ)

7.1. (7.1-ին կետը ուժը կորցրել է 01.12.2024 թվականից` 21.11.24 թիվ 1828-Ն որոշում) ↩

7.2. Սույն կարգի 7-րդ կետում նշված յուրաքանչյուր մարմնի համար տեսանելի են Թերթիկ N 1-ի` իր կողմից լրացվող դաշտերը և տեսանելի չեն այլ մարմինների կողմից լրացվող դաշտերը: Յուրաքանչյուր մարմնում, բացի Թերթիկ N 1-ը լրացնող պատասխանատու անձից, մարմնի իրավասությանը վերաբերող դաշտերը տեսանելի են նրա վերադասին, ով վրիպակների, անճշտությունների կամ այլ բացթողումների հայտնաբերման դեպքում կարող է ճշտումներ կամ ուղղումներ իրականացնել այդ դաշտերում: Լիազոր մարմնի ոլորտը համակարգող տեղակալի, համապատասխան վարչության և բաժնի պետերի և բաժնի ծառայողների համար տեսանելի են Թերթիկ N 1-ի բոլոր տվյալները: Սույն կետում նշված անձինք ապահովում են մուտքագրվող կամ խմբագրվող տվյալների ամբողջականությունը, դրանց ճշտությունը և անձնական տվյալների գաղտնիության պահպանությունը: Տվյալների գաղտնիության պահպանությունն ապահովվում է տվյալները մշակելու հետ առնչվող ծառայողական կամ աշխատանքային պարտականությունները կատարելու ընթացքում և դրանց ավարտից հետո:

(7.2-րդ կետը լրաց. 18.01.24 թիվ 70-Ն, 21.11.24 թիվ 1828-Ն որոշումներ)

8. (8-րդ կետն ուժը կորցրել է 28.01.2024 թվականից` 18.01.24 թիվ 70-Ն որոշում) ↩ ↩

9. (9-րդ կետն ուժը կորցրել է 28.01.2024 թվականից` 18.01.24 թիվ 70-Ն որոշում) ↩

10. (10-րդ կետն ուժը կորցրել է 28.01.2024 թվականից` 18.01.24 թիվ 70-Ն որոշում) ↩

11. Լիազոր մարմինը սույն կարգի 7-րդ կետով ստացված տեղեկատվության հիման վրա իրականացնում է ընտանեկան և կենցաղային բռնության դեպքերի կենտրոնացված հաշվառում և դրանց ընթացքի վերաբերյալ ամփոփ վիճակագրության վարում: ↩ ↩

(11-րդ կետը փոփ. 18.01.24 թիվ 70-Ն, 21.11.24 թիվ 1828-Ն որոշումներ)

12. Լիազոր մարմինն առնվազն յուրաքանչյուր կիսամյակ տեղեկատվությունն ամփոփելուց հետո` իր պաշտոնական կայքում հրապարակում է կիսամյակային և տարեկան վիճակագրական հաշվետվություններն ընտանեկան և կենցաղային բռնության դեպքերի վերաբերյալ: Լիազոր մարմինը կարող է հրապարակել ընթացիկ հաշվետվություններ` ցանկացած ժամանակահատվածի համար և ցանկացած ծավալով: ↩ ↩

(12-րդ կետը փոփ. 18.01.24 թիվ 70-Ն, 21.11.24 թիվ 1828-Ն որոշումներ)

Հրապարակման ոչ ենթակա

Թերթիկ N 1 ↩ ↩

(Թերթիկ N 1 խմբ. 30.06.22 թիվ 996-Ն, 18.01.24 թիվ 70-Ն, 21.11.24 թիվ 1828-Ն որոշումներ)

ԸՆՏԱՆԵԿԱՆ ԵՎ ԿԵՆՑԱՂԱՅԻՆ ԲՌՆՈՒԹՅԱՆ ԴԵՊՔԻ ՎԵՐԱԲԵՐՅԱԼ ↩

(Վերնագիրը փոփ. 21.11.24 թիվ 1828-Ն որոշում)

Լրացնող` _______________________________________________________________

անուն, ազգանուն, զբաղեցրած պաշտոն, ստորագրություն, լրացման ամսաթիվ

Հրապարակման ոչ ենթակա

Թերթիկ N 2 ↩

ԴԱՏԱԿԱՆ ԴԵՊԱՐՏԱՄԵՆՏԻ ԿՈՂՄԻՑ ԼՐԱՑՎՈՂ ԸՆՏԱՆԻՔՈՒՄ ԲՌՆՈՒԹՅԱՆ ԴԵՊՔԻ (ԳՈՐԾԻ) ՀԱՇՎԱՌՄԱՆ ԹԵՐԹԻԿ N _____

(N 2 թերթիկն ուժը կորցրել է 28.01.2024 թվականից`  18.01.24 թիվ N 70-Ն որոշում)

Հրապարակման ոչ ենթակա

Թերթիկ N 3 ↩

ԱՋԱԿՑՈՒԹՅԱՆ ԿԵՆՏՐՈՆԻ, ԽՆԱՄԱԿԱԼՈՒԹՅԱՆ ԵՎ ՀՈԳԱԲԱՐՁՈՒԹՅԱՆ ՄԱՐՄԻՆՆԵՐԻ, ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ, ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅԱՆ ԿՈՂՄԻՑ ԼՐԱՑՎՈՂ ԸՆՏԱՆԻՔՈՒՄ ԲՌՆՈՒԹՅԱՆ ԴԵՊՔԻ ՀԱՇՎԱՌՄԱՆ ԹԵՐԹԻԿ N _____

(N 3 թերթիկն ուժը կորցրել է 28.01.2024 թվականից` 18.01.24 թիվ N 70-Ն որոշում)

Թերթիկ N 4 ↩

ՀԱՇՎԵՏՎՈՒԹՅՈՒՆ ԸՆՏԱՆԻՔՈՒՄ ԲՌՆՈՒԹՅԱՆ ԴԵՊՔԵՐԻ ՎԵՐԱԲԵՐՅԱԼ ԿԵՆՏՐՈՆԱՑՎԱԾ ՀԱՇՎԱՌՄԱՆ

(N 4 թերթիկն ուժը կորցրել է 28.01.2024 թվականից` 18.01.24 թիվ N 70-Ն որոշում)